konka coffee
KONKA

AMAKURU

UKWEZI

Yatanze ubuhamya bw’uko indangamuntu ya Hutu yari igiye kubarokora muri Jenoside

Yatanze ubuhamya bw’uko indangamuntu ya Hutu yari igiye kubarokora muri Jenoside
16-04-2017 saa 21:27' | By Akayezu Jean de Dieu | Yasomwe n'abantu 2899 | Ibitekerezo

Mu buhamya bwatanzwe na Mbihire Jean Baptiste warokokeye Jenoside yakorewe Abatutsi mu Bitare bya Rutonde, yavuze ko ubwo Jenoside yabaga mu w’1994 yamaze iminsi myinshi agendera kuri mukuru we wari ufite indangamuntu yanditsemo Hutu n’ubwo yari umututsi. Ibi bikaba byaratumaga interahamwe zimwe zimwitiranya n’ubwo byaje kugera nyuma agahura n’igitero cyari kimuzi neza ko ari umututsi hanyuma bakamwicisha ubuhiri.

Mbihire Jean Baptiste uvuka mu kagari ka Bwiza, Umurenge wa Kigabiro ho mu karere ka Rwamagana, yarokokeye ahitwa mu Bitare bya Rutonde, Ubwo Jenoside yakorewe Abatutsi yabaga mu mwaka w’1994, akaba yari afite imyaka 24. Kimwe avuga mu byamurokoye ni ukuba yari afite mukuru we ufite indangamuntu yanditsemo ko yari umuhutu gusa akaba yari ayifite mu buryo na we atari azi ko bizamukiza, cyane ko abo mu muryango we bose bari bafite indangamuntu zanditsemo “Tutsi”.

Mu buhamya uyu Jean Baptiste yatanze kuri uyu wa 16 Mata 2017, ubwo hibukwaga abatutsi 758 biciwe mu Bitare bya Rutonde, yagize ati “Bitewe n’uko hano mu Bitare hari hahungiye abatutsi baturutse impande zose ahanini kubera ko hano batinze gukora (Gutsemba Abatutsi), ubwo rero ku itariki 15 navuye hano mu bitare ndi kumwe na mukuru wanjye witwaga Mukimbire Anastase, we ariko akaba yari afite indangamuntu yanditsemo Hutu ari nabwo twahise duhura n’igitero kitujyana ku Munini aho twari dutuye, ni uko barebye mu ndangamuntu ya mukuru wanjye babona ari umuhutu ariko barashidikanya, bambajije nanjye mvuga ko ari mukuru wanjye. Ni uko umwe muri bo aravuga ngo nimubireke bigende n’ubundi tuzabyica ikindi gihe ariko nyine ako kanya bahise batujyana mu bandi benshi, ubwo batugaruye hano mu Bitare ari bwo batubwiye ngo turyame hamwe twese hanyuma Kamana watangaga uburenganzira ngo abantu bicwe aba araje aravuga ati bose nimubice, hanyuma ubwo bahita batubwira ngo turyame ariko mukuru wanjye yanga kuryama bahita bamukubita icumu mu nda numva aratatse ndetse mbona arimo gusamba ariko ndakomeza ndaryama nyine n’abandi benshi ari nabwo batwirayemo, izo nsoresore z’interahamwe ziraduhondagura n’ubuhiri abandi bakabatera amacumu ariko njyewe barankubise sinashiramo umwuka”

Jean Baptise yakomeje agira ati “Iyo hataza kubaho uwo Kamana wari usanzwe atuzi, njye n’uwo mukuru wanjye twe bari batuvanguye badushyize mu bahutu ariko Kamana yaraje aravuga ati n’abo ni inyenzi nimubashyire mu bandi, ari bwo twese twahise tujya mu bandi batangira kutwica, ubwo hari kuri iyi tariki ya 16 Mata. Rero ubwo njyewe barampondaguye hamwe n’abandi twari turyamanye sinaza gushiramo umwuka , ni uko bamaze kuduhondagura baragenda basiga abantu barimo guhorogoma abandi barimo gusamba, njyewe hari umuhoro bari bankubise hano ku gahanga n’aha inyuma mu mutwe aha hose murabona mfite ibikomere, gusa bitewe n’uko batamazemo umwuka bamaze kugenda nimugoroba ntangira kweguka mva mu mirambo, bigeze mu rukerera nibwo nakururutse njya mu rugo rwari hano hepfo rw’abantu nabo bacitse ku icumu ubwo mba aho ngaho kugeza Inkotanyi zije kubohoza ino muri Rwamagana”

Minisitiri w’Ubutegetsi bw’igihugu, Francis Kanoneka, na we wari wifatanyije n’abaturage bo mu Murenge wa Kigabiro muri uyu muhango wo Kwibuka Abatutsi baguye mu Bitare bya Rutonde, yasabye abacitse ku icumu guharanira kubaka igihugu ntibaheranwe n’amateka mabi yaranze igihugu ndetse na Leta yaranzwe no kubiba amacakubiri mu banyarwanda.

Minisitiri Kaboneka yagize ati “Nitwe tugomba guhindura igihugu cyacu tukubaka u Rwanda ruzira amacakubiri ndetse tukerekana itandukaniro na Leta yaranzwe no gutanya Abanyarwanda, ikarangwa no kubabwira ko badahuje ubwoko no kubakangurira kwica abanyarwanda bagenzi babo”

Minisitiri Kaboneka kandi akaba yongeye kwibutsa abanyarwanda muri rusange ko impamvu twibuka Jenoside yakorewe Abatutsi ari ukugirango ahazaza h’u Rwanda n’abanyarwanda hazarangwe n’igihugu gihesha ishema umunyarwanda.



Abayobozi bunamiye banashyira indabo ku rwibutso rwa Kigabiro rushyinguwemo inzirakarengane zishwe muri Jenoside


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • munyemana Muli 2 Petero 3:13,Bible yigisha ko dutegereje "Ijuru rishya n’Isi Nshya".Abantu benshi beza,"bazasigara" kandi bature mu isi ya Paradizo iteka ryose.Naho ababi bose bazakurwa mu isi,bapfe burundu.Bisome muli Imigani 2:21,22 na Zaburi 37:29.Abandi beza bazajya mu Ijuru,nibo bazategeka Isi izaba Paradizo.Bisome muli Daniel 7:27 na Ibyahishuwe 5:10.Gehinomu,ni Igiheburayo "Ge Hinnom",bisobanura "Ikibaya cya Hinnom",cyabaga hafi n’i Yeruzalemu.Bahoraga batwikiramo imyanda n’intumbi z’abantu,bakaba ivu.YESU yavuze ko abanyabyaha bazajya muli Gehinomu,ashaka kuvuga ko "bazapfa burundu ntibongere kubaho".Byari ikigereranyo cy’icyo kibaya.Muli Abaroma 6:23,Bible ivuga ko igihano cy’icyaha ari "URUPFU" rwa burundu,nta kongera kubaho.Ntabwo ari Umuriro utazima.Bigenda gute iyo dupfuye?Ese tujya mu Ijuru?Nta hantu na hamwe Bible yigisha ko umuntu upfuye aba yitabye imana.Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa†.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza†.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka†,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

    ">Wakoze kutubwira Ijambo ry’Imana.Ariko reka nkosore bimwe mu byo wanditse.Ndasaba abasomyi (...)
  • IZINDI NKURU WASOMA
    Loading...