konka coffee
KONKA

AMAKURU

UKWEZI

Umwe mu bemeje ibyo gufunga zimwe muri Kaminuza zo mu Rwanda yakuwe ku buyobozi

Umwe mu bemeje ibyo gufunga zimwe muri Kaminuza zo mu Rwanda yakuwe ku buyobozi
6-04-2017 saa 08:51' | By Chief Editor | Yasomwe n'abantu 18460 | Ibitekerezo 19

Dr Mugisha Sebasaza Innocent wari Umuyobozi w’Inama y’Igihugu y’Amashuri Makuru, HEC, yakuwe kuri uyu mwanya n’Inama y’Abaminisitiri yateranye kuri uyu wa Gatatu, tariki 5 Mata 2017, ibi bikaba bibaye nyuma y’igihe gito ibijyanye no gufunga zimwe muri Kaminuza n’amashuri makuru yigenga mu Rwanda bitavugwaho rumwe, nk’umuyobozi wagize uruhare mu byemezo byafungishije izi Kaminuza akaba yaragarutsweho na bamwe mu bayobozi ba za Kaminuza zafungiwe amwe mu mashami.

N’ubwo bitatangajwe ko gukurwa ku mwanya w’ubuyobozi byaba bifitanye isano n’ibimaze iminsi bitavugwaho rumwe ku gufungwa kw’amashuri makuru na za Kaminuza zitandukanye mu Rwanda, ntawakwirengagiza ko ari byo bintu Dr Mugisha Innocent amaze iminsi avugwamo cyane hamwe n’ikigo yari abereye umuyobozi.

Inama y’Igihugu y’Amashuri Makuru, HEC, nka kimwe mu bigo bya Minisiteri y’Uburezi gishinzwe by’umwihariko gukurikirana za Kaminuza n’amashuri makuru bikorera mu Rwanda, mu kwezi gushize kwa Werurwe yanzuye ko amashuri makuru na kaminuza 10 bihagarikirwa amashami cyangwa amasomo by’agateganyo, hashingiwe ku igenzura ryakozwe hagaragazwa ko hari ibyo batujuje.

JPEG - 141.4 kb

Dr Innocent Sebasaza Mugisha wari umuyobozi w’Inama y’Igihugu y’Amashuri Makuru, HEC

Abayobozi ba za Kaminuza n’amashuri makuru byafungiwe amashami ndetse hamwe abanyeshuri bagahita basabwa kwitahira, bagiye bagaragaza ko batishimiye ibi byemezo ndetse ko harimo akarengane. Abanyeshuri bo bamaze igihe bari mu gihirahiro, bavuga ko batumva uburyo Kaminuza zihagarikwa bakadindira nyamara baragiye kwiga babona neza ko Kaminuza bagiyemo zifite ibyangombwa zahawe na Minisiteri y’Uburezi.

Kaminuza ya Gitwe yafungiwe amashami atatu arimo iryigisha ubuganga, irya laboratoire ndetse n’ishami ry’ubuforomo. Umuyobozi wayo Rugengande Jered, yatangarije ikinyamakuru Ukwezi.com ko batunguwe cyane n’icyemezo cyafashwe na Minisiteri y’Uburezi kuko basanga bujuje ibisabwa byose kandi n’isuzumwa ryakozwe rikaba rimaze igihe kuburyo hari ibindi byinshi byahindutse muri iyi Kaminuza nyuma y’iryo suzumwa. Avuga kandi ko asanga Minisiteri y’Uburezi yarashingiye ku byemezo by’amasuzuma ya cyera, ntiharebwe ibyagiye binozwa.

