AMAKURU

UKWEZI
Canal+ christmax

Abanyarwanda barifuza ubutabera mu bibazo bahura na byo- P.Kagame abwira Minisitiri mushya w’Ubutabera

Abanyarwanda barifuza ubutabera mu bibazo bahura na byo- P.Kagame abwira Minisitiri mushya w’Ubutabera
22-09-2021 saa 14:58' | By Martin | Yasomwe n'abantu 663 | Ibitekerezo

Perezida Paul Kagame uyu munsi wakiriye indahiro za Minisitiri mushya w’Ubutabera akaba n’Intumwa Nkuru ya Leta y’u Rwanda, Dr Emmanuel Ugirashebuja, yamwibukije ko Abanyarwanda bifuza guhabwa ubutabera buboneye mu bibazo bimwe na bimwe bahura na byo.

Umukuru w’u Rwanda Paul Kagame yabivuze nyuma yo kuyobora no kwakira indahiro za Dr Ugirashebuja Emmanuel warahiriye kuba Minisitiri w’Ubutabera n’Intumwa Nkuru ya Leta y’u Rwanda.

Perezida Paul Kagame yibukije abagize Guverinoma n’uyu mushya uyinjiyemo ko Abanyarwanda babatezeho byinshi no ku nzego zose z’ubuyobozi mu nzego zinyuranye.

Ati “Mu by’ubutabera birumvikana ko bifuza ko bagira ubutabera mu bibazo bimwe na bimwe bahura na byo, ndibwira ko ntagishya, ntakidasanzwe birumvikana ngira ngo Ugirashebuja aje mu kazi yari asanzwe afitemo uruhare.”

Perezida Kagame kandi yaboneyeho gushimira Dr Ugirashebuja wemeye izi nshingano zikomeye kandi ko ntagushidikanya ko azazuza bitewe n’imirimo yakoze.

Ati “Imirimo ashinzwe n’abo bagiye kuyifatanya, na bo bose buri umwe afite ubushobozi, imyumvire bw’iyo nshingano n’uburemere bw’ubutabera twifuza gukomeza kubaka.”

Dr Ugirashebuja Emmanuel usimbuye Johnston Busingye wari umaze imyaka umunani ari Minisitiri w’Ubutabera, yigeze kuba Perezida w’Urukiko rw’Umuryango wa Africa y’Iburasirazuba.

Ugirashebuja ufite impamyabumenyi y’Ikirenga [PhD] mu bijyanye n’amategeko yakuye muri University of Edinburgh yo muri Scotland mu Bwongereza.

Yanabaye Umuyobozi w’ishami ry’amategeko muri Kaminuza y’u Rwanda, mu mwaka wa 2014 yagizwe Perezida w’Urukiko rw’Umuryango wa Africa y’Iburasirazuba.

UKWEZI.RW


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA