AMAKURU

UKWEZI

Abadepite basohoye umukozi w’akarere ka Nyagatare azira ikinyabupfura gike

Abadepite basohoye umukozi w’akarere ka Nyagatare azira ikinyabupfura gike
11-06-2018 saa 18:00' | By Akayezu Jean de Dieu | Yasomwe n'abantu 10988 | Ibitekerezo 6

Ku gicamunsi cyo kuri uyu wa Mbere tariki 11 Kamena 2018, Abagize Komisiyo y’Abadepite ishinzwe kugenzura imikoreshereze y’umutungo wa Leta basohoye mu cyumba cy’Inama, Umukozi w’akarere ka Nyagatare ufite mu nshingano ‘Ubugenzuzi bw’imikoreshereze y’imari muri aka karere , Mwumvaneza Emmanuel nyuma yo kugaragaza agasuzuguro mu bisubizo yahaga abagize iyi komisiyo.

Abayobozi b’akarere ka Nyagatare n’abagize Inama Njyanama bari bitabye PAC, kugira ngo batanga ibisobanuro kuri bimwe mu bikubiye muri raporo y’umugenzuzi w’Imari ya Leta banatange ubusobanuro imbere y’abagize iyi komisiyo mu rwego rwo gusobanura neza ibikubiye muri iyi raporo.

Ubwo ibiganiro byari bigeze hagati uyu mukozi yaje gusubizanya ikinyabupfura gike bituma asohorwa mu cyumba cy’inama ndetse abasigaye hagati y’abagize itsinda ry’abayobozi baturutse muri aka karere ka Nyagatare n’abahagarariye PAC bakomeza ibiganiro.

Intandaro yo gusohora uyu muyobozi ubwo ibiganiro mu Nteko Ishinga Amategeko byari bigeze hagati ni impaka zaje nyuma y’uko uyu Mwumvaneza n’abandi bakozi b’akarerere ka Nyagatare baje gusa n’abitana ba mwana ku kibazo cy’amafaranga miliyoni 194 (194,000,0000Frw), zahawe ishyirahamwe Duterimbere ngo nayo izihe abatishoboye mu buryo bw’inguzanyo.

Aya mafaranga ngo yatanzwe muri 2007, ariko abayobozi b’Akarere bayamenye mu minsi mike ishize ubwo biteguraga kwitaba PAC.

Mwumvaneza , ari nawe mugenzuzi w’imari muri aka karere yabajijwe iby’aya mafaranga avuga ko nta makuru afiteho anavuga ko amasezerano (Contract) yayabonye ejobundi muri raporo gusa. Yavuze kandi ko ari ibya kera muri 2007, ariyo mpamvu aba atazi iyo byaturutse kandi ngo dosiye baramutse bayibonye bayikurikirana.
Aha, Mwumvaneza Emmanuel yarimo asohoka mu cyumba cy’inama, mu Nteko Ishinga Amategeko/Ifoto:Umuseke

Ikinyamakuru Umuseke cyavuze ko Depite Niyonsenga yahise amubaza impamvu avuga ko babonye dosiye bayikurikirana kandi barayibahaye, ari nabwo uyu muyobozi (Mwumvaneza Emmanuel), yahise amusubiza n’ikinyabupfura gike ati “Ntayo dufite, iyo sinzi niba bayifite sindi umu-Auditeur”

Depite Nkusi yahise amusohora abaza abasigaye niba uburyo burumo agasuzuguro aribwo basubizamo bati “Oya”. Yahise anenga abayobozi ba Nyagatare kubw’ubushake buke kuri iki kibazo cya miliyoni Magana abiri z’Akarere zitagaragazwa aho zarengeye, anangenga uburyo umwe muri bo asubije babajijwe iby’ayo mafaranga.

Abayobozi b’akarere ka Nyagatare bari kumwe n’abagize Inama Njyanama bijeje Abadepite ko uyu mukozi bagiye kumukukirana bakamenya ibye ariko bavuga ko iyi myitwarire batari basanzwe bayimuziho ndetse bahavuye bijeje gukurikirana aya mafaranga akaboneka.


INKURU ZA :
Tanga Igitekerezo
Ibitekerezo 6
Seba Kuya 12-06-2018

Iyi PAC yitonde, itazakoreshwa amakosa, nabahiga abandi, kuko akenshi uri gusanga yibasira abatoya ibahata ibibazo ababakoresha bigaramiye arinabo aba babakoresheje nabi cg ugasanga abo badakorera ibyo bashaka babayobora aribo babibegekaho cg abatakiri mu myanya yabo bakomeje guhigwa anababkuye muri sisteme ngo bakomeze kuberekako arabagabo!!!! PAC ishishoze cyane, kuki itajya kubaza abayobozi aho bahangana kugeza umwe arushije undi ingufu akamweguza??? Ahaaaaaa dufite ingero doraho twibereye

Nzuri Kuya 12-06-2018

Ariko ibibera mu Rwanda ni agahomamunwa!
Abadepite babaye abacamanza ryari koko
Banane Republic!

SESENGURA Kuya 12-06-2018

Njyewe ndumva uyu muntu ashobora kuba arengana!
1. Ashobora kuba yaratangiye akazi nyuma yuwo mwaka yo mafranga yatanzwemo!
2. Bashobora kuba baramubajije icyo kibazo ari nabwo bamweretse iyo dosiye ako kanya! yari gusibiza iki ! kandi buriya ntabwo yahise abasubiza nabi ntaho byahereye nuko umunyamakuru atatubwiye byose uko byagenze!

Gusa ntitwamushyigikira kuko yakoresheje imvugo itari nziza ariko na none ntabwo yapfuye kuvuga nabi ntaho biturutse!!!!

bimawuwa Kuya 12-06-2018

nimyambarire ye ntabwo yari ikwiranye ni nama yarimo byonyine sinzi nuburyo bamwemereye kwinjira mu nama kuva mbere.

alfa Kuya 11-06-2018

Gusuzugura umudepite uri mu kazi uba usuzuguye uwamutumye (UMUNYARWANDA) ikiruta yakwegura (zwa) tour du Rwanda hafi.

xxxxx Kuya 11-06-2018

Ko mbona atashubije nabi. Ibintu bya 2007 ashobora kuba yari ataratangira akazi yari akiri mu ishuri. Imyaka 11 ubwo byabazwa abayasinyiye icyo gihe. Murakoze

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...