Yagize ati: "Icyemezo cyaradutunguye kuko mu by’ukuri raporo mbona Minisiteri yashingiyeho, ni raporo za cyera kuko twagiye dukorerwa amasuzuma kenshi, uko baje tukongeraho tukongeraho... Usanga rero ririya suzuma Minisitiri yashingiyeho, mu by’ukuri yaragiye ihera ku byemezo by’amasuzuma yabaye mbere. Icya kabiri hagati y’igihe baziye n’igihe bagendeye, hashize amezi atandatu, muri ayo mezi ashize ubu hakozwe byinshi rero. Urugero basanze dufite imirambo yo kwigiraho ibiri, turayongera none ubu tumaze kugera kuri 12, kandi ntekereza ko n’i Butare batayifite."

Mu kiganiro n’abanyamakuru cyabaye kuwa Mbere tariki 20 Werurwe 2017 mu cyumba cya Minisiteri y’Uburezi, mu bibazo byabajijwe Dr Mugisha Sebasaza Innocent wari Umuyobozi w’Inama y’Igihugu y’Amashuri Makuru, HEC, harimo kuba raporo zahawe amwe mu mashuri makuru zigaragaza ibyo batujuje, zari zirimo amakosa nk’aho byagaragaraga ko hari ibyo zahawe bigenewe izindi Kaminuza. Urugero ni Kaminuza ya Gitwe, aho muri Raporo yahawe ubwo yahagarikirwaga amashami, hagaragaramo aho bibeshye bakandika Kaminuza ya INES cyangwa iwa AUCA y’i Masoro. Aha hibazwaga niba ayo makosa yakozwe, atashingirwaho hemezwa ko n’ibikubiye muri raporo hari aho habayemo kwibeshya.

JPEG - 43.1 kb

Tariki 17 Werurwe 2017, nyuma yo kumva amwe mu makaminuza anenga izi raporo, iknyamakuru Ukwezi.com cyari cyaganiriye na Dr Mugisha Sebasaza Innocent wari Umuyobozi w’Inama y’Igihugu y’Amashuri Makuru, HEC, tumubaza ibijyanye n’ayo makosa maze mu gusubiza agira ati: "Reka reka reka! Ni template, nibasome ibiriho munsi byose, ni raporo yabo... Iyo ni template bakoresheje hazaho iryo zina rya INES ariko ibirimo byose ni ibya Kaminuza ya Gitwe... Ikibazo si ako ka template bagiye bakoresha. Hanyuma se INES iba hariya, iba aho bavuga na biriya byose?..."

Dr Mugisha Sebasaza Innocent wari Umuyobozi w’Inama y’Igihugu y’Amashuri Makuru, HEC, yasimbuwe kuri uyu mwanya na Dr. MUVUNYI Emmanuel wari usanzwe ari umuyobozi wungirije w’Ikigo cy’igihugu cy’Uburezi (REB) ushinzwe ishami ry’Ibizamini, uyu muyobozi bikaba bigaragara ko afite inshingano zitoroshye zo gukemura ibibazo by’uburezi biri muri Kaminuza n’amashuri Makuru mu Rwanda.

JPEG - 60.3 kb

Dr. MUVUNYI Emmanuel wakoze imirimo itandukanye muri Minisiteri y’Uburezi niwe wasimbuye Dr Mugisha Innocent


INKURU ZA :
Tanga Igitekerezo
Ibitekerezo 19
Mwami Kuya 8-04-2017

Byose ni imipangu nigiki kiba kitazwi se!!!

Anitha Kuya 7-04-2017

ubutezi bwacu ntibwatera imbere, nawe c umwana wumuyobozi cyangwa undi mukire wese arajyanwa kwiga hanze iyo zaburayi namerika,ubundi abana bandi ba se na banyina baba biriye bimaze ngo umwana yige mukabatesha agaciro, ese muziko igise kiryana nkikindi wa? mureke gushengura imitima yabana burwanda, ntitwababaye gake murekere aho, president nagire icyo akora rwose bareke abana bige

