konka coffee
KONKA

AMAKURU

UKWEZI

Umwaka urashize umunyamakuru Eminente afunzwe, uwo babakatiye hamwe we aracyari hanze

Umwaka urashize umunyamakuru Eminente afunzwe, uwo babakatiye hamwe we aracyari hanze
30-11-2017 saa 12:06' | By Chief Editor | Yasomwe n'abantu 12042 | Ibitekerezo 5

Mugabushaka Jeanne de Chantal, wamamaye mu Rwanda nk’umunyamakuru akaba n’umushyushyabirori (MC) uzwi cyane ku izina rya Maman Eminente, amaze umwaka afunzwe aho ubu ari muri gereza y’abagore ya Nyarugenge izwi nka 1930, hagati aho umuvugabutumwa bari bakatiwe hamwe we aracyari hanze bitewe n’uko ari byo biteganywa n’amategeko agenga imuburanishirize y’imanza mu Rwanda.

Tariki 30 Ugushyingo 2016, nibwo hatangiye gutangazwa amakuru y’ifungwa rya Mugabushaka Jeanne de Chantal uzwi cyane ku izina rya Maman Eminente.

Kuwa Gatanu tariki 12 Gicurasi 2017 nibwo Urukiko rw’ibanze rwa Kacyiru mu mujyi wa Kigali, rwakatiye Mugabushaka Jeanne de Chantal hamwe n’umuvugabutumwa Apotre Bizimana Ibrahim, aba bombi bakatirwa ko bagomba gufungwa imyaka itatu n’amezi abiri no gutanga ihazabu ya miliyoni eshatu z’amafaranga y’u Rwanda, nyuma yo kubahamya icyaha cy’ubwambuzi bushukana.

Kuva ubwo umunyamakuru Eminente arafunzwe ariko Apotre Ibrahim we ntiyigeze afungwa, bitewe n’uko yakatiwe adafunzwe kandi agahita ajuririra icyemezo cy’urukiko.

JPEG - 165.3 kb

Eminente we amaze igihe muri gereza mu gihe uwo bakatiwe igihano kimwe atarafungwa

Mugabushaka Jeanne de Chantal (Eminente) yaburanaga afunzwe kuko yatawe muri yombi mu kwezi k’Ugushyingo 2016 akurikiranyweho icyaha cy’ubwambuzi bushukana, icyaha ubushinjacyaha bwagaragazaga ko yagikoze yaka amafaranga abanyamadini abizeza kubashakira ibyangombwa mu kigo cy’igihugu cy’imiyoborere (RGB). Apotre Bizimana Ibrahim, we yaburanaga adafunzwe, ndetse Eminente agitabwa muri yombi ntibyahise bivugwa ko areganwa na Bizimana Ibrahim.

Kuba Apotre Ibrahim atarafunzwe, biteganywa n’amategeko nk’uko byashimangiwe na Itamwa Emmanuel, umuvugizi w’inkiko z’u Rwanda, mu kiganiro yahaye ikinyamakuru Ukwezi.com. Itamwa Emmanuel ati: "Kuko Eminente we yakurikiranwaga afunzwe, itegeko rivuga ko iyo urubanza ruciwe mu rwego rwa mbere umuntu aguma muri etat yari arimo (niba yari afunzwe akagumamo, niba yari ari hanze akahaguma) n’iyo yahamwa n’icyaha. Ni ukuvuga ngo Eminente we agomba kuguma afunzwe ariko uriya ukurikiranywe ari hanze, iyo ajuriye nawe aguma muri etat yari arimo, ni ukuvuga ngo icyaha kiba kitaramuhama kugeza igihe urubanza ruzaba ndakuka. Mu gihe rero iminsi yo kujurira ikirimo cyangwa se yarajuriye, icyo gihe aguma uko yari ari, kereka umunsi urubanza rwe rwabaye ndakuka"

JPEG - 355.8 kb

Apotre Bizimana Ibrahim n’ubwo yakatiwe yibereye mu rugo

Uyu muvugabutumwa, Apotre Bizimana Ibrahim, yamenyekanye mu itorero Umusozi w’Ibyiringiro rya Kimisagara na Runda mu karere ka Kamonyi, iri torero akaba yarafatanyaga kuriyobora na Apotre Mukabadege Liliane wari umugore we byemewe n’amategeko ariko bakaza gutandukana burundu mu mategeko, itorero rikaguma mu biganza by’umugore we ari nawe wari wararishinze, hanyuma undi nawe akaza gushinga irye nyuma.

