AMAKURU

UKWEZI

Perezida Kagame yafunguye abana 18 bakoze ibizamini bya Leta bafunzwe

Perezida Kagame yafunguye abana 18 bakoze ibizamini bya Leta bafunzwe
20-01-2018 saa 17:43' | By Akayezu Jean de Dieu | Yasomwe n'abantu 2843 | Ibitekerezo 3

Ashingiye ku bubasha ahabwa n’Amategeko, Nyakubahwa Perezida wa Repubulika y’u Rwanda, Paul Kagame yahaye imbabazi abana 18 batsinze ibizamini bya Leta bari bafunze ndetse anafungura by’agateganyo abagororwa 392, bari bafungiye muri gereza zitandukanye.

Nk’uko bigaragara mu itangazo ry’ibyemezo byafatiwe mu nama y’abaminisitiri yo ku wa 19 Mutarama 2018, Perezida Kagame yamenyesheje abaminisitiri ko yatanze izi mbabazi ndetse akanafungura by’agateganyo abandi bari bafunzwe ariko bujuje ibisabwa kandi biteganywa n’amategeko

Nk’uko bigaragara mu Itangazo ry’Ibyemezo by’inama y’Abaminisitiri ryagiraga riti “Ashingiye ku bubasha ahabwa n’Amategeko, Nyakubahwa Perezida wa Repubulika yamenyesheje Inama y’Abaminisitiri ko yahaye imbabazi abana 18 bari bafungiye muri Gereza ya Nyagatare bitwaye neza kandi batsinze neza ibizamini bya Leta.”

Muri iyi nama y’Abaminisitiri kandi hemejwe Iteka rya Minisitiri ryemeza ifungurwa ry’agateganyo ry’abafungwa 392 bujuje ibisabwa n’amategeko. Inama y’Abaminisitiri yemeje imyanzuro y’Inama y’Abaminisitiri yo ku wa 5 Ukuboza 2017.

Nk’uko bitangazwa n’Umuvugizi w’Urwego rw’Igihugu rushinzwe imfungwa n’abagororwa (RCS), SP Sengabo Hillary, ngo abanyeshuri bari bakoze ibizamini bya Leta bafungiye muri gereza ya Nyagatare bose ni abana 21 bagabanyijwe mu byiciro 2.

Muri bo 16 bakoze ibizamini bya Leta bisoza amashuri abanza na 5 bakoze ibizamini by’icyiciro rusange

Muri abo 16 harimo abahungu 15 n’umukobwa umwe, 8 muri bo batsinze neza bari mu kiciro cya mbere (division I), 7 baza mu cya kabiri naho umwe aza mu cya gatatu. Muri 5 bakoze ibizamini by’ikiciro rusange, umwe yagize amanota yo mu kiciro cya mbere, babiri mu kiciro cya kabiri, abandi babiri mu kiciro cya kane.

Ingingo ya 109 y’Itegeko Nshinga ivuga ko Perezida wa Repubulika afite ububasha bwo gutanga imbabazi mu buryo buteganywa n’amategeko kandi amaze kubigishamo inama Urukiko rw’Ikirenga.

Itegeko ryerekeye imiburanishirize y’imanza z’inshinjabyaha Nº 30/2013 ryo kuwa 24/5/2013, mu ngingo ya 236 rivuga ko imbabazi zihawe abantu benshi cyangwa umuntu umwe zitangwa na Perezida wa Repubulika mu bushishozi bwe no ku nyungu rusange z’igihugu.


INKURU ZA :
Tanga Igitekerezo
Ibitekerezo 3
Nzayisenga Isaac Kuya 27-01-2018

Turashimira nyakubahwa perezida was repubulika igitekerezo yagize

Nzayisenga Isaac Kuya 27-01-2018

Turashimira nyakubahwa perezida was repubulika igitekerezo yagize

dada Kuya 21-01-2018

Ooh, that’s good!God bless you more our president.Abobana baribarambabaje cyane

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...