Anitha Kuya 7-04-2017

ubutezi bwacu ntibwatera imbere, nawe c umwana wumuyobozi cyangwa undi mukire wese arajyanwa kwiga hanze iyo zaburayi namerika,ubundi abana bandi ba se na banyina baba biriye bimaze ngo umwana yige mukabatesha agaciro, ese muziko igise kiryana nkikindi wa? mureke gushengura imitima yabana burwanda, ntitwababaye gake murekere aho, president nagire icyo akora rwose bareke abana bige

dani Kuya 7-04-2017

Erega nta ministeri nimwe itarimo akavuyo!reba iyubuhinzi baha abantu imbuto zitera jya mubuzima mubureziho ntiwareba!!aho ubaza umwana icyo azabacyo nyuma yokwiga akagusubiza ko azaba icyo atazi gusa birababaje dusigaye twibagirwa ibyo twize!ahhh rwanda weee!!

katy Kuya 7-04-2017

Nubundi ibibintu habayeho guhubuka urugero nka INES ruhengeri yambaye incuro 8 zoc nibwo bibutse ko ikigo nta reme ririmo ese ubundi nka za open university of tanzania na za mahathma zifite icyicaro mu rda zo bazihagarika gute? Peresident wa republic Paul kagame atuyoboye neza pe ntidushaka abaza guhungabanya ubumwe bwabanyarwanda ministry bamukureho nibyo yarakwiye yadutesheye umwanya nagaciro nawe niyumve uko kwicara warize bimera

Sano Kuya 7-04-2017

IYI NKURU NYISOMYE KURI FACEBOOK ARIKO NSANZE HARIMO IBYIZA BYINSHI:

Uwagira akanya yatanga igitekerezo kuri iyi ngingo y’ubushomeri kuko ari umuganda ukomeye w’uko twiyubakira igihugu buri wese agiha abitekerezo afite. Nuwabishobora yasangira n’abandi iyo nyandiko.

Dore inyandiko :

GUSHYIRAHO GAHUNDA Y’IGIHUGU YO GUHEMBA (imfashanyo) ABASHOMERI BURI KWEZI MU RWANDA BIRASHOBOKA BYIZWE NEZA KANDI BYATEZA IGIHUGU IMBERE N’ABANA BACYO BOSE

Banyarwanda, Banyarwandakazi namwe Nshuti z’u Rwanda,

Kubwanjye iyo nitegereje imiterere y ’ u Rwanda n’ubukungu bwarwo ndetse nkabihuza n’imiterere ya minisiteri y’umurimo hamwe n’izindi minisiteri n’ibigo bifatanije gahunda zimwe na zimwe, njye nsanga kugenera imfashanyo abashomeri buri kwezi bishoboka. Ibyo njye ndabihabwa na za travaux na za analyses nagiye nkora akenshi kuri universites nizemo mubintu binyuranye ndeba imiterere y’isoko ry’umurimo mu Rwanda hamwe na politiki ziriho za leta muri urwo rwego.

Akenshi nagiye ngera kumwanzuro wo kubona ko leta y’ubu kuri icyo kerekezo igerageza gukora ibishoboka ukurikije amikoro ifite. Ariko na none sinareka kuvuga ko nanone hari aho nasangaga politiki zimwe zaziriho zidahuza nuko ibintu biteye kuburyo kuri iyo ngingo hari hakiri byinshi byo gukorwa kandi birumvikana kuko kubaka igihugu ni ukugenda utera imbere buhoro buhoro. Ndetse hari naho wasangaga politiki zimwe zivuguruzanya n’izo muzindi nzego z’ubuzima bw’igihugu.

Ikindi kibazo nagiye mbona ni uko n’umubare w’abashomeri utari uzwi neza kuburyo bunononsoye ndetse n’ubushobozi bifitemo. Ariko na none igikomeye muri byo ni uko binagoye kumenya uri umushomeri nutari we kuko kubutegetsi bw’ingoma zayoboye igihugu mbere y’iyi iriho zari zaramenyereje abanyarwanda ko udafite akazi ahemberwa ari umuhinzi. Bakoresha imvugo gusubira ku isuka igihe utakaje alazi kuburyo ubuhinzi bari baramenyereye kubwitiranya n’ubushomeri. Ndetse wabisangaga no mu irangamuntu kuburyo utagira akazi bandikagamo ko ari umuhinzi n’iyo yaba adahinga.

