konka coffee
KONKA

AMAKURU

UKWEZI
ubumwe

Abanyarwanda barenga 840 ngo nibo bamaze kubangamirwa na Uganda yavuze ko nta n’umwe

Abanyarwanda barenga 840 ngo nibo bamaze kubangamirwa na Uganda yavuze ko nta n’umwe
1-03-2019 saa 15:48' | By Nsanzimana Ernest | Yasomwe n'abantu 2118 | Ibitekerezo

Leta ya Uganda yatangaje ko nta mugambi wo guhiga Abanyarwanda ifite ndetse ko nta Munyarwanda ifite muri kasho, u Rwanda ruhita ruyigaragariza imibare y’ Abanyarwanda bamaze imaze gufunga n’ abo yirukanye ku butaka bwayo.

Umwaka urenga urashize, umubano w’ u Rwanda na Uganda ujemo agatotsi katurutse ku mpamvu itaramenyekana.

Ejo ku wa Kane, Leta ya Uganda yatangaje ko u Rwanda rwahagaritse urujya n’ uruza hagati y’ ibihugu byombi u Rwanda rubitera utwatsi, rugaragaza ko impamvu amakamyo manini aturuka muri Uganda yabujijwe kwinjira mu Rwanda anyuze ku mupaka wa Gatuna ari uko kuri uyu mupaka hari gukorerwa imirimo y’ ubwubatsi.

Kuri uyu wa Gatanu, tariki 1 Werurwe, Umuvugizi wa Guverinoma ya Uganda Ofwono Opondo, ubwo yasobanuriraga itangazamakuru ibijyanye n’ impinduka zabaye ku ikoreshwa ry’ umupaka uhuza u Rwanda na Uganda, nibwo yakomoje ku mibanire y’ ibihugu byombi avuga ko Uganda nta Munyarwanda ibangamira.

Yagize ati “Uganda ntabwo iri guhiga Abanyarwanda. Nta Munyarwanda ufitwe na Uganda ku mpamvu iyo ariyo yose. Turashaka guha u Rwanda ubutumwa busobanutse, nta Munyarwanda Uganda iri gutoteza nta n’ uwo ifite muri kasho”

Amb. Olivier Nduhungirehe , Umunyamabanga wa Leta muri Minisiteri y’ ububanyi n’ amahanga ushinzwe akarere k’ Afurika y’ Iburasirazuba yamaganye aya makuru agaragaza imibare y’ Abanyarwanda bamaze kugangamirwa na Uganda.

Yagize ati “Aya makuru, hashingiwe ku bimenyetso bifatika si ukuri. Kuva 2018, Abanyarwanda barenga 40 bamaze gufatwa n’ urwego rw’ ubutasi rwa Uganda CMI rukabashyira ahantu habangamiye ubuzima bwabo, abandi Banyarwanda barenga 800 barirukanywe cyangwa bangirwa kwinjira muri Uganda”

Mu ntangiriro za 2018, umubano w’ u Rwanda na Uganda warajemo agatotsi, ba Minisitiri b’ Ububanyi n’ Amahanga b’ ibihugu byombi bagiranye ibiganiro bigamije gushakira umuti iki kibazo, ntibyatanga umusaruro, n’ abakuru b’ ibihugu byombi barahura bagirana ibiganiro ariko kugeza ubu nta kirahinduka.

Uganda ikeka ko mu Banyarwanda bayibamo cyangwa abajyayo harimo ba maneko b’ u Rwanda naho ku ruhande rw’u Rwanda Perezida Kagame aherutse kubwira ikinyamakuru The eastafrican ko Uganda yahisemo kumva amabwire y’ abatavugarumwe n’ u Rwanda bayishaho ubufasha.


Amb. Olivier Nduhungirehe, abinyujije kuri Twitter yavuze ko Abanyarwanda barenga 840 bamaze kubangamirwa na Uganda, nyamarayo yatangaje ko nta n’ umwe


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...