AMAKURU

UKWEZI

Ubuhamya bw’uwari mu ngabo za Habyarimana wahishe umurambo wa Agathe Uwilingiyimana

Ubuhamya bw’uwari mu ngabo za Habyarimana wahishe umurambo wa Agathe Uwilingiyimana
13-04-2017 saa 18:18' | By Vincent Nsengiyumva | Yasomwe n'abantu 12194 | Ibitekerezo 3

Ubwo hasozwaga icyumweru cy’Icyunamo cyo kwibuka Jenoside yakorewe Abatutsi kuri uyu wa Kane tariki ya 13 Mata 2017, umusaza Karamaga Thadée wahoze mu ngabo za FAR zo ku gihe cy’ubutegetsi bwa Perezida Juvenal Habyarimana, yatanze ubuhamya bugaragaza ibikorwa by’Ubutwari yagiye akora mu gihe cya Jenoside ndetse anavuga uburyo yahishe umurambo w’uwari Minisitiri w’Intebe, Agatha Uwiringiyimana akimara kwicwa, kugira ngo azagaragare ashyingurwe mu cyubahiro.

Karamaga yavuze ko yari umukuru w’ibarizo ashinzwe ibyo gushyingura abasirikare n’abandi banyapolitike bapfuye, ubwo indege ya Habyarimana yari ikimara kuraswa. Yagize ati “Indege ya Habyarimana ikimara kugwa nari umukuru w’ibarizo, ni njye wakoresheje amasanduku yo gushyiramo iimirambo y’abo bantu bari bapfanye na Perezida Habyarimana ari bo; Gen. Nsabimana Deogratias, Col. Sagatwa, Maj Bagaragaza, Dr Akingeneye, Amb. Renzaho n’undi ntibuka izina, nabakoreye amasanduku muri iryo joro. Bukeye ku itariki ya 7 banzanira imirambo nyishyira mu buruhukiro bw’Ibitaro bya gisirikare i Kanombe kubera ko ni njye wari ubishinzwe.”

Umusaza Karamaga akomeza avuga ko bucyeye bwaho tariki ya 8 ari bwo yahawe umurambo wa Agatha Uwiringiyimana wari Minisitiri w’Intebe, bamutegeka kuwushyingura bitarenze saa munani z’amanywa kugirango hatazagira umuntu n’umwe umenya iby’urupfu rwe, ariko ntiyabyubahiriza ahubwo amushyira mu isanduku ayisunikira munsi y’imirambo y’abari bapfanye na Perezida.

Yagize ati “Ku itariki ya 8 mugitondo nka saa tatu, ubwo nari mu ibarizo nahamagawe n’intumwa ya Maj. Enjeniyeri Ntihora Augustin wari uhagarariye umutwe w’ingabo witwa Batiment militaire, ngeze imbere y’ibiro bye mpasanga ambulance, arambwira ati muri iyi modoka harimo umurambo wa Uwiringiyimana Agathe. Arongera ati kano kanya genda umuhambe kuburyo saa munani biza kuba byarangiye.”

Yakomeje avuga ko yahise amushyira mu isanduku amuryamishamo neza maze ayisunikira munsi y’izindi zarimo imirambo ya ba bantu bari bapfanye na Perezida Habyarimana. Umusaza Karamaga yanavuze ko uwo munsi koko Maj. Ntihora Augustin yaje kumubaza niba koko yashyinguye Madamu Agathe nk’uko yari yabimutegetse, maze naw e ahita amusubiza ko yabikoze nk’uko yabitegetswe.

Ntibyagarukiye aho kuko uyu musaza yakomeje gukora ibikorwa by’ubutwari aho muri iyo minsi yagiye akusanya abana basigaye ari imfubyi maze abahungisha ku rugo rwari haruguru y’ikigo cya gisirikare (Military) i Kanombe.

Nyuma yaje kubona interahamwe zasaze amabombe yabaye menshi, afata ba bana abajyana mu kigo ku mu kaporari w’umunyabyumba witwaga Sacas. Ntibyatinze byaje gukomera afata ba bana abasubiza mu rugo rwe atinya ko za bombe zazabagwaho zikabicira mu nzu.

Uyu musaza avuga ko igihe cyo guhunga cyageze ba bana uko bageraga kuri 19 akabafata akabambukana bagahungira muri Congo yitwaga Zaire icyo gihe, maze akomeza kubarwanaho n’ubwo byari bimukomereye cyane.

Yagize ati: “Tukigera muri Congo ubuzima bwarankomeranye cyane. Naguze imifuka 2 y’bishyimbo imbana ubusa ntangira kwirirwana umufuka ngenda nsabiriza ibigori kugira ngo mbone uburyo ntunga abo bana.”

Umusaza Karamaga akomeza avuga ko bakomeje kumuhiga n’aho muri Congo, kuko Col. Baransaritse yamuteguriye agaco ko kumwicana n’abo bana maze baramuburira baracika abona bararusimbutse.