Ariko na none iyo witegereje definition isanzwe y’akazi uko izwi mubumenyi nkubwo ku isi, ntabwo umuhinzi w’umunyarwanda yazaga (muburyo bworoshye) mubo wakwita abakozi kuko habuzemo byinshi. Imipaka rero hagati y’umushomeri w’umunyarwanda hamwe n’uwiyita (cyangwa bita) umuhinzi ntabwo isobanutse.

Kuri iyi ngingo ariko politiki mbona iriho muri iyi minsi nubwo hari byinshi isa nikenewe gukosorwamo kuko iri muntangiro, abantu benshi usanga batayigaya cyane kuko bayibona ko ishobora gutangira kuba igisubizo. Nko guhindura imiturire y’akajagari mubanyarwanda ndetse no kugira politiki y’ubutaka n’ubuhinzi bubyara imusaruro ni ikintu kiza mumvugo ya bose igihe bikozwe neza.

Ariko na none muri gahunda ziriho zigana mukerekezo cyiza mbona, nsanga na none hari byinshi bibuzemo kuko ntabwo mubyo nashoboye kwitegereza no kwigaho ncukumbura, ntabwo ningeze mbonamo ibintu byinshi bijyanye no guhindura imibereho y’abanyarwanda cyane cyane ubavana muri ya secteur biyita abahinzi ataribo buzuye ngo noneho ubajyane mu kerekezo cy’uko bahinduka abanyamushahara muburyo runaka cyangwa ubajyana muyindi mirimo. Aha rwose haracyari icyuho ariko biranumvikana kuko ni impinduka zikomeye kubanyarwanda bose kandi byose ntibizira rimwe ariko bigaragara ko aricyo cyerekezo niba abanyarwanda bose babishyizemo ubushake n’ababijijukiwe bakemera gutanga umuganda wabo batizigamye.

Ndamutse ngaruko rero kukibazo cy’abashomeri, iyo ukigezeho ugisanga muzindi ngorane nk’izo mvuze hejuru ndetse hari na nyinshi ntavuze.
Ariko na none ukurikije amashuri ariho mato na kaminuza kandi asohora abantu benshi cyane buri mwaka ndetse bikaba ari ibyo gushimwa, iyo ubirebye neza usanga byihutirwa cyaneee gukemura icyo kibazo cy’abashomeri. Ndetse ntawaba akabije aramutse avugije inzogera cyaneee ngo byumvikane cyaneee ko icyo kibazo kihutirwaaa cyaneee.

Jye nk’umuntu wize kuri icyo kibazo inshuro nyinshi cyane cyane murwego rwa social development n’andi mashami nashoboye kwiga aho nize hose, nsanga guhemba (gufasha) nko mubihugu byateye imbere abashomeri buri kwezi bishoboka ndetse gufasha abashomeri byabazamura kandi bikazamura n’u Rwanda uramutse ubirebeye murwego rwa circuit ferme muri economie n’izindi ndorerwamo z’ubumenyi zishoboka. Circuit iri ferme nshaka kuvuga ntabwo ari economie ifunze nkuko bamwe bashobora babyumva muburyo bubangutse. Ahubwo ni economie wongerera abanyagihugu ubushobozi (pouvoir d’achat) bikazamura ubukungu imbere mugihugu ariko nanone bikongerera ubushobozi leta kuko iyo abashomeri bagiye guhaha, uwo baguzeho atanga imisoro noneho za mfashanyo bahawe zigasubira muri leta, maze leta nayo ikongera ikazibagaruraho bityo bityo bikanagendana n’izindi nzego z’ubuzima. Ibyo byose byunganirwa n’ibintu byinshi birimo gutanga imisoro y’igihugu neza, kutanyereza ibya rubanda, guteza imbere ishoramari, kugira ubucuruzi n’amahanga wagura amasoko n’ibindibyose igihugu gikora kigamije kubibyaza umusaruro, etc.

