konka coffee
KONKA

AMAKURU

UKWEZI

Umuyobozi wa Transparency Rwanda yagereranyije Meya wa Rusizi n’abayobozi bo muri za 1996

Umuyobozi wa Transparency Rwanda yagereranyije Meya wa Rusizi n’abayobozi bo muri za 1996
7-01-2018 saa 11:18' | By Akayezu Jean de Dieu | Yasomwe n'abantu 6980 | Ibitekerezo 14

Ingabire Marie Immaculée uyobora umuryango Urwanya ruswa n’akarengane ishami ry’u Rwanda (Transparency International Rwanda) ,yikomye bikomeye ndetse agereranya n’abayobozi bo mu myaka ya za 1996, Umuyobozi w’Akarere ka Rusizi, Harelimana Frederic uherutse kumvikana asaba abaturage bo muri aka karere kujya bahisha ibibazo byabo itangazamakuru.

Tariki 4 Mutarama 2018, twabagejejeho inkuru y’Umuyobozi w’akarere ka Rusizi , Harelimana Frederic wumvikanye mu majwi yari yacicikanye ku mbuga nkoranyambaga aho uyu Meya yarimo asaba abaturage bo muri aka karere kujya bahisha ibibazo byabo itangazamakuru aho yavuze ko nta bufasha bahabwa n’abanyamakuru usibye kubashyira kuri za televiziyo gusa, abasaba ko bajya bitabaza ubuyobozi mu gihe bahuye n’ikibazo icyo aricyo cyose.

Nyuma y’iyi nkuru, Meya Frederic yatangarije Ikinyamakuru Ukwezi.com ko ubutumwa bwakwirakwije ku mbuga nkoranyambaga ariwe wabivuze ariko avuga ko habayeho kutumva neza icyo we yashakaga kubwira abaturage anavuga ko itangazamakuru ari umuyoboro mwiza abaturage banyuramo bishimira ibyiza bagezeho bityo nk’ubuyobozi batakwanga gukorana n’itangazamakuru.

Kuri iki Cyumweru tariki 7 Mutarama 2017, Umuyobozi wa Transparency International mu Rwanda, Ingabire Marie Immaculée, yavuze ko ibyakozwe n’uyu muyobozi nta shingiro bifite ndetse avuga ko uyu Meya atari ubwambere agaragayeho aya makosa dore ko hari n’izindi nshuro nyinshi ajya ahamagarwa n’itangazamakuru cyangwa izindi nzego ntabashe kwitaba telefone ye cyangwa agahitamo kuvuga ko arwaye.

Ubwo yari mu kiganiro kuri City Radio, Madamu Marie Immaculee yavuze kandi ko Meya wa Rusizi agomba kwiga gukemura ibibazo biri muri aka karere mbere y’uko aza kubibazwa n’itangazamakuru cyangwa urundi rwego aho yamugereranyije n’abayobozi bo muri za 1996

Yagize ati "Ngewe mbona Harelimana yakwiga uburyo bwo gukemura ibibazo mbere no guhanga udushya kuko icyo gihe ntawe uzamubaza ngo ko ibi bitakozwe, ubundi itangazamakuru ni umuyoboro umuturage anyuzamo igitekerezo cyaba ikimubangamiye cyangwa icyubaka, rero ibintu byo kubuza abaturage kuvugana n’itangazamakuru mbiheruka muri za 1994, 1995, n’1996 nibwo twari dufite abayobozi nk’abo"

Madamu Marie Immaculee kandi yagarutse ku kuba Meya Harelimana mu butumwa bwe yaravugaga ngo abaturage bakemurirwa ibibazo n’ubuyobozi ntabwo ari itangazamakuru.

Ati "Ngewe nguhaye urugero rwa biriya biza yavugaga ntan’ubwo nabimenye mbibwiwe n’umuyobozi ahubwo nabimenyeye mu itangazamakuru, ikindi kandi n’abantu bagiye bajyana ubufasha muri kariya karere bajya kugoboka abahuye n’ibiza babimenyaga biciye mu itangazamakuru"

Uyu muyobozi wa Transparency mu Rwanda kandi yakomoje ku bandi bayobozi banga gukorana n’itangazamakuru avuga ko bakwiye guhugurwa bakigishwa uruhare rw’itangazamakuru mu kubaka igihugu byaba na ngombwa umuyobozi ugaragaye yanze gutanga amakuru akabihanirwa dore ko biba biri mu nshingano zabo.


