konka coffee
KONKA

AMAKURU

UKWEZI

U Rwanda rwateye utwatsi iby’uko rwabangamiye iperereza rya Loni ku iyicarubozo

U Rwanda rwateye utwatsi  iby’uko rwabangamiye iperereza rya Loni ku iyicarubozo
23-10-2017 saa 13:24' | By Vincent Nsengiyumva | Yasomwe n'abantu 1987 | Ibitekerezo 1

Guverinoma y’u Rwanda yateye utwatsi ibiherutse gutangazwa n’Intumwa za Loni zigize Komite Ishinzwe kurwanya Iyicarubozo ko zabangamiwe mu bikorwa by’iperereza zari zajemo mu Rwanda maze zitaha zishoje ubutumwa bwari bwazizanje.

Iyi Komite yari yoherejwe na UN kugenzura uko imfungwa zo mu Rwanda zifatwa,zikaba zarageze mu Rwanda kuwa Mbere tariki ya 16 Ukwakira 2017, aho bakiriwe n’inzego nkuru z’ubutabera mu Rwanda bakagirana ibiganiro.

Iyi Komite ntiyaje gukomeza imirimo yayo, kuko nyuma y’iminsi micye yahise itangaza ko Leta y’u Rwanda yabakumiriye kugera aho abagororwa bafungiye bityo bakabona ko iri kubananiza maze bahagarika imirimo yari yabazanye.

Guverinoma y’u Rwanda yanenze bikomeye iri tsinda ivuga ko bihutiye guhagarika ubutumwa bwabo no guhuruza itangazamakuru ngo barigaragarize ko bahagaritse icyari cyabazanye babikora batabanje kugeza ikibazo bagize kuri Leta.

Kuri uyu wa 23 Ukwakira 2017, Guverinoma y’u Rwanda yashyize ahagaragara itangazo rivuga ko Komite ya Loni yishe amabwiriza bari bumvikanye maze ikarangiza akazi kari kayizanye itabimenyesheje ubuyobozi bw’u Rwanda ahubwo ikajya gukwirakwiza ibihuha mu bitangazamakuru.

Johnston Busingye Minisitiri w’Ubutabera akaba n’intumwa nkuru ya Leta, muri iri tangazo yavuze ko u Rwanda ari rwo rwari rwatumiye iyo komite, ikaza ikamara iminsi itanu isura ahantu hatandukanye nta kibazo na kimwe igaragaza.

Yavuze ko mu gihe cy’iminsi itanu izi ntumwa zari mu Rwanda ngo zasuye ibigo bitandukanye birimo ama gereza, sitasiyo za polisi, Transit Centers, ibitaro bivura abafite uburwayi bwo mu mutwe baganira na bamwe mu bakozi impfungwa n’abarwayi bagiye bahasanga.

Yanavuze ko abavuga ko hari ababangamiwe mu butumwa bari bajemo ari ibintu bidafite ishingiro bidafite ishingiro bigamije gushyushya imitwe no guteza umwuka mubi.

U Rwanda ruri mu bihugu 75 byashyize umukono bikanemeza iyubahirizwa ry’amasezerano yo kurwanya iyicarubozo,amasezerano anateganya iri tsinda yashyizweho umukono mu 2002 agatangira kubahirizwa mu 2006.

Minisitiri w’Ubutabera akaba n’Intumwa Nkuru ya Leta, Johnston Busingye


INKURU ZA :
Tanga Igitekerezo
Ibitekerezo 1
bizimana Kuya 23-10-2017

njyewe simfunzwe ariko ihohoterwa nakorewe ni agahoma munwa nuko ntawe natura agahinda kanjye gusa abahohotera bagenzi babo bajye bamenyako nabo bibabayeho bitabashimisha,njyewe rwose uwo nahura nawe wese namubwiza ukuri kuko mu rwanda hari akarengane gusa IMANA ibababarire.

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...