konka coffee
KONKA

AMAKURU

UKWEZI

Ubwinyagamburiro bwo kurya ibyawe ukarya n’iby’abandi ntabwo uzabona - Perezida Kagame

Ubwinyagamburiro bwo kurya ibyawe ukarya n’iby’abandi ntabwo uzabona - Perezida Kagame
14-12-2017 saa 11:53' | By Vincent Nsengiyumva | Yasomwe n'abantu 2313 | Ibitekerezo 3

Perezida Paul Kagame yanenze bikomeye abayobozi barangwa n’umuco wo kurya ibya rubanda batahurwa bagatangira kugenda basebanya bavuga ko mu Rwanda nta bwinyagamburiro buhari, abakurira inzira ku murima ko badateze kuzabona ubwo bwinyagamburiro bwo kurya iby’abandi.

Ibi Umukuru w’igihugu yabigarutseho kuri uyu wa Kane tariki ya 14 Ukuboza 2017 muri Kongere y’Umuryango FPR Inkotanyi ku rwego rw’igihugu yahuriranye no kwizihiza isabukuru y’imyaka 30 uyu muryango umaze ubayeho.

Iyi kongere yatangiye kuri uyu wa Kane izasozwa ku wa Gatandatu tariki ya 16 Ukuboza 2017, ikaba izaganirwamo byinshi bitandukanye birimo ibyo uyu muryango umaze kugeraho mu myaka 30 ishize ndetse n’ibyo bategura kuzageraho mu bihe bizaza.

Ubwo yaganirizaga Abanyamuryango ba FPR Inkotanyi basaga 2000 bitabiriye iyi Kongere iri kubera ku kicaro gikuru cy’uyu muryango giherereye mu murenge wa Rusororo mu karere ka Gasabo, Umukuru w’igihugu yavuze ko abayobozi bakora amakosa bakabera urugero rubi abaturage kandi hari byinshi baba babatezeho.

Yagize ati "Abaturage bo barumva bazi icyo bashaka,, ntabwo bajya gushukwa bahora badutegerejeho icyo tubabwiriza, icyo twakorana nabo kugira ngo dutere imbere. Abaturage bo barumva barashaka ubuzima bwiza, barashaka umutekano, barashaka gukora bakihaza mubyio bakeneye. Nibyo badusaba ni nabyo baduhera izi nshingano twebwe twicaye hano, nta kuntu rero twakwihanganira kunyuranya nabyo nibyo badutezeho."

Umukuru w’igihugu yanenze bamwe mu bayobozi bagaragaraho ibibazo, imyitwarire mibi no kutuzuza inshingano bahawe babibazwa bigahinduka ikibazo bagatangira kuvuga ko u Rwanda rwahindutse ko badafite ubwinyagamburiro.

Yagize ati “ […] Muri izi nshingano zacu tugomba kubibazwa, tukabazwa izzi nshingano dufitiye abaturage.Babandi bake bafite ibyo bibazo ntabwo bajya bifuza kubazwa inshingano, ahubwo iyo bazibajijwe bihinduka ikibazo, bagahimba ko urwanda rwahindutse ahantu umuntu adafite ubwinyagamburiro.Ubwo se wagira ubwinyagamburiro mu gutwara iby’abandi gute?Ukwiriye kuba ufite ubwinyagamburiro bwo guhemukira abanyarwanda baguhaye izo nshingano gute?Ukwiriye kubona ubwinyagamburiro bwo kwikubira buri kintu cyose gute?"

Perezida Kagame yavuze ko ibyo byose ari bimwe mu bibazo bishya bikurikirana no Kwibohora asaba Abanyarwanda ko bagomba kwemera bagahangana nabyo.Yanasabye abanyamuryango ba FPR Inkotanyi gukomeza kurangwa n’ubwitange.

Yagize ati " Abanyamuryango, mwebwe mwagize ubwitange na mbere hose muri kwa kwibohora, ubwitange mu guhangana n’ibibazo bishya, ntabwo twatezuka kuri iyo ntego ndetse ibyo ni byo bivamo uburere, inyigisho dukwiriye kuba duha urubyiruko rwacu, abana bacu, abayobozi b’uyu munsi n’ejo mu Rwanda.”

Ikiturinda kiri muri twe

Umukuru w’iguhugu yakomeje avuga ko ibituruka hanze bigamije guhungabanya umutekano n’umudendezo w’Abanyarwanda cyangwa gusenya ibyagezweho ntabyo bageraho kuko ikirinda abanyarwanda kiri hagati muri bo.

Ati "Ibyo mubona cyangwa mwumva bigamije guhungabanya ibyo twubaka cyangwa umutekano wacu, cyane cyane ibituruka hanze burya ntacyo byageraho. Ikiturinda kiri hano kiri muri twe.Ikizaturinda kikarinda ibyo twubaka kiri hano. Nitwirinda ya mico mibi, tukubahana, tugashyira hamwe ntabwo abantu bashobora kugira ahoi bamenera."

Yashimangiye ko gutera u Rwanda uturutse hanze bigoye cyane ndetse ko bitashoboka avuga ko icyashoboka ari icy’uko rwaterwa n’ururimo imbere.

Ati " Kudutera uturutse hanze biragoye , kudutera uduturutsemo nibyo byoroshye nibyo bishoboka. Icyo gihe rero nibyo dukwiriye kureba naho ibindi burya nta ntambara yadutera ubwoba."

Muriratana iki ko hari ibibazo byinshi byo gukemura?

Umukuru w’igihugu yongeye kwihaniza cyane Abanyarwanda bimitse ’umuco umaze wo guhora bigamba bavuga ko hari urwego bagezeho bityo amahanga akwiye kuza kubigiraho.

Yavuze ko izo mvugo zikunze gukoreshwa na bamwe mu bayobozi basa n’abigamba amaze kuzirambirwa cyane ko atari ubwa mbere abigarutseho. Yagaragaje ko bidakwiye na gato kuko u Rwanda rugifite ibibazo byinshi byo gukemura kurusha ibyo kwirata.

Yagize ati “Nk’abanyamuryango ba RPF, ntidukwiye kwirata ngo hari ibyo abantu bakwiye kutwigiraho. Ibyo bitandukanye n’abo turibo n’indangagaciro zacu. Mureke ahubwo duhe imbaraga gukemura ibibazo no guhangana n’ibibazo tutarabasha gukemura tubishakire ibisubizo.”

Yunzemo ati “Muriratana iki ko hari ibibazo byinshi byo gukemura? Mwaretse tukaba ari byo dukemura. Niba hari ibyo abantu baza kukwigiraho wabaretse bakaza nyine bakabitwigiraho wowe urajya kuvuga iki? Uwo ni muco ki?”


INKURU ZA :
Tanga Igitekerezo
Ibitekerezo 3
Gasindi Kuya 15-12-2017

Abategetsi ba Nyaruguru ubwo bwinyegamburiro kongo Kaboneka yabumubaye bamaze abantu nimitungo yakarere, buriya nabo barahicaye!!!!?? Mzee nagerageze, gushaka nabamufasha muzibanze babyumva kimwe, yokwishinga abamuvangira ngo sisteme, kdi aribo usanga bashyigikira bakirimbuzi abo kubvera uburyarya namaturo babajyanaho

Faustin Kuya 14-12-2017

Uyu ni umuyobozi waturutse Ku Mana ntahandi pe!!!!!

nivyo Kuya 14-12-2017

Bariratana Ko barya abaturage.bamaze kunva aho bagejeje Ngo amahanga naze abigireho!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...