konka coffee
KONKA

AMAKURU

UKWEZI

Umukecuru Zula Karuhimbi wahishe abantu 150 muri Jenoside yatabarutse

Umukecuru Zula Karuhimbi wahishe abantu 150 muri Jenoside yatabarutse
17-12-2018 saa 23:41' | By Chief Editor | Yasomwe n'abantu 16623 | Ibitekerezo 8

Umukecuru witwa Zula Karuhimbi, wo mu mudugudu wa Musa, Akagali ka Gaseke, Umurenge wa Ruhango mu Karere ka ruhango wamamaye kubera inzira y’umusaraba yanyuranyemo n’abantu 150 yari ahishe mu gihe cya Jenoside yakorewe abatutsi mu 1994, yatabarutse azize izabukuru nyuma y’uko yari amaze igihe yarituwe yaranubakiwe inzu nziza.

Uyu mukecuru ufatwa na benshi nk’intwari kubera igikorwa gikomeye yakoze, yatabarutse nta burwayi budasanzwe afite ndetse nta n’ikindi gikekwa n’umuryango we uretse kuba yari ashaje cyane.

Karuhimbi yari yaratangaje ko icyamufashije kurokora abantu benshi yari ahishe mu nzu ye ari uko yabwiraga interahamwe zahoraga iwe zije kubica ko afite nyabingi mu nzu ye akababwira ko uwakwibeshya akinjiramo atahasohoka amahoro.

Uyu mukecuru yavuze ko guhisha abahigwaga icyo gihe nta gihembo yaharaniraga ko ahubwo yabikoze ku bw’umutima we gusa, akanavuga ko aba bicaga babitewe n’inda nini ndetse n’ubugome bari barigishijwe igihe kinini.

Umukecuru Zula kandi yanavuze ko muri abo bantu yarokoye uko bari 150, harimo abatutsi basaga 100, abahutu bagera kuri 50 barwanyaga ubu bwicanyi ndetse n’abazungu 3 bose bakaba bari mu nzu ye yari ifite ibyumba 4 aho buzuyemo abandi bakajya mu mwobo yari yaracukuye mu gikari cy’iyo nzu ye.

Zula kandi ngo uretse kubahisha yagiye anabarwanaho mu rwego rwo kubashakira ibyo barya aho yakoreshaga uko ashoboye akababonera byibura duke two kubaramira kugira ngo baticwa n’inzara.

Zula yitwaje Nyabingi mu gutera ubwoba ibitero byazaga gushaka abantu yari ahishe

Karuhimbi ati “Baje bavuga ngo turashaka abantu ufite ngo tubice, nanjye nti mu nzu yanjye harimo za nyabingi.Nuko nkora ibyo nari narateguye nkazunguza akantu kagahamagara abari imbere maze nabo bakitaba. Ubwo interahamwe zibibonye ziti ‘uyu mugore afite nyabingi koko’ bagahita bagenda.”

Uyu mukecuru yavuze ko yakomeje gukina imitwe interahamwe, aza kubona Inkotanyi zitabaye, aba bantu bose barokoka batyo, ibintu nawe atariyumvisha neza uko batabamwiciye mu maso cyangwa ngo nawe bamwice.

Umukecuru Zula yahawe imidari myinshi y’ishimwe n’abantu batandukanye ku bw’igikorwa cy’indashyikirwa yakoze, hakaba harimo n’uwo yiherewe na Perezida Paul Kagame.


INKURU ZA :
Tanga Igitekerezo
Ibitekerezo 8
intwari Kuya 26-12-2018

abakuzi nabumvise amateka yawe tuzahora tukwibuka k’ubwutwari wagize bwananiye benshi kdi bafite ubushobozi bwo kubarokora

tuzaho tukwibuka

Deborah Kuya 21-12-2018

R I P mubyeyitwizeyeko ugiyeheza imirimo wakozeiguherekeze

Primi Kuya 18-12-2018

Iyo mu ijuru iguhe kuruhukira mumahoro abowagiriye neza tuzahora tukwibuka

Primi Kuya 18-12-2018

Iyo mu ijuru iguhe kuruhukira mumahoro abowagiriye neza tuzahora tukwibuka

Fahd Kuya 18-12-2018

Inallillah was inalillah Allah azakugororere ibyo wakoze

Pasteur Antoine Kuya 18-12-2018

Uyu mukecuru yarakoze kdi Imana izabimuhembere kurokora abantu 150 ukabakiza amaboko yabicanyi ni ikintu gikomeye ,Twese tumwigireho kugira neza niyo byaba bikomeye .
Imana imwakire mubayo nicyo musabiye.

K. Arthur Kuya 18-12-2018

Imana yo mu ijyuru ikwakire wakoze igikorwa cyananiye benshi bari bafite n’ubushobozi burenze ubwawe. RIP

MUCYO DENYS Kuya 11-04-2018

YOOO WAKOZE IGIKORWA CYUBUTWARI IMANA IZAGUHE UMUGISHA

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...