AMAKURU

UKWEZI

Amashusho utabonye ya Diane Rwigara n’umubyeyi we, urukiko rumaze kubagira abere

Amashusho utabonye ya Diane Rwigara n’umubyeyi we, urukiko rumaze kubagira abere
6-12-2018 saa 22:01' | By Muhizi Olivier | Yasomwe n'abantu 9330 | Ibitekerezo 3

Kuri uyu wa Kane tariki 6 Ukuboza 2018, Urukiko Rukuru mu Rwanda rwasomye imyanzuro y’urubanza rwaregwagamo Mukangemanyi Adeline Rwigara, umukobwa we Diane Rwigara n’abandi batandukanye biganjemo abo mu miryango yabo bari hanze y’u Rwanda.

Muri macye, ibyishimo bagaragaje n’ibyo bagaragarijwe bikaba byari agahebuzo nk’uko bigaragara mu mashusho.

Ibyishimo byari byose nyuma y’imyanzuro y’urubanza

Abandi bareganwaga hamwe na Diane Rwigara na nyina Mukangemanyi Adeline Rwigara, ni Mugenzi Thabita Gwiza, Mukangarambe Xaverine, Mushayija Edmond bakunda kwita Sacyanwa na Jean Paul Turayishimiye, aba bose bari hanze y’u Rwanda bakaba bashinjwa ibyaha byo kugambirira guteza imvururu cyangwa imidugararo muri rubanda. Iki cyaha cyashinjwaga Mukangemanyi Adeline Rwigara.

Ibyo Mukangemanyi Adeline Rwigara yaganiraga n’abantu kuri Whatsapp, Urukiko rwahamije ko bitagize icyaha kuko baganiraga hagati yabo nk’abantu batakoze icyaha cyo guteza imvururu cyangwa imidugararo muri rubanda.

Diane Rwigara we yari amaze igihe akurikiranyweho icyaha cyo gucura no gukoresha impapuro mpimbano ndetse n’ibijyanye no gushaka guteza imvururu muri rubanda. Ibyo Diane Rwigara yabwiye abanyamakuru mu kiganiro bagiranye akavugamo ibintu bitandukanye birimo kuba hari akarengane kagaragara mu kwimura abantu ku nyungu rusange, aho yavuze ko ubukungu buri mu bantu bamwe no kuvuga ko hari abantu baburirwa irengero ubuyobozi ntibugire icyo bukora, ibyo ngo ntaho ubushinjacyaha bwagaragaje ko biteza imvururu cyangwa imidugararo muri rubanda.

Inshuti z’uyumuryango zakomeje kubaba inyuma kugeza ku munota wanyuma bahinduka abere .

Umucamanza kandi yavuze ko abo yabwiraga ari abanyamakuru b’umwuga yagaragarizaga ibitekerezo bye bityo ko ibyo nta cyaha yabikozemo kuko Itegeko Nshinga rimwemerera gutanga ibitekerezo.

Ku cyaha cyo guhimba no gukoresha impapuro mpimbano, umucamanza yagaragaje ko n’ubwo Ubushinjacyaha bwagaragaje ko hari abantu Diane Rwigara yatse imyirondoro nyuma bukanagaragaza ko imikono yabo yiganywe, ngo ntaho ibyo bigaragaza ko uwahimbye iyi mikono ari Diane Rwigara. Kuba ubushinjacyaha buvuga ko Diane Rwigara yashyikirije iyi mikono Komisiyo y’amatora abