konka coffee
KONKA

AMAKURU

UKWEZI

Abayobozi bakuru 10 bakuwe ku myanya na Perezida Paul Kagame

Abayobozi bakuru 10 bakuwe ku myanya na Perezida Paul Kagame
19-10-2018 saa 10:14' | By Chief Editor | Yasomwe n'abantu 14166 | Ibitekerezo 4

Kuri uyu wa Kane tariki 18 Ukwakira 2018, nibwo Perezida Kagame yakoze amavugurura mu bagize Guverinoma ndetse n’indi myanya mu nzego nkuru z’igihugu. Abayobozi bakuru bagera kuri 10 nibo bakuwe ku myanya yabo y’ubuyobozi ntibanahabwe indi mirimo mishya.

Ashingiye ku biteganywa n’Itegeko Nshinga rya Repubulika y’u Rwanda ryo mu 2003 ryavuguruwe muri 2015, cyane cyane mu ngingo yaryo ya 116, kuri uyu wa Kane tariki 18 Ukwakira 2018, Perezida wa Repubulika yavuguruye Goverinoma anashyira abandi bayobozi batandukanye mu myanya y’ubuyobozi. Muri iyi nkuru turagaruka ku bakuwe ku myanya bari barimo ntibahite bahabwa indi myanya.

1. Kaboneka Francis

JPEG - 25.1 kb

Francis Kaboneka ni umunyapolitiki wagiye akora imirimo itandukanye muri Guverinoma y’u Rwanda, ubu akaba yari Minisitiri w’Ubutegetsi bw’Igihugu, umwanya yasimbuweho na Prof. SHYAKA Anastase wari usanzwe ayobora Urwego rw’Igihugu rw’Imiyoborere (RGB).

Kaboneka yatangiye kugaragara cyane muri Politiki muri 2003 ubwo yari Umunyamabanga Nshingwabikorwa w’Inama y’Igihugu y’Urubyiruko. Kuva muri uwo mwaka yinjiye mu Nteko Ishinga amategeko y’u Rwanda nk’umudepite kugeza muri 2014 ubwo yagirwaga Minisitiri w’Ubutegetsi bw’igihugu, umwanya yari amazeho imyaka 4.

2. Uwacu Julienne

JPEG - 276.4 kb

Uwacu Julienne yari asanzwe ari Minisitiri w’Umuco na Siporo, ariko yakuwe kuri uyu mwanya asimburwa na NYIRASAFALI Esperance wari usanzwe ari Minisitiri w’Uburinganire n’Iterambere ry’Umuryango. Uwacu Julienne yagiye kuri uyu mwanya tariki 24 Gashyantare 2015 asimbuye Joseph Habineza. Ubu Uwacu Julienne yari amaze imyaka irenga 3 ari Minisitiri, ariko mbere yo kujya kuri uyu mwanya yari umudepite mu Nteko Ishinga amategeko y’u Rwanda umwanya yari yaratorewe muri 2008.

3. Munyeshyaka Vincent

JPEG - 255 kb

MUNYESHYAKA Vincent wari Minisitiri w’Ubucuruzi n‘Inganda yasimbuwe kuri uyu mwanya na HAKIZUMUREMYI Soraya. Munyeshyaka Vincent nawe utari umaze igihe kirekire ayobora iyi Minisiteri, nta wundi mwanya yahawe. Yari yaragiye kuri uyu mwanya tariki 31 Kanama 2017, mbere yaho akaba yari Umunyamabanga wa Leta muri Minisiteri y’Ubutegetsi bw’igihugu.

4. Jean de Dieu Rurangirwa

JPEG - 157.5 kb

Jean de Dieu Rurangirwa yari amaze igihe kitari kinini agizwe Minisitiri w’Ikoranabuhanga n’Itumanaho, umwanya yagiyeho mu kwezi k’Ukuboza 2017 asimbuye Jean Philbert Nsengimana, bivuga ko nta n’umwaka yari awumazeho. Rurangirwa yasimbuwe kuri uyu mwanya na INGABIRE Paula, ndetse na Minisiteri ihindurirwa izina yitwa Minisiteri y’Ikoranabuhanga mu Itumanaho na Inovasiyo/ Ministry of ICT and Innovation.

