konka coffee
KONKA

AMAKURU

UKWEZI

Abadepite bashya bagiye kurahira

Abadepite bashya bagiye kurahira
18-09-2018 saa 10:18' | By Vincent Nsengiyumva | Yasomwe n'abantu 2377 | Ibitekerezo

Abadepite baherutse gutorerwa kwinjira mu Nteko Ishinga Amategeko y’u Rwanda, bararahirira inshingano batorewe kuri uyu wa Gatatu tariki 19 Nzeri uyu mwaka.
Uyu mutwe w’a badepite bagize manda ya kane izayobora kuva 2018 kugeza 2023, bazarahirira mu ngoro y’Inteko Ishinga Amategeko iri ku Kimihurura.

Amakuru y’irahira ry’Abagize Inteko Ishinga Amategeko bashya, yemejwe kuiri uyu wa Kabiri na Minisitiri mu biro bya Perezida wa Repubulika Judith Uwizeye.

Minisitiri Uwizeye yavuze ko nyuma y’irahira , Abadepite bashya bazitoramo abagize biro, barimo Perezida na ba Visi Perezida babiri, ushinzwe amategeko no kugenzura ibikorwa bya Guverinoma ndetse n’ushinzwe Imari n’Abakozi.

Itegeko nshinga ry’u Rwanda rivuga ko Perezida w’Inteko Ishinga Amategeko atagomba guturuka mu ishyaka riri ku butegetsi, bize uzatorwa atazaturuka muri FPR Inkotanyi.

Amategeko ateganya ko abagize Inteko Ishinga Amategeko barahirira imbere ya Perezida wa Repubulika, ataboneka bakarahirira imbere ya Perezida w’Urukiko rw’Ikirenga.

Inteko Ishinga Amategeko y’u Rwanda igizwe n’imyanya 80, aho imyanya 53 iuhatanirwa n’imitwe ya Politike, 24 igaharirwa abagore , urubyiruko rukagenerwa 2 abafite ubumuga nabo bagahabwa umwe.

Umuryango RPF-Inkotanyi n’imitwe ya politike yawiyunzeho babonye imyanya 40 muri 53 yahatanirwaga, Ishyaka PSD ribona imyanya itanu , PL ibona imyanya ine.

Amashyaka yinjiye mu Nteko bwa mbere, ni Democratic Green Party yabonye imyanya ibiri na PS Imberakuri nayo yabonye imyanya ibiri.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...