Umva hano uyu muyobozi akangurira abaturage guhisha ibibazo byabo abanyamakuru

Umva hano uko Meya yasobanuye iby’ubutumwa yahaye abaturage


INKURU ZA :
Tanga Igitekerezo
Ibitekerezo 14
ok Kuya 10-01-2018

Ariko munyobore uriyamudamu ubundi ashinzwiki kombona asakuzakubintu ngontibigenda kandi ukombibona ntacyoyabikoraho yajyayicecekera ubwojye nabonaga kiriyakibazo cyasubiza umuyobozi wintara naho kuvugantamwanzurowafata bababagushuka ariko yavuga kugirango batamwibagirwa kuliliste yabakoyi

didi Kuya 9-01-2018

niba Meya areba kure, we yakwegura hakiri kare

Alphonse Kuya 8-01-2018

Uyu Marie Immaculée nk’umuyobozi uvuga mugenzi we gutya yakabije cyane ko ibyo mayor yavuze aha ngaha ari ukuri. Arahamagarira abaturage gukorana bya hafi n’inzego z’ubuyobozi. Akigaragara abanyamakuru ba none bagenda bagiye gushaka ibitagenda ngo ni byo biryoshya inkuru. Désormais ibi si byo nk’abanyamwuga. Njye nsanga uri ya madame Immaculée yateje mayor abaturage ku buryo bashobora kumufata nk’umuntu udashoboye. Bayobozi mwige gukosorana mu kinyabupfura mwirinde kwibonekeza.

Alphonse Kuya 8-01-2018

Uyu Marie Immaculée nk’umuyobozi uvuga mugenzi we gutya yakabije cyane ko ibyo mayor yavuze aha ngaha ari ukuri. Arahamagarira abaturage gukorana bya hafi n’inzego z’ubuyobozi. Akigaragara abanyamakuru ba none bagenda bagiye gushaka ibitagenda ngo ni byo biryoshya inkuru. Désormais ibi si byo nk’abanyamwuga. Njye nsanga uri ya madame Immaculée yateje mayor abaturage ku buryo bashobora kumufata nk’umuntu udashoboye. Bayobozi mwige gukosorana mu kinyabupfura mwirinde kwibonekeza.

dudu Kuya 8-01-2018

Mimi meya se yabuzwa Niki kuba injiji.kdi injiji mbi niyize nongere mbisubiremo ninjiji ntazi aho iterambere ryigihugu cyacu rigeze

MIMI Kuya 8-01-2018

WOWE WITWA DUDU IYO WISE UMUNTU INJIJI AYOBORA AKARERE WOWE UTAYOBORA NUMUDUGUDU.UBWO UBA URI IJIJUKE?????TUTUMENYA AMAGAMBO DUKORESHA MBERE YOGUTUKNA

chaha Kuya 8-01-2018

kuyobora biragoye cyane.njyewe numvise uyu mugabo numvaga ashaka kuvugako mbere yo kujya mu itangazamakuru abantu bajya babanza bakagana ubuyobozi bubegereye.ubwo rero itangazamakuru ryacu rigaragara ko rifite ikibazo muburyo mumva ibintu.ikindi aho kugirango abayobozi bajye bajya mu itangazamakuru basebya abandi ndumva bajya babakebura kugitijyabo mbere yokwihutira kubasebya.kandi bakirinda gusebya abayoboye mbere yabo kuko nabo haricyo bakoze muri icyo gihe cyabo.

Chance Kuya 7-01-2018

Njye ndumva mayor ntakibazo afite kuko ibyo yavugaga nukuri mbere yuko uhuruza itangazamakuru banza ubwire ubuyobozi ikibazo nibyanga ubone gutangaza amakuru yibitarakemuwe nababishinzwe ubundi se umunyamakuru yagukemurira ikihe kibazo byose nigaruka kubuyobozi

Diane Uwacu Kuya 7-01-2018

iyo uwo muyobozi ariwe uguhohoteye kandi bimaze igihe biba abireba ntagikorwa se hitabazwa iki nyakubahwa mayor?ahubwo abayobozi mwige kwita kuri rubanda rugufi mubatege amatwi niba mushaka ishema no kugaragara neza naho itangazamakuru ntacyo kurishinja nyine batangaza amakuru babonye ahubwo nabo gushimwa.

Bisengimana Kuya 7-01-2018

No mukwisobanura aremeza ko media ntacyo yamarira abaturage mugukemura ibibazo byabo.Kandi twe tuzi henshi abaturage bagiye barenganwa media yabizamo bigakemuka.So mayor rero akoresheje imvugo yagipolitiki ariko iyo uyisesenguye wumvako kuriwe media ntacyo imaze

dudu Kuya 7-01-2018

Manu wimurengera kuko twese twumva ikinyarwanda.ahubwo yaraziko bitazamenyekana.umenyeko kariya karere higeze gukubitirwa umunyamakuru.Meya winjiji gusa.

dudu Kuya 7-01-2018

Manu wimurengera kuko twese twumva ikinyarwanda.ahubwo yaraziko bitazamenyekana.umenyeko kariya karere higeze gukubitirwa umunyamakuru.Meya winjiji gusa.

Manu. Kuya 7-01-2018

Mayor ararengana kabisa. nimumushake mugirane inama y’ imikoranire mu ikemurwa ry’ ibibazo byabaturage. Naho kumuhoza mubinyamakuru sibyo. kandi mwibuke ko Mayor yatowe nabaturage atatowe nabanyamakuru. ndumva mwagombye gushyikirana hagati yanyu nawe hakazamo umwuka mwiza kabisa

Habibu Kuya 7-01-2018

uriya mugabo yabaye gitifu w’umurenge wa Muhima ariko kugirango agusezeranye ugomba gutanga ibihumbi 20,000 kdi ari muri rusange atari ukuvuga ngo wacyererewe,yarayaduciye pee

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...