konka coffee
KONKA

AMAKURU

UKWEZI

Ukurusha umugore ufite uruhare mu kurwubaka akurusha igihugu gihamye - Jeannette Kagame

 Ukurusha umugore ufite uruhare mu kurwubaka akurusha igihugu gihamye - Jeannette Kagame
3-12-2017 saa 08:18' | By Akayezu Jean de Dieu | Yasomwe n'abantu 1291 | Ibitekerezo

Madamu wa Perezida wa Repubulika y’u Rwanda, Jeannette Kagame yabwiye abagore bari mu rugaga rushamikiye ku muryango FPR Inkotanyi ko bafite amahirwe akomeye kuko bafite u Rwanda ndetse anashimangira ko burya ukurusha umugore ufite uruhare mu kurwubaka aba akurusha igihugu gihamye

Ibi ni ibikubiye mu butumwa Madamu Jeannette Kagame yahaye abagore basaga 2000 bari bitabiriye Inama Nkuru y’Urugaga rw’abagore bashamikiye ku Muryango FPR Inkotanyi yabaye kuri uyu wa Gatandatu tariki 02 Ukuboza 2017, i Rusororo ku cyicaro gikuru cy’Umuryango.

Umuyobozi mukuru w’urugaga rw’Abagore bashamikiye ku muryango FPR Inkotanyi, Madamu Mukantabana Maria, we mu ijambo rye yagarutse ku myanzuro yafatiwe muri iyi nama irimo kuba abagore biyemeje ko bagiye kubakira ku musingi w’iterambere himakazwa indangagaciro. Yavuze ko kandi bahize kwihutisha ishyirwa mu bikorwa rya gahunda ya RPF mu cyerekezo cy’ighihugu ndetse no kurwanya uwashaka kubakoma mu nkokora agamije kubasubiza inyuma.

Madamu Mukantabana kandi yavuze ko bagiye gushaka ibisubizo by’ibibazo igihugu kigenda gihura nabyo ndetse bakongera imbaraga mu kwita ku bana bakiri bato bagatoza urubyiruko kwigirira icyizere babyaza umusaruro amahirwe bahawe, bakanakomeza ibiganiro mu nzego zose harimo n’abagabo bigamije gushaka ingamba zihamye zo kuba ababyeyi beza.

Bishimiye kandi n’intsinzi ya Perezida Kagame yegukanye mu matora y’umukuru w’igihugu aherutse kuba ku matariki ya 03 na 04 Kanama 2017.

Madamu wa Perezida wa Repubulika w’u Rwanda, Jeannette Kagame wari umushyitsi mukuru, yashimiye Umuryango RPF Inkotanyi ndetse n’urugaga rw’abagore bateguye inama yanatanzwemo ibitekerezo byubaka. Jeannette Kagame kandi yashimiye abashyitsi baturutse mu mitwe ya Politiki yo mu Rwanda no hanze y’u Rwanda yaje kwifatanya na RPF Inkotanyi muri iyi nama itegura kwizihiza Isabukuru y’Imyaka 30 Umuryango FPR Inkotanyi umaze ubayeho.

Jeannette Kagame yavuze ko abanyarwandakazi bafite amahirwe akomeye cyane ko bavutse mu gihugu cyiza kigizwe na bato batari gito bagamije guteza imbere umunyarwanda wese nta n’umwe uhejwe.

Yagize ati “Abanyarwandakazi bavutse kandi bavukira mu muryango w’ibihangange bato batari gito Inkotanyi, ngira ngo abato batubona iyo twese hano (,,,,) mu myaka 30 ishize twari bato natwe, barebye babona imbaraga zitandukanye
z’umunyarwandakazi bareba ibiri mu Itegeko Nshinga none ba Nyampinga turaganje”

Jeannette Kagame kandi yagarutse ku kiganiro Minisitiri w’Intebe yahaye Inteko Ishinga Amategeko ku munsi w’ejo ku wa Gatanu, aho yabagezagaho bimwe mubyo Leta yateganyije kugeraho muri iyi myaka 7 iri imbere ndetse n’ibitaragerwaho kandi byagakwiye kuba byaragezweho mu myaka ishize, asaba abagore kureba uko bakongera ubumenyi bw’abanyarwanda badafite ubumenyi bujyanye n’ibikenewe ku isoko ry’umurimo, aha akaba yavuze ko abagore bakwiye kureba ibyo bakora kugira ngo ibyo byose bigerweho.

Aho yahise akomoza ku nsanganyamatsiko y’iyi nama asaba abagore kugira uruhare mu gushaka Impinduka zirambye, kutagamburuzwa no kwigira” waba uri umuyobozi waba uri umukozi wa Leta, asabwa kuba umugore ubanye neza n’umugabo hanyuma hakubakwa umuryango mwiza.

Ati “Umuco wacu muri RPF nta vangura kandi nta ntore igenda yonyine, ariko ubwo bose badahari tugomba kwishakamo ibisubizo. Bimwe mu byo ntekereza ko byadufasha, niba mwitegereje neza bamwe bari bari kuri Pannels, ngire ngo duhagarariwe neza kuko dufite abaduhagarariye mu Nteko ya EALA, Abaduhagarariye muri Banki y’igihugu, muri Sena, mu banyamakuru (….) Ubwo icyo tudafite ni iki?”

Jeannette Kagame yasoje ashimira abantu bose bitanze mu rugamba rwo kubohora igihugu aho yavuze ko ashimira cyane, ababyeyi baba bariho n’abataramenyekana babereye igihugu abatabazi, avuga ko inyiturano baha abo babyeyi ari ukurera urubyiruko rwiza ruhamye ruzagera ikirenge mu cy’izo ntwari zitangiye igihugu. Yanabasabye kandi ko badakwiye gutakaza ishusho yabo ari nawo muryango wabo wa FPR Inkotanyi.

Iyi nama nkuru kandi yitabiriwe n’abahagarariye abagore bo mu mitwe ya politiki ikorera mu Rwanda irimo PSD, PL, PDI, PSR, PSP, PDC,PPC,Green Party ndetse na PS Imberakuri, n’abahagarariye abagore mu mitwe ya politiki y’inshuti z’Umuryango mu bihugu bitandukanye birimo: MPLA riri ku butegetsi muri Angola, EPRDF riri ku butegetsi muri Ethiopia, SWAPO ryo muri Namibie, CCM muri Tanzania, ndetse na SPLM riri ku butegetsi mu gihugu cya Sudan y’Epfo.


Uyu yaje ahagarariye ishyaka MPLA riri ku butegetsi muri Angola
Uyu yaje ahagarariye ishyaka EPRDF riri ku butegetsi muri Ethiopia
Uyu nawe yaje ahagariye ishyaka SWAPO ryo muri Namibie
Yaje ahagarariye ishyaka SPLM riri ku butegetsi mu gihugu cya Sudan y’Epfo
Uyu ni uwaje ahagarariye ishyaka Chama Cha Mapinduzi riri ku butegetsi muri Tanzania


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...