konka coffee
KONKA

AMAKURU

UKWEZI

Akanyamuneza ku maso y’abagororwa 392 bafunguwe by’agateganyo- Amafoto

Akanyamuneza ku maso y’abagororwa 392  bafunguwe by’agateganyo- Amafoto
22-01-2018 saa 10:46' | By Akayezu Jean de Dieu | Yasomwe n'abantu 2143 | Ibitekerezo

Ku mugoroba wo ku Cyumweru tariki 21 Mutarama 2018, akanyamuneza kari kose ku bagororwa 392 baherutse gufungurwa by’abagateganyo byemejwe n’Inama y’Abaminisitiri yo ku wa 19 Mutarama 2018, aho aba bagororwa bafunguwe kubwo kuba bujuje ibisabwa biteganywa n’Amategeko.

Inama y’Abaminisitiri yo ku wa 19 Mutarama 2018 niyo yemeje Iteka rya Minisitiri ryemeza ifungurwa ry’agateganyo ry’abafungwa 392 bujuje ibisabwa n’amategeko.

Iri fungurwa ry’aba bagororwa ryakozwe hashingiwe ku iteka rya Minisitiri No 126/MOJ/AG/2018 ryo ku wa 20/01/2018.

Nk’uko bigaragara mu itangazo Urwego rw’Igihugu rushinzwe Imfungwa n’Abagororwa ryanyuze ku rukuta rwa Twitter, aba bagororwa bose bari bafungiye muri gereza zitandukanye bakaba baraye bafunguwe ku mugoroba wo ku Cyumweru tariki 21 Mutarama 2018.

Gufungurwa by’agateganyo bihabwa umugororwa urangije 2/3 by’igihano cye ariko witwaye neza muri Gereza. Gusa ariko abahamijwe ibyaha birimo ibya Jenoside, kugambanira igihugu, gufata ku ngufu hamwe n’ibindi byaha by’ubugome bo ntibarebwa n’iyi ngingo.

Ikindi kandi umugororwa ufungurwa by’agateganyo, aba agomba kuba mu myitwarire ye yaragaragaje ukugororoka.

Aba bagororwa bafunguwe by’agateganyo nyuma y’aho abanyeshuri 15 bakoze ibizamini bya Leta bisoza amashuri abanza ndetse na 3 bakoze icyiciro rusange nabo bafunguwe ku wa 20 Mutarama 2018. Aba bo bakaba barahawe imbabazi na Perezida Kagame
Aba bose batashye mu rugo iwabo bafite akanyamuneza nyuma yo gufungurwa by’agateganyo Ubu basubiye mu miryango yabo aho bagiye gukomereza ubuzima busanzwe Abanyeshuri nabo bafunguwe ubu bagiye gukomereza amasomo mu bigo bitandukanye


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...