Yagize ati“Muri icyo gihe Col. Baransaritse yanteguriye agaco ko kunyicana n’abo bana avuga ngo ‘kiriya gikaporali cy’igitutsi ni icyitso cy’inkotanyi’, agaco kagombaga kuza kunyicana n’abo bana karaje, umwe muri bo yaraje nka saa tanu arambwira ngo urapfuye n’abana nimuhunge. Nohereje umwe umwe mbabwira aho turi buhurire, ni nako gutaha mu Rwanda.”

Akigera mu Rwanda yahasanze ingabo za RPF Inkotanyi zitangira kumufasha, bamuha ibyo kurya maze banamufasha no gushakira abo bana imiryango yabo yaba yararokotse Jenoside. Uyu musaza kandi yanavuze ko nyuma ya Jenoside yakorewe abatutsi yatanze umusanzu ukomeye mu kugaragariza inkiko Gacaca bamwe mu bakoze ubwicanyi muri Jenoside none abenshi muri bo barafashwe baraburanishwa barahanwa.

Yanerekanye kandi ibyobo 3 byari mu kigo cya gisirikare cya Kanombe byajugunywagamo imirambo y’abatutsi bamaraga kwicwa, ubu bakaba barabakuyemo bagashyingurwa mu cyubahiro.

Uyu musaza ariko yanagaragaje ko kugeza ubu hakiri abantu bari mu bihugu bitandukanye bamuhamagara kuri telefoni bamubwira ko bazamwica kubera ibikorwa by’Ubutwari yakoreye abatutsi, ibintu Perezida wa Sena, Bernard Makuza, yahise amumaraho impungenge amwizeza ko agomba gutuza agatekana kuko nta we uteze kuzamukoraho.


Karamaga wahishe umurambo wa Agatha Uwilingiyimana asigaye aterwa ubwoba n’abantu baba hanze y’u Rwanda bamubwira ko bazamwica


INKURU ZA :
Tanga Igitekerezo
Ibitekerezo 3
jacques Kuya 14-04-2017

nonec @king,ushingira kucyi uvugako aramatakirangoyi?nimba umuntu atanze ubuhamya bwibyo yakoze agatanga nibimenyetso wowe ubihakana ushingira kucyi,
1.ibyo avuga we aratanga nibimenyetso ex.aravuga ati umurambo wa uwiringiyimana agatha aho yawushyize yashyizeho nikimenyetso
*abana yahishe bose nibazako nabo barahari
*aho bashyinguraga imibiri yabishwe naho yaraherekanye harazwi
*abasirikare avuga baranzwi
*numb fone zamuhamagaye zimutera ubwoba nazo yarazerekanye
ubwoc koko ubwo icyo twakwita amatakirangoyi nigiki?
ikindi.kdi uyu ntago afunze ari hanze bisanzwe ntabyaha yagirizwa
icyanyuma na nyuma wanamenya nabandi.basobanukirwa uyu yatanze ubuhamya nkumurinzi wigihango kdi.kugirango ujye mumubare wabarinzi bigihago ntago ubyihitiramo ahubwo baguhitamo bakirikije ibikorwa wakoze bigaraharira burumwe wese ubwo rero numvako abamuhisemo bari bazi.neza cg banyuzwe nibyo yababwiye.ndumva ari byo
gusa kubwajye ndamushimira cyane kuko yarakoze ahubwo nabandi bazajye
bareberaho.murakoze cyane

jacques Kuya 14-04-2017

nonec @king,ushingira kucyi uvugako aramatakirangoyi?nimba umuntu atanze ubuhamya bwibyo yakoze agatanga nibimenyetso wowe ubihakana ushingira kucyi,
1.ibyo avuga we aratanga nibimenyetso ex.aravuga ati umurambo wa uwiringiyimana agatha aho yawushyize yashyizeho nikimenyetso
*abana yahishe bose nibazako nabo barahari
*aho bashyinguraga imibiri yabishwe naho yaraherekanye harazwi
*abasirikare avuga baranzwi
*numb fone zamuhamagaye zimutera ubwoba nazo yarazerekanye
ubwoc koko ubwo icyo twakwita amatakirangoyi nigiki?
ikindi.kdi uyu ntago afunze ari hanze bisanzwe ntabyaha yagirizwa
icyanyuma na nyuma wanamenya nabandi.basobanukirwa uyu yatanze ubuhamya nkumurinzi wigihango kdi.kugirango ujye mumubare wabarinzi bigihago ntago ubyihitiramo ahubwo baguhitamo bakirikije ibikorwa wakoze bigaraharira burumwe wese ubwo rero numvako abamuhisemo bari bazi.neza cg banyuzwe nibyo yababwiye.ndumva ari byo
gusa kubwajye ndamushimira cyane kuko yarakoze ahubwo nabandi bazajye
bareberaho.murakoze cyane

King Kuya 13-04-2017

Namatakirangoyi no gushaka amaramuko uyumu type arabeshya!!! Cg nibyozamuteyemo. Ngoyabitse umurambo!!!! Politike ntabyo itavugisha kweli

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...