Na none ariko iyo urebye iki kibazo murwego rwa economie rusanzwe cyangwa andi mashami y’ubumenyi, bizana izindi mpaka ndetse zitoroshe kuburyo bisaba kubihuza n’abo muzindi nzego z’ubuzima hakaboneka umwanzuro rusange unogeye bose.

Muri make gushyira mubikorwa iriya gahunda bisaba kuvugurura systeme yose ariko ukabikora ufite ishusho nyayo yaho werekeza wize bihagije kuburyo ikitagenze neza uba ufite plan B ushyira mubikorwa.

Muntangiro ayo bahabwa buri kwezi ashobora kuba make ariko uko ibihe bigenda bihinduka yakwiyongera.

Kugera kuri iyo nshingano byazamura igihugu.

Kubatera abandi ubwoba cyangwa se ababona ntakiza na kimwe gikorwa na leta iriho cyane cyane bitwaje ko abaturage bakennye, iyo migirire yo kuba negativiste ntifasha igihugu n’abanyarwanda. Nta gihugu na kimwe kitagira abakene ndetse na hano mubihugu byateye imbere hari abaturage babyo kavukire barara hanze ndetse ugasanga barangwa n’ibindi byose biranga umukene kuburyo abo baturage bahora mumpaka na leta zabo bazirega kujya gufasha izindi leta kandi abaturage bazo bakennye.
Bruxelles, le 03/04/2017
RUTAYISIRE Boniface
Tel : 32 466 45 77 04 (Viber and Watsup)
Email : b2003n@yahoo.fr (yahoo.fr)

NB : Kubakunze kongera gutangaza inyandiko zanjye cyangwa se bamwe bakazijyaho impaka baba abanyeshuri cyangwa abandi murwego runaka, ndagirango mbabwire ko nakoze iyi nyandiko murwego rwo gutanga ibitekerezo bihinnye hamwe no kumurikira bamwe kumpaka ziriho bamwe bibaza niba abashomeri bo mu Rwanda bajya bahembwa (imfashanyo) buri kwezi. Ingingo nk’iyi rero biragoye ko ibiyireba byose wabisanga munyandiko ngufi nk’iyi. Ariko na none icyo mbona nuko iki kibazo gikwiriye kugibwaho impaka ndetse kigacukumburwa bihagije.


Le dim., mars 26, 2017 à16:10, infotubeho@yahoo.fr
<infotubeho@yahoo.fr> a écrit :

UBUTUMWA BWO GUSHIMIRA IBUKA NA CNLG KURI COLLOQUE NARI NATUMIWEMO IGAMIJE KWIGA K’UKWIGISHA GENOCIDE TUTSI MUMASHURI, IKABA YARABEREYE MUNGORO Y’ABADEPITE BA WALLONIE BRUXELLES MUBUBIRIGI TARIKI YA 24/03/2017

Jye nk’umwe mubanyarwanda bari bahari bitabiriye Colloque yabereye i Bruxelles mu Bubirigi mungoro y’Abadepite ba Wallonie Bruxelles tariki ya 24/03/2017 ndetse iyi colloque nkaba narahawe urubuga ruhagije rwo kuyitangamo ibitekerezo, ndashima uburyo yateguwe ndetse n’uburyo yagenze neza.

By’umwihariko ndashima Bwana Deo Mazina, Perezida wa Ibuka mu Bubirigi na Bwana Eric Rutayisire wahoze ayobora Ibuka Belgique ndetse na Bwana Kabanda Aloys hamwe na Madame Annie Nyagatare, Madame Carine Rutayisire, Honore Magorane Maitre Karongozi Andre Martin, Jean Philippe Schreiber n’abandi bose bafatanyije kubera imyitwarire myiza n’ubushobozi bose bagaragaje mukuyobora imirimo rusange n’ibiganiro by’iyi colloque.

