konka coffee
KONKA

AMAKURU

UKWEZI

Zimbabwe yafashe icyemezo cyo kohereza impunzi z’Abanyarwanda

Zimbabwe yafashe icyemezo cyo kohereza impunzi z’Abanyarwanda
13-01-2018 saa 11:52' | By Akayezu Jean de Dieu | Yasomwe n'abantu 3290 | Ibitekerezo

Leta ya Zimababwe yatangaje ko igiye kohereza impunzi z’abanyarwanda zabarizwaga muri iki gihugu nyuma y’aho Umuryango w’Abibumbye utangarije ko igihugu cyabo (u Rwanda) kuri ubu gitekanye kandi kibayeho mu mahoro.

Minisitiri w’Abakozi ba Leta n’Umurimo muri Zimbabwe, Peronella Kagonye, yavuze ko ibihugu byo mu Majyepfo ya Afurika byatangiye gushyira mu bikorwa iki cyemezo kuva tariki ya Mbere Mutarama 2018.

Minisitiri Kagonye yatangaje ibi ku wa Kane w’Iki Cyumweru turi gusoza, tariki 11 Mutarama 2018, I Harale mu murwa mukuru w’iki gihugu, nyuma y’inama yagiranye na Robert Tibagwa, uhagarariye Ishami ry’Umuryango w’Abibumbye ryita ku Mpunzi (UNHCR), aho baganiraga ku bijyanye n’imibereho y’izi mpunzi z’Abayanrwanda ziri muri iki gihugu n’uburyo zakoherezwa mu gihugu cyazo cyangwa abo bibaye ngombwa bakitwa abaturage ba Zimabwe ntibongere kwitwa impunzi.

Min. Kagonye “Nk’abanye Zimbabwe, turi mu nzira yo kurangiza amasezerano ajyanye no kohereza izi mpunzi mu gihugu cyabo, bari bahawe umunsi ntarengwa wo kuba bamaze kujya mu gihugu cyabo tariki 31 Ukuboza 2017, ubu bongerewe amezi atatu kugira ngo ibijyanye n’amasezerano bibe byarangiye”

Ku wa 30 Kamena 2013, Umuryango w’Abibumbye wagaragaje ko hari impunzi z’abanyarwanda zahunze igihugu kuva muri 1959 kugeza mu Ukuboza 1998, zikiri hirya no hino ku isi , Gusa ngo kuri ubu igihugu cy’u Rwanda kuri ubu gitekanye ndetse ko igihe kigeze ngo impunzi ziri hirya no hino ku isi zikwiye gutahuka zigasubira mu gihugu.

The New Times dukesha iyi nkuru ivuga ko Abanyarwanda bagera kuri 564 bacumbikiwe mu nkambi ya Tongogara iherereye mu birometero 500 uvuye mu murwa mukuru wa Zimabwe, Harare, Gusa hari n’abani banyarwanda benshi bagiye batuye hirya no hino mu gihugu ndetse n’abagiye bagirirwa icyizere bagahabwa imirimo itandukanye muri iki gihugu

Bamwe muri izi mpunzi baciriwe imanza n’Inkiko Gacaca, bahamwa n’ibyaha bya Jenoside yakorewe Abatutsi muri Mata 1994, hari n’ibindi byiciro by’izi mpunzi bitegerejwe gushyikirizwa ubutabera bwo muri Zimbabwe ngo baburane kuri ibi byaha bijyanye n’uruhare rwabo muri Jenoside.

Aya matsinda anashinjwa uruhare mu gukangurira no gutera ubwoba bamwe muri izi mpunzi z’abanyarwanda bababwira ko badakwiye gutahuka mu gihugu cyabo aho birirwa babatera ubwoba ko n’abadafite ibyaha basize bakoze mu Rwanda bashobora kuhagera bagakurikiranwa n’inkiko.

Minisitiri Kagonye yavuze kandi ko hari abanyarwanda bamaze imyaka irenga 17 baba muri iki gihugu ndetse abenshi muri bo ubu bashakanye n’abanye-Zimbabwe.

Yagize ati “Nka Minisiteri, turi kubarura impunzi z’abanyarwanda twiga uburyo zigomba gutaha mu gihugu n’abo bamaze kuzuza ibisabwa banashaka kwitwa abanyagihugu bacu turi kwiga uburyo bakwitwa abaturage ba Zimbabwe bakareka kwitwa impunzi” Aha ni muri Kanama 2013, Ubwo Impunzi z’Abanyarwanda zagera ku Kibuga cy’indege cya Kigali, i Kanombe zivuye mu gihugu cya Malawi


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...