konka coffee
KONKA

AMAKURU

UKWEZI

Umuyobozi w’ishuri uzongera gusibiza nkana umwana azahanwa by’intangarugero- Min. Ngirente

Umuyobozi w’ishuri uzongera gusibiza nkana umwana azahanwa by’intangarugero- Min. Ngirente
9-02-2018 saa 12:44' | By Akayezu Jean de Dieu | Yasomwe n'abantu 3439 | Ibitekerezo 4

Minisitiri w’Intebe w’u Rwanda, Dr. Edouard Ngirente yavuze ko hagiye gufatwa ingamba zikomeye ku bayobozi b’ibigo by’amashuri basibiza abanyeshuri akenshi banafite amanota yo kwimuka bigatuma bamwe banga ishuri.Aho yavuze ko aba bayobozi uzongera gufatwa azahanwa by’intangarugero

Ibi Minisitiri Ngirente yabigarutseho kuri uyu wa Gatanu tariki 9 Gashyantare ubwo yari I Gicumbi mu Ntara y’Amajyaruguru ahari Urwunge rw’amashuri rwa Kagorogoro (GS Kagorogoro), mu muhango wo gutangiza gahunda y’Ubukangurambaga ku Ireme ry’uburezi

Mu butumwa yahaye abitabiriye iki gikorwa Minisitiri Ngirente yavuze ko uburezi bufite ireme ari kimwe mu bizatuma u Rwanda ruba igihugu gifite ubukungu bushingiye ku bumenyi

Yagize ati “Uburezi bufite ireme ni imwe mu nkingi zikomeye Guverinoma y’u Rwanda yiyemeje gukomeza gushyiramo imbaraga. Ubwo burezi bufite ireme buri no mu bikorwa by’ingenzi bya Gahunda ya Guverinoma y’Imyaka 7, 2017-2024 twatangarije Abanyarwanda mu mezi make ashize, Uburezi bufite ireme nibwo buzatuma tugera ku ntego twiyemeje yo kugira u Rwanda Igihugu gifite ubukungu bushingiye ku bumenyi (Knowledge-based Economy).”

Yakomeje agira ati “By’umwihariko, nibwo buzafasha urubyiruko rwacu, ari narwo rugize umubare munini w’Abanyarwanda, dore ko imibare dufite itugaragariza ko abakivuka kugera ku myaka 15 ari 42% y’abaturage bose naho abari hagati y’imyaka 16-30 bakaba ari 27%. Kugira ngo ireme ry’uburezi twifuza tuzarigereho, birasaba ko imbogamizi zose, zikigaragara mu nzego zitandukanye z’uburezi zibonerwa umuti urambye kandi mu gihe cya vuba. Tukaba twizeye ko ubu bukangurambaga buzabidufashamo.”

Minisitiri Ngirente kandi yavuze ko kugeza ubu zimwe mu mbogamizi zikidindiza ireme ry’uburezi hazamo umubare munini w’abana bata amashuri.

Ati “Zimwe mu mbogamizi zikibangamira ireme ry’uburezi ni nk’umubare w’abana bata amashuri bamwe bakigira gukora imirimo ibaha amafaranga nko gusarura icyayi, abakora akazi ko mu ngo cyangwa abo ababyeyi bavana mu mashuri ngo babafashe imirimo yo mu rugo, Ikibazo cyo gusubiramo umwaka w’amashuri bidatewe no kubura amanota cyangwa ubushobozi ku mwana. Hari aho byagaragaye ko bamwe mu bayobozi b’amashuri abanza basibiza abana nkana ku nyungu zindi hatitawe ku bushobozi buke mu myigire bwagaragajwe n’abanyeshuri.”

Minisitiri Ngirente kandi yavuze ko abayobozi b’ibibigo by’amashuri ko bagomba kureka uwo muco mubi uca intege abana bamwe bagahita bata amashuri kuko baba basibijwe kandi bafite amanota yo kwimuka. Ati “Umuyobozi w’ishuri uzongera kubifatirwamo azahanwa by’intangarugero.”
AMAFOTO: Primature


INKURU ZA :
Tanga Igitekerezo
Ibitekerezo 4
Harerimana Eric Kuya 12-02-2018

Jye Narabiretse Kubera Kwama Basibiza Kandi Ataruko Fite Amanota Make

SINDIKUBWABO Emmanuel Kuya 10-02-2018

Hahahhhhh!

Minisitiri yakoze cyane!

Ireme ry’uburezi rikenewe ni umubare munini w’abanyuze mu ishuri?

Ubu koko guverinoma iri gushakira umuti uburwayi buri mu burezi cyangwa iri kongeramo virusi?

Ubukangurambaga ni iki?
Ese iki gikorwa kitiriwe ubukangurambaga, gitwaye amafaranga angahe?
Ese cyari gikwiye?

Nge ndabona atari ubukangurambaga, ahubwo ni ukubwira abarezi ko batazi ikigamijwe gusa!
Biteye agahinda rwose!
Umuyobozi ushakira igihugu ineza ntiyakavuze amagambo nk’akomeje kubwirwa abarezi.

Ni mu gihe. Abana babo bigahe? Abarezi babwirwa ni abahe kandi bigisha abahe bana?

Ingamba zose zifatwa n’abarezi ndabona ari ugutokora ifuku. Abarezi bakwiye kumva icyo guverinoma ishaka. UMUBARE MUNINI W’ABANYUZE MU MASHURI. Naho ireme ry’uburezi ni INYITO IKORESHWA mu kuyobya uburari gusa.

Amagambo yabwiwe abarezi muri iki gikorwa kitari gikwiye, igikorwa kishe ibitekerezo by’abarezi, igikorwa cyangije amafaranga y’Abanyarwanda, ni urukozasoni.

NI AGAHINDA KU BANA B’ABANYARWANDA!

teach Kuya 10-02-2018

Politic yuburezi yicara ihindagurika ndetse inavugurizanya same time nicyo kibazo gikomeye kandi ubirezi nahantu hakomeye bavvura ubujiji sinzi rero ukuntu wabeira muganga ngo vura gutya ejo uksgarika ngo sibyo girutya

ketia ingabire Kuya 9-02-2018

ibibazo biri muburezi naba directeurs babitera ? buri kintu cyose nabayobozi bibigo, noneho ntacyo bamaze !!! birababaje

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...