AMAKURU

UKWEZI
ubumwe

‘Abagiye muri Nyungwe guhungabanya umutekano barakosowe’ Minisitiri Busingye

‘Abagiye muri Nyungwe guhungabanya umutekano barakosowe’ Minisitiri Busingye
27-07-2019 saa 18:46' | By Nsanzimana Ernest | Yasomwe n'abantu 5327 | Ibitekerezo 2

Minisitiri w’ Ubutabera akaba n’ intumwa Nkuru ya Leta Johnston Busingye yabwiye yavuze ko ikibazo cy’ inyeshyamba zashatse guhungabanya umutekano w’ u Rwanda, u Rwanda rwakirangije yizeza Abanyarwanda ko ntawe ushobora guhungabanya umutekano w’ u Rwanda ngo abigereho aho yaturuka hose.

Yabitangarije mu karere ka Nyaruguru kuri uyu wa 27 Nyakanga 2019, nyuma yo kwifatanya n’ abaturage b’ aka karere mu muganda rusange.

Yagize ati “Ejobundi rero mwumvise ko hari abantu babuze icyo gukora, bakagerageza kujya muri Nyungwe guhungabanya umutekano w’ igihugu cyacu. Babuze icyo gukora nk’ uko waba uri aho gusa wabuze amafaranga y’ urwagwa ukavuga uti reka ntangire ndwane. Ntabwo ari uko nguko bigenda. Babigenje nabi barakosorwa nyine, ababishinzwe barabakosora, umutekano wanyu ntacyo wabaye ntacyo wahungabanyeho”.

Majoro Callixte Sankara wigambaga ibitero byo muri Nyungwe byakorwaga n’ umutwe w’ inyeshyamba za FLN yatawe muri yombi. Kuva yatwabwa muri yombi nta gitero kirongera kugabwa mu Rwanda. Uyu mugabo ubusanzwe witwa Nsabimana Callixte tariki 23 Gicurasi 2019 yemeye ibyaha byose aregwa anabisabira imbabazi.

Minisitiri Busingye yabwiye abaturage ba Nyaruguru ko bagomba kwigira mu makoperative bagakora imirimo ibateza imbere kuko umutekano ucunzwe neza.

Ati “Uvuga ngo ashaka guhungabanya umutekano yaturuka mu kirere, yaturuka mu ishyamba, yaturuka mu mazi, yaturuka munsi y’ ubutaka azamuka, ntabwo bizakunda. Murye muryame, musinzire”.


Minisitiri Busingye Johnston yifatanyije n’ abaturage ba Nyaruguru mu muganda wo gusiziriza no kubakira babiri badafite aho kuba

Uyu muganda ubaye mu gihe muri Repubulika ya Demukarasi ya Kongo hakomeje kugaragara icyorezo cya Ebola. Minisitiri Businye na Meya wa Nyaruguru Habitegeko Francois babwiye Abanyarwanda ko bagomba kwirinda kujya ahari icyo cyorezo kugira ngo badakururira u Rwanda akaga.

Meya Habitegeko ati “Ebola, ubutumwa twabaha uyu munsi, ni ukwirinda kujya ahavugwa icyo cyorezo. Ntawe ukwiye kujyayo nta mpamvu ifatika. Kugeza ubu tuyumva muri Kongo ariko birashoboka ko hari uwajyayo akaba yazana ako kaga”.

Habitegeko yabwiye Abanyarwanda ko Leta y’ u Rwanda yashyizeho ingamba zo gukumira Ebola bityo ngo ntawe ukwiye kwifuza kuba nyirabayazana w’ ako kaga.

Mukamugema wo mu murenge wa Ruramba aho uyu muganda rusange wabereye yabwiye UKWEZI ko ikibazo cy’ umutekano muke cyakemutse gusa ngo cyari kibahangayikishije.

Yagize ati “Turashimira ubuyobozi bwacu ko ikibazo cy’ umutekano wo muri Nyungwe bagikemuye kuko icyo gihe twari duhangayitse ariko byarakemutse.”

Mukamugema abajije kurwara ya Ebola yagize ati “Ebola ntayo nzi, kereka niba ari yarwara y’ ibiheri bita shishikara”.

Muri uyu muganda abaturage, abasenateri ndetse na Minisitiri Busingye basijije ikibanza cyo kubakiramo inzu Mukarukundo Feblonie wari umaze imyaka 7 acumbitse ku nshuti ye.


Mukarukundo Febronie watangiye kubakirwa inzu avuga ko izamufasha kwiteza imbere

Mukarukundo yabwiye itangazamakuru ko ashimishijwe no kuba agiye kubakirwa avuga ko namara kubakirwa akabona aho kuba adacumbitse bizamufasha kwiteza imbere.

Uyu muganda wasijije ibibanza bibiri unasiga hatangiwe kuzamurwa amazu abiri y’ abaturage babiri barimo na Mukarukundo batari bafite aho kuba. Uretse izi nzu zatangiye kubakwa kandi hanubatswe uturima tw’ igikoni mu rwego rwo guhangana n’ ikibazo cy’ imirire mibi.


INKURU ZA :
Tanga Igitekerezo
Ibitekerezo 2
SEMWEMA Kuya 31-07-2019

Kariya karere gakurwemo ubuyobozi bubi bwimakajwe na kaboneka na munyakazi, nyuma businge azanemo impinduka kave mwidindira ryubukene numutekano mukeya!! Hari ubuyobozi buzi akarimi no gutanga ruswa, doreko badatinya nokwinjira mubanyamakuru ngo bahahore batangaza ibinyomka ubundi ubuyobozi bwaho bukjomeze bwisahurire butoteza bunanonesha, mubyitondemo kuko birazwiko hari abanyamakuru baherutse guherezwa twa envelope vubaha

Manweri nsengiyumva Kuya 30-07-2019

muzehe arashoboye

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...