konka coffee
KONKA

AMAKURU

UKWEZI

Ab’i Musanze bahize kutazatenguha Abadepite ba FPR yabakuye mu cyiciro cy’abahanya

Ab’i Musanze bahize kutazatenguha Abadepite ba FPR yabakuye mu cyiciro cy’abahanya
1-09-2018 saa 16:00' | By Jerome Munyentwari | Yasomwe n'abantu 807 | Ibitekerezo

Abaturage bo mu Karere ka Musanze bagaragaje iterambere bamaze kugeraho barikesheje FPR Inkotanyi, bahiga ko batazatererana abakandida bayo mu matora y’Abadepite.

Ibi babigarutseho ku wa 31 Kanama 2018, ubwo abakandida Depite ba FPR Inkotanyi bari bagiye kwiyamamariza mu murenge wa Muhoza.

Aba baturage bavuga ko FPR Inkotanyi yabakuye mu buzima bubi, ubu bakaba bamerewe neza, bakabishingiraho bavuga ko batazigera bayitenguha ndetse ko mu matora y’abadepite bazayitora 100%.

Mu buhamya butandukanye bwatangiwe muri iki gikorwa, bagarutse ku byiza bamaze kugeraho babikesheje umuryango wa FPR Inkotanyi yababaye hafi.

Sinzakira Sulaiman wo mu Murenge wa Muhoza avuga ko yari mu cyiciro cya mbere cy’ubudehe yitwa umuhanya, ariko ubu ngo ageze mu cyiciro cya gatatu kubera inkunga y’ingoboka yahawe n’umuryango FPR Inkotanyi.

Yagize ati “Ibyiciro by’ubudehe bitangira nari mu cyiciro cyari cyariswe icy’abahanya. Nahawe inkunga y’ingoboka y’amafaranga ibihumbi mirongo itandatu (60,000 frw). Natangiye ubucuruzi bw’amatungo ubu umutungo wanjye usaga miliyoni cumi n’ebyiri. Nize gusoma, kwandika no kubara, ubu ndi mu nteko y’abunzi.”

Nyirabahizi Zakia nawe utuye mu Kagari ka Mpenge mu Murenge wa Muhoza nawe yunze murya mugenzi we, avuga ko ashima cyane ibyo abasilamukazi bo muri uyu murenge bamaze kugeraho babikesheje FPR Inkotanyi.

Yagize ati “Mbere nari hasi cyane, nisunze banki nkorana na bagenzi banjye muri koperative ubu nkaba nkora ubucuruzi bwambukiranya bw’ ibitenge. Natangiye mpabwa inguzanyo y’amafaranga ibihumbi mirongo itanu none ubu ngeze ku rwego rwo gufata inguzanyo isaga miliyoni y’amafaranga y’u Rwanda.”

Umuyobozi w’Umuryango FPR Inkotanyi mu Ntara y’Amajyaruguru Gatabazi Jean Marie Vianney, yatangaje ko hari gahunda nyinshi ziteganyirijwe urubyiruko zirimo no kurushakira akazi.

Amatora y’Abadepite ateganyijwe kuri iki Cyumweru ku bari muri Diaspora, no ku wa Mbere ku banyarwanda bari imbere mu gihugu.

Abayobozi batandukanye bitabiriye iki gikorwa


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...