konka coffee
KONKA

AMAKURU

UKWEZI

Urubyiruko rwa RPF Inkotanyi rwahawe umukoro ukomeye

Urubyiruko rwa RPF Inkotanyi rwahawe umukoro ukomeye
26-11-2017 saa 13:26' | By Akayezu Jean de Dieu | Yasomwe n'abantu 1452 | Ibitekerezo 2

Umunyamabanga mukuru w’Umuryango RPF Inkotanyi, Francois Ngarambe yahaye urugaga rw’urubyiruko rushamikiye ku muryango umukoro wo kurangwa n’ubunyangamugayo, ubwitange, kwagura ibitekerezo, no kunoza imikorere by’umwihariko ku rwanya umwanda kuri bo no mu gihugu cyose muri rusange.

Uru rubyiruko rwasabwe ibi kuri iki Cyumweru tariki 26 Ugushyingo 2017, mu nama nkuru y’Urugaga rw’urubyiruko rushamikiye ku muryango wa RPF Inkotanyi yabereye I Rusororo ku kicaro gikuru cy’uyu muryango. Iyi nama nkuru y’urukubyiruko ibaye kandi mu gihe Umuryango wa RPF Inkotanyi uri kwitegura kwizihiza isabukuru y’imyaka 30 umaze ubayeho

Mu butumwa yagejeje kuri uru rubyiruko afungura ku mugaragaro iyi nama, Umunyamabanga mukuru wa RPF Inkotanyi, Francois Ngarambe, yongeye kwibutsa uru rubyiruko ubwitange bwa bakuru babo babohoye u Rwanda ndetse anavuga ko abenshi muri bo binjiye mu rugamba rwo kubohoza u Rwanda bakiri urubyiruko rungana nabo.

Yagize ati “Byari bikomeye kugira ngo umwana ukiri muto ahaguruke ajye kurugamba ndetse byari bigoye kumva ko Leta yari ishyigikiwe n’amahanga yari gutsindwa ntabwo byari byoroshye”

Yakomeje agira ati “Mujye mwibuka ko hari abangana namwe barara ijoro baturinze, kuko umunsi muzabyibagirwa mukabona ko hari ababigenewe mbwe atari ibyanyu, muzaba mutatiye igihango cya bakuru banyu bafitanye n’abanyarwanda. Gukora ugakora neza kugirango mudatatira igihango”

Yongeyeho ati “Ntabwo urubyiruko rwa RPF Inkotanyi twifuza ari babandi bahura n’akabazo gato bakajya mu mihanda ngo umuceri urimo amabuye mukarengwa mukajya mu mihanda, ubundi ngo akazi nti kari kuboneka, mu kajya mu mihanda , uwo ni umurengwe, n’ubwo mufite ibyo muri gushaka ariko biraharanirwa kandi birashakwa, ibyo bisaba ko imyumvure yanyu izamuka tukivanamo ibisigisigi bya gikoroni n’iki byose, tukamenya ko ibyo dukora bitandukanye ni ukugirango tutavunisha abandi”

Francois Ngarambe kandi yasabye urubyiruko gukunda igihugu n’abo baribo muri rusange bagaca ukubiri n’icyabibagiza ko ari abanyarwanda

Ati “Icyo mutagomba kwibagirwa na gato, ntabwo mwakwibagirwa aho mwavuye n’icyo muricyo kuko mugomba kwibuka ko muri Abanyarwanda, muri abanyafurika"

Umunyamabanga mukuru kandi yavuze ko ibyaranze Inkotanyi mu myaka 30 ishize bigomba guhora bizirikanwa n’urubyiruko kuko kuri we asanga urubyiruko ari nk’ibuye ry’agaciro kuko muri za mbaraga bafite iyo zitunganijwe zubaka igihugu kandi kuri ubu urubyiruko akaba aribo barinzi b’ibyagezweho ari naho yahereye abasaga kutirara, kugira icyerecyezo, kutiyandarika mu businzi no mu biyobyabwengenge ndetse no kuba beza mu bitekerezo no mu bikorwa.

Ati “Ibyo tubatezeho ni byinshi ariko ntabwo twabibona muri babandi bari mu biyobyabwenge mu businzi n’ibindi, birumvukana ko tutaba twizihiza imyaka 30 ngo twishime tunezerwe ariko tugifite abanyarwanda bagifite umwanda, nizeye ko muri iyi nama yanyu muzava ahangaha mu ngamba mufashe muvuze ko mu gihe guhangana n’ikibazo cy’umwanda, (……) Urubyiruko rwa RPF Inkotanyi rugiye guhangana n’ikibazo cy’umwanda”

Iyi nama nkuru y’urugaga rw’urubyiruko rushamikiye ku muryango wa RPF Inkotanyi, kandi yatumiwemo n’bahagarariye amashyaka y’inshuti z’Umuryango yo mu Rwanda ndetse n’ayo mu bihugu bitandukanye harimo, CCM riri ku butegetsi muri Tanzania, NRM riri ku butegetsi muri Uganda, MPERA riri kubutegetsi muri Angola, PSD Congo Brazaville, EPRDF muri Ethiopie, ndetse na RPP muri Djibouti Umunyamabanga mukuru wa RPF Inkotanyi, Francois Ngarambe Iyi nama yitabiriwe na bamwe mu bayobozi bakuru mu nzego za Leta


INKURU ZA :
Tanga Igitekerezo
Ibitekerezo 2
16 Kuya 26-11-2017

Nutabona arihumuriza Imvugo nziza gusa ,urubyiruko se ruzahora mubukode cg mubushomeri kd hitwa ko Hari ibigo byinguzanyo ndetse nubwambuzi Bwa hato nahato ngo imanza zose zitegereje chairman haaaaaaaaa .mubyukuri ntawanga igihugu cye gs icyiza nuguha igihugu abene gihugu kuruta kubaha imitoma nkaswe urwo rubyiruko rutuye ahatari abo bakuru barwo, dore nkubu umwanzuro nugufunga. Rekareka ubwoba nibinyoma ntibigatume twiyangiriza kd ibyifujwe byaragezweho reka turebekure nkinkotanyi zukuri

16 Kuya 26-11-2017

Nutabona arihumuriza Imvugo nziza gusa ,urubyiruko se ruzahora mubukode cg mubushomeri kd hitwa ko Hari ibigo byinguzanyo ndetse nubwambuzi Bwa hato nahato ngo imanza zose zitegereje chairman haaaaaaaaa .mubyukuri ntawanga igihugu cye gs icyiza nuguha igihugu abene gihugu kuruta kubaha imitoma nkaswe urwo rubyiruko rutuye ahatari abo bakuru barwo, dore nkubu umwanzuro nugufunga. Rekareka ubwoba nibinyoma ntibigatume twiyangiriza kd ibyifujwe byaragezweho reka turebekure nkinkotanyi zukuri

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...