konka coffee
KONKA

AMAKURU

UKWEZI

Abanyarwanda baba mu Bwongereza bibutse Jenoside yakorewe Abatutsi

Abanyarwanda baba mu Bwongereza bibutse Jenoside yakorewe Abatutsi
5-05-2018 saa 18:34' | By Akayezu Jean de Dieu | Yasomwe n'abantu 1303 | Ibitekerezo

Kuri uyu wa Gatandatu tariki 5 Gicurasi 2018, Abanyarwanda baba mu Bwongereza n’inshuti zabo bahuriye mu Mujyi wa Birmingham mu gikorwa cyo kwibuka ku nshuro ya 24 inzirakarengane zazize Jenoside yakorewe Abatusti muri Mata 1994.

Uyu muhango wo kwibuka Jenoside yakorewe Abatutsi wari witabiriwe na Hon Andrew Mitchell wabaye imyaka myinshi mu Nteko Ishinga Amategeko y’Ubwongereza aho yari umudepite kuva muri za 2001.

Madamu Immaculée Hedden, warokotse Jenoside yakorewe yatanze ubuhamya bw’inzira y’umusaraba yanyuzemo mu bihe bya Jenoside avuga ko yumvaga uko byagenda kose azihorera ariko ariko ngo nyuma yaje gusanga kubabarira aribyo byamuha kwiyakira no kubaho

Mu butumwa bwe Hon Andrew Mitchell yavuze ko nk’igihugu cy’Ubwongereza bafite inshingano z’uko abantu batanu bari muri iki gihugu bakekwaho uruhare muri Jenoside yakorewe Abatutsi bazahabwa ubutabera. Yanavuze ko yicuza kuba aba bantu batanu batarashyikirizwa u Rwanda ngo baburanishwe ku byaha bya Jenoside bakekwaho ko basize bakoze mu Rwanda

Uhagarariye ihuriro ry’Abanyarwanda baba mu Bwongereza, Gashema Eric yavuze ko isomo rikomeye ryo kwigira ku gihugu cy’u Rwanda ari uko icyizere kagaruwe no komorana ndetse n’ubwiyunge hagati y’abanyarwanda ubwabo.

Inteko Rusange y’Umuryango w’Abibumbye yateranye kuwa 23 Mutarama 2018, niyo yemeje mu myanzuro yafashe ko buri tariki 7 Mata z’umwaka ari Umunsi Mpuzamahanga wo Kuzirikana kuri Jenoside yakorewe Abatusti mu 1994 mu Rwanda, ni mu gihe mbere uyu munsi wari umunsi mpuzamahanga wo kuzirikana kuri Jenoside yo mu 1994 mu Rwanda yari yarafatiwe mu myanzuro yo kuwa 23 Ukuboza 2003 ikabaza gutangira gukoreshwa muri 2004. Gashema Eric uhagarariye ihuriro ry’Abanyarwanda bari i Barmingham mu Bwongereza

Madamu Immaculée Hedden ngo yasanze kubabarira aribyo bizamuhesha amahoro n’ubuzima
Hon Andrew Mitchell yifatanyije n’abanyarwanda bo muri kiriya gihugu kwibuka abazize Jenoside yakorewe Abatusti muri Mata 1994


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...