konka coffee
KONKA

AMAKURU

UKWEZI

Umuyobozi mukuru mu Rwanda uregwa kwibira mushiki we misiyo n’amatike y’indege yirukanywe

Umuyobozi mukuru mu Rwanda uregwa kwibira mushiki we misiyo n’amatike y’indege yirukanywe
15-02-2018 saa 09:50' | By Chief Editor | Yasomwe n'abantu 10962 | Ibitekerezo 11

Kuri uyu wa Gatatu, tariki ya 14 Gashyantare 2018, Inama y’Abaminisitiri yateraniye muri Village Urugwiro, iyobowe na Nyakubahwa Perezida wa Repubulika, Paul KAGAME, yemeje Iteka rya Minisitiri w’Intebe ryirukana burundu mu bakozi ba Leta Bwana GASHAYIJA Nathan wari Umuyobozi Mukuru muri Minisiteri y’Ubucuruzi n’Inganda; nyuma y’uko akurikiranyweho icyaha cyo gufata icyemezo gishingiye ku itonesha, ubucuti, urwango cyangwa icyenewabo, aho bivugwa ko yajyaga agenera mushiki we amatike y’indege, misiyo zo mu mahanga n’amafaranga amutunga nyamara atari umukozi wa Leta.

Mu mwaka ushize wa 2017, uyu Gashayija Nathan wahoze ari Umuyobozi Mukuru muri Minisiteri y’Ubucuruzi n’ibikorwa by’umuryango w’Ibihugu by’Afurika y’Iburasirazuba, ushinzwe guhuza ibikorwa by’umuryango w’Afurika y’Iburasirazuba, yakurikiranyweho icyaha cyo gufata icyemezo gishingiye ku itonesha, ubucuti, urwango cyangwa icyenewabo, gishingiye ku byo ubushinjacyaha bwavugaga ko yagiye mu bihe bitandukanye ashyira mushiki we witwa Nora Nyiraneza, ku rutonde rw’abakozi bahabwa misiyo zo kujya mu nama mu mahanga nyamara atari umukozi wa Leta wari ubigenewe.

Muri Werurwe 2017, yajuririye icyemezo cy’Urukiko rwisumbuye rwari rwamukatiye kuba afunzwe by’agateganyo mu gihe ibimenyetso ku cyaha yashinjwaga byari bigikusanywa, ariko n’Urukiko rukuru ruhamya ko agomba gufungwa kuko hari impamvu zikomeye rwasanze akekwaho icyo cyaha.

Mu kwisobanura kwe, Gashayija Nathan yagiye avuga ko atashyize mushiki we ku rutonde rw’abahabwa misiyo amwita umukozi wa Leta, ahubwo ngo yamushyiragaho nk’inzobere mu bijyanye n’ubukerarugendo, ariko ubushinjacyaha bukagaragaza ko no mu iperereza bwakoze bwasanze atari inzobere muri ibyo.

Nyuma y’igihe akurikiranyweho icyo cyaha, kuri uyu wa Gatatu nibwo Inama y’Abaminisitiri yemeje iteka rya Minisitiri w’Intebe rimwirukana burundu mu kazi ka Leta nk’uko bigenda iyo umuyobozi cyangwa undi mukozi wa Leta agaragaweho amakosa akomeye mu kazi.


INKURU ZA :
Tanga Igitekerezo
Ibitekerezo 11
Toto Kuya 21-02-2018

Mugerageze musukure no muri Ralga kuko amanyanga mu itangwa ryakazi mu nzego zibanze ari umuco. Iryo teknika nimutarifatirana muzabona umusaruro ku gihe kitari kure. Arhh birakabije, bariya basaza bahoze muri local government wa muco wa kera wa ruswa nikimenyane bawimuriye hariya bitwaje ngo Ralga si ikigo cya Leta

mugisha Kuya 20-02-2018

twasabaga ngo mujye mukora igenzura nomubigo byigenga nimugende murebe muri Duterimbere IMF Ltd urwango rwuzuyeyo rushingiye ku itonesha?

Mugisha Kuya 20-02-2018

twasabaga ngo mugere nomuri Duterimbere IMF ltd musuzume huzuye urwango rushingiye ku itinesha

Mugisha Kuya 20-02-2018

twasabaga ngo mugere nomuri Duterimbere IMF ltd musuzume huzuye urwango rushingiye ku itinesha

-xxxx- Kuya 19-02-2018

Rwose haba hakwiye kwirinda kwa ndikwa amarangamutima arimo ishyari nu urwaango, ubwo uwabaza uyu munyamakuru amaticket hamwe na amafaranga Gashayija yahaye mushiki we yabigaragaza? Inama yaba Ministiri ko itigeze ivuga ko imwirukanye kubera amakosa akomeye uyu munyamakuru we yabikuyehehe, kandi ntubinyonge

jojo Kuya 16-02-2018

byarkikuba byiza abantu nkaba bose bamenyekanye ubundi bakirukanwa pe ! ndabikunze.

Émile Kuya 16-02-2018

Biriya nibyo bigaragaye.. Leta nifate ingamba zikomeye mu kurwanya icyenewabo kuko biri henshi

Papa Kuya 16-02-2018

yewe uyumugabo yari yaratinze kdi yaraniraye cyane ndamuzi mushikiwe nta na diplome agira

karimu Kuya 16-02-2018

Ese urwo rukiko cg ubushinjacyaha bwakoze iki kuva mu kwa 3/2017 uyu agakomeza akanyunyuza ibya Leta icyo gihe cyose? Akurikiranywe kandi ahanwe

karimu Kuya 16-02-2018

Ese urwo rukiko cg ubushinjacyaha bwakoze iki kuva mu kwa 3/2017 uyu agakomeza akanyunyuza ibya Leta icyo gihe cyose? Akurikiranywe kandi ahanwe

alphonse Kuya 15-02-2018

Uwo mugabo yari yaratujujubije kuva cyera mucyahose ari SFB ibintu byose nibenenyina,amashuri akazi,gusa dufite leta ireba kure gusa baratinze bajye gushaka nibindi bimenyeshyo muri former SFB gusa iminsi yigisambo irabaze nabandi barebereho

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...