Na none ndashima abatanze ibiganiro, by’umwihariko nkaba nshima
Christiane Vienne, Pierre Galand, Pr Jean Pierre Dusingizemungu, Philippe Plumet, Edith Mukayirere, Daphne Couloubaritsis, Pierre Jean Vranken, Messagier Rachid, Dr Jean Damascene Bizimana, Marjan Verplancke, Pr Jean Philippe Schreiber, Dr Virginie Brinker, Dr Jean Mukimbiri, Me Michel Mahmourian, Jonathan De Lathouwer, Florence Caulier na Bwana Eric Didier Rutayisire.

Ndashima cyane bikomeye Pr Jean Pierre Dusingizemungu Perezida wa Ibuka i Kigali na Dr Bizimana Jean Damascene uyoboye komisiyo yo kurwanya genocide CNLG i Kigali kubisubizo byiza bampaye ndetse bashima n’umuganda w’ibitekerezo n’ibibazo byanjye natanze muri colloque.
Muri uko kunsubiza nkaba nanjye narashize impungenge ko na ya mateka ya kera yigishwaga acamo ibice abanyarwanda kubyo bitaga amoko ya Hutu Tutsi mubanyarwanda bitazigishwa mumashuri kuko jye icyo mpora nshyira imbere ari Ubunyarwanda. Umunyarwanda kumva ari umunyarwanda ibyo birahagije.

Kubijyanye no kwinjira muri iyo colloque, kubera imiterere y’iyo colloque n’aho yabereye, umutekano wari witaweho cyane ndetse kwinjira byasabaga uburenganzira bwa IBUKA kandi uwinjira yagombaga kuba ari kuri liste yakozwe mbere y’igihe noneho yahagera abazungu bari kumwe n’abasirikare (police militaire) bakarebaho akabona gukorerwa ikarita yambara imwinjiza.

Muri iyo colloque umunyamakuru Bwana Peter Verlinden, Bwana Ruhumuza Patrice Mbonyumutwa na Bwana Norman Ishimwe ntabwo bemerewe kwinjira muri iyo colloque.

Kubijyanye na debat byagenze neza uretse Professeur Anne Morelli byasabye ko yibutswa n’Ambassadeur w’u Rwanda mu Bubirigi Olivier Nduhungirehe, Dr Jean Mukimbiri na Bwana Tatien Ndorimana ko atagomba kuvanga inyito ya genocide Rwandais na genocide Tutsi. Nanjye mumwanya nahawe, nasabye Pr Anne Morelli ko atagomba kuvuga ko kwigisha genocide Tutsi bigoye gushyirwa mubikorwa, ahubwo ikibitera nuko bahishako harimo ivanguramoko (racisme) ry’abanyaburayi banga kwigisha amateka y’abanyafurika cyane cyane aya genocide Tutsi. Mugisubizo Anne Morelli yatanze yemeye koko ko ibyo nsobanuye bifite ishingiro ndetse anarushaho gusobanura iyo ngingo.

Kubindeba, ndangije nshimira uko ubutumire bwangezeho ndetse n’uburyo IBUKA yanshubije mbere y’igihe banshyira kuri liste y’abazitabira iyo colloque kuko bifasha kwitegura. Iyo mikorere myiza izagume itere imbere.

Nkaba nashimira by’umwihariko ko mubatanga ibitekerezo nanabaye uwambere wahawe ijambo ndetse ntakubica iruhande ubanza ndi mubari kumwanya wa mbere mubahawe ijambo kenshi kandi umwanya rusange wahariwe ibitekerezo n’ibibazo warabaga ari muto cyane.