5. Debonheur Jeanne d’Arc

JPEG - 138.7 kb

Debonheur Jeanne d’Arc yari asanzwe ari Minisitiri ushinzwe impunzi n’Imicungire y‘Ibiza, umwanya yagiyeho tariki 31 Kanama 2017. Minisiteri yayoboraga yahinduriwe izina yitwa Minisiteri ishinzwe Ibikorwa by’Ubutabazi/Ministry in charge of Emergency Management ihita inahabwa KAMAYIRESE Germaine wari usanzwe ari Umunyamabanga wa Leta muri Minisiteri y’Ibikorwaremezo ushinzwe Ingufu n’Amazi.

6. Tumushime Francine

JPEG - 54.6 kb

Tumushime Francine yari asanzwe ari Minisitiri w’Ubutaka n’Amashyamba, iyi Minisiteri ubwayo ikaba yari nshya kuko yagiyeho tariki 31 Kanama 2017 ari nabwo yahitaga ayibera Minisitiri, ubu akaba yakuwe kuri uyu mwanya ndetse na Minisiteri yayoboraga ntigaragara ku rutonde rwa Minisiteri nshya ziri muri Guverinoma y’u Rwanda.

7. Mureshyankwano Marie Rose

JPEG - 131 kb

Mureshyankwano Marie Rose wari usanzwe ari Guverineri w’Intara y’Amajyepfo, yakuwe kuri uyu mwanya asimburwa na CG Emmanuel Gasana wari usanzwe ari umuyobozi mukuru wa Polisi y’u Rwanda. Mureshyankwano yari yaragiye kuri uyu mwanya tariki 4 Ukwakira 2016, bivuga ko yari awumazeho imyaka ibiri. Mbere yaho yari umudepite mu Nteko Ishinga amategeko y’u Rwanda.

8. Rwamukwaya Olivier

JPEG - 78.6 kb

RWAMUKWAYA Olivier yari asanzwe ari Umunyamabanga wa Leta muri Minisiteri y’Uburezi ushinzwe Amashuri y’Imyuga n’Ubumenyingiro, gusa uyu mwanya ntugaragara ku rutonde rw’Abanyamabanga ba Leta dore ko basanzwe ari 11 none impinduka zasize babaye 7 gusa.

9. Harelimana Cyriaque

JPEG - 66.5 kb

HARELIMANA Cyriaque yari asanzwe Umunyamabanga wa Leta muri Minisiteri y’Ubutegetsi bw’Igihugu ushinzwe Iterambere ry’Abaturage, ariko igabanuka ry’Abanyamabanga ba Leta muri za Minisiteri nawe ntiryamusize kuko uyu mwanya utakigaragaramo.

10. Nsengiyumva Fulgence

JPEG - 84.4 kb

NSENGIYUMVA Fulgence yari asanzwe ari Umunyamabanga wa Leta muri Minisiteri y’Ubuhinzi n’Ubworozi ushinzwe Ubuhinzi, nawe akaba atahiriwe n’igabanuka ry’Abanyamabanga ba Leta kuko uyu mwanya nawe utakigaragara.


INKURU ZA :
Tanga Igitekerezo
Ibitekerezo 4
Uwimana Kuya 3-11-2018

Ibyo nibyo mushikiwabo arashoboyepeee

Uwimana Kuya 3-11-2018

Ibyo nibyo mushikiwabo arashoboyepeee

mugabo john Kuya 29-10-2018

nashimishijwe na MICO EMMANUEL IYO MINISTERE URAYISHOBOYE RWOSE TWEBWE ABARIMU TURABIHAMYA, NKUNDA KO UTAROBANURA KU BUTONI CYANGWA NGO WINUBIRE AKAZI UKORA. IMANA IKOMEZE IKUTURINDIRE UKORA NEZA NTAWE USIGANYA. ABARIMU TUKUIFURIJE IMIGISHA YOSE IVA KURI NYAGASANI. UZAGYERE KURE KKO HIS EXCELLENCE AZI GUSHISHOZA.

gqg Kuya 20-10-2018

Ariko se ubu nka NSENGIYUMVA Fulgence buriya ntabari bumushakire undi mwanya kweri . Kuko kuva aho agereye muri iriya MINISTERI nk’ushinzwe ubuhinzi, ibintu byari bitangiye kujya muburyo. Inzara yari itangiye gucika. Ngibyo ibitoki, ibigori, ibijumba byo sinakubwira, imyumbati ifu ubu turayigura 150, ahubwo twabuze aho tuyishyira. IBIGORI INGEMERI NI 100Frw , imbuto y’ibirayi ntitukijya UGANDA, kuburyo mu mezi make ibirayi birongera bimanuke. Kabisa uyu mugabo mbona ari umukozi. Kuvugurura organigramme ya MINAGRI .......

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...