JPEG - 140.6 kb

Mbere bakoranaga umurimo w’ivugabutumwa bakibana nk’umugabo n’umugore ariko batandukanye byemewe n’amategeko umwe abikora ukwe

JPEG - 259.6 kb

Aha bari kumwe na Apotre Paul Gitwaza, umunsi abimika icyarimwe akabashyira ku rwego rw’Intumwa z’Imana

SOMA INKURU BIJYANYE HANO: Gushinjanya amarozi, ubusambanyi... biraganisha Apotre Bizimana n’umugore we kuri gatanya


INKURU ZA :
Tanga Igitekerezo
Ibitekerezo 5
kanyarwanda Kuya 9-02-2018

leta yacu irakora, Bado bede wakuriye amashami y’a bralirwa wari warazengere aba distributeurs abibira mumayeri aho yasohoraga ibinyobwa kumazina yabo batabizi KD bakabisorera nkaho aribo babicuruje kuburyo bralirwa bamwe yabishyuje n’amakaziye kubera kuyabandikaho nkaho ayabatije ababimenye nibenshi ariko kubera bari bazi KO akomeye( kumutinya ) nibatinyuke kumurega. ati yangamutse ate? rra yatahuye uburyo BADo BEDE yabeshyaga bralirwa KO ibyo acuruza bijya mumahanga nibitangire imisoro. rra ica bralirwa frw menshi KD Bado ariwe wayiririye

Ubu BADO yarakatiwe imyaka 2 afungiye muri prison ya musanze abo yibye Bose batangiye guhaguruka

urundi yaburanye rwo kwiba assiel wi rubengera/korongi bikamuviramo guhomba ruzasomwa le 15/2/2018 .
iminsi y’umujura ni 40 koko nawe ukomeye mukwica amategeko murwagasabo

YOLO Kuya 1-12-2017

Yoo!emminante c burya arafunze ?niy
omPamvu tutacyumva ibyibitsina kuriradio? nubundi yavugaga amafuti gusa ntakindi,

karyango Kuya 30-11-2017

mukinyamakuru .www.indatwa.org m’ubutabera.harimo inkuru iteye nkiyi ariko yo urubanza rwabaye nakuka ariko umunyamakuru niyigeze abaza ubushinjacyaha cg urukiko impamvu abarukatiwemo igihano cyigifungo batajya kurangiriza ibihano muri gereza uvungwamo nuwitwa Bado Bede wari umukozi wa bralirwa utuye kicukiro imbere yakabari bita kama geni .ariko kubera amakuru amuvungwaho nafatwe ninzego ngo yazicinse nuko ibyaha bimwe yabikoze hari abakomeye babigizemo uruhare

karyango Kuya 30-11-2017

mukinyamakuru .www.indatwa.org m’ubutabera.harimo inkuru iteye nkiyi ariko yo urubanza rwabaye nakuka ariko umunyamakuru niyigeze abaza ubushinjacyaha cg urukiko impamvu abarukatiwemo igihano cyigifungo batajya kurangiriza ibihano muri gereza uvungwamo nuwitwa Bado Bede wari umukozi wa bralirwa ariko kubera amakuru amuvungwaho NGO nuko ibyaha bimwe yabikoze hari abakomeye babigizemo uruhare

Pasi Kuya 30-11-2017

Iki kigabo ni hatari mu gutanga ruswa ntawapfakugifunga
None se ko kwiba ariwo mwuga we kandi ubwescro akaba yarahereye kera abukora za Nyabugogo nahandi haba abatubuzi....Urumva yafungwa ate.
Eminante niyiberemo

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...