Mugusoza ndarangiza nshima by’umwihariko abarokotse mwese genocide Tutsi aho muri mu Rwanda no mu bihugu by’amahanga kubera ubutwari n’ubwitange mukomeza kugaragaza mu kubaka u Rwanda no kubaka umuryango nyarwanda. Ubwo butwari bw’indashyikirwa amateka y’u Rwanda azabaho abwibuka ibihe byose u Rwanda ruzabaho.
Kugiti cyanjye nzakomeza gufatanya namwe mwese mu guteza imbere Ubunyarwanda butavangura kandi butagira umupaka. Aho nzajya mbishobora hose nzajya mbasura twungurane ibitekerezo kuri izo ngingo.
Bitangarijwe i Bruxelles, tariki ya 25/03/2017
Tel : 32466457704 (Watsup

tizo Kuya 6-04-2017

tweguhishanya muri Education harikibazo ahubwo HE natabare hakirikare ahubundi. ibintubyarazabye

keza Kuya 6-04-2017

Ese ubundi kuki mutaretse ngo dukomeze twige ngo bikosore turi no kwiga,kuko n ubundi hari ibyo twize kd nezera bitazasubirwamo reo mujye mukora control mbere yuko umwaka utangire aho kuvangira abari kwiga numva aribyo byiza.nkongera nkibaza kuki ikigo cyemerwa gutangira mubona hari ibyo kitujuje?ntakuntu ikigo gishyira hanze abanyeshuri barangije utabara ubundi nyuma ariho bigaragara k hari ibyo kitujuje.numva harimo urujijo pee.

mugisha Kuya 6-04-2017

murivugura mwebwe! wakwibaza gute ukuntu abarimu bo muri general education babona bonus zabo ariko abahembwa na WDA ntibazibone kdi bose bari under ya mineduc? banyamakuru muzatubarize rwose twarumiwe!

kamabera Kuya 6-04-2017

Ese abazirangijemo bari mu kazi bazahabirukana !!!!????

karimunda Kuya 6-04-2017

hasigaye kurangiza akarengane n’akajagari kari muri muri MINISANTE

Ingabire Kuya 6-04-2017

Ark ubundi njye sinumva ukuntu ngo kaminuza zafunzwe zidafite ireme,ese abizemo bakarangiza ndetse bafite akazi tuvuge ko c ibyo bakora nabyo nta reme??muri mineduc kugeza ubu nta organization bafite!!abanyeshuri ibi biratubabaza,ubuse ukwezi kose kurashije turi mu rugo nibwo turi kunguka??nti mukarebe inyungu zanyu gusa,hari abana b’u rda turi kurengana.

Gervais Kuya 6-04-2017

Ibibintu byo muri minister yuburezi birimo urujijo nkatwe abanyeshuri turikujya aho umupiraujya naho ababyeyi bacu. Barumiwepe nimuturenganure

EMY Kuya 6-04-2017

NA MINISANTE ARIKO BAYIKOREMO

kim Kuya 6-04-2017

nibyiza ariko unaniwe hamwe niyimurirwa ahandi uwamusimbuye we se REB byari byifashe gute

kagabo Kuya 6-04-2017

Ariko abatanga akazi na bo sinzi icyo bagenderaho!
- Uyu Dr Mugisha Sebasaza Innocent niba hari uwo yigishije i Butare yatanga ubuhamya ku bumenyi afite!
- Paji ebyiri umwaka wose!
- kubara inkuru zidafite aho zihuriye n’isomo, amatiku....

Isidore cimpaye Kuya 6-04-2017

Hhhhhhhhhh. Bose ni bamwe. None se yahawe report arayisuzugura? Yafashe icyemezo ku giti cye?

Clement Kuya 6-04-2017

Mbega byiza! Erega bavangiye HE bihagije, bamuteza abishywa kweri! Malimba, malimba, malimba nawe itegure Sha! Wapfa Nyakubahwa arakwereka umuryango usohoka.

Minisiteri mwayigize akarima kanyu gusa! Itiku mugirana nibindi murasebye,,, malimba weee! Niwowe utahiwe kbsa uzongere kulimba...

aba Kuya 6-04-2017

Nawe niyumve agahinda yaduteye nyine, ubuse ko ndiguta igihe kd nagakwiye kuba ndihafi kuyasoza, none ngo bamukuyeho , na minister nawe bamukureho baratubabaje, batumye nanga bamwe ntavuze , gusa badufashe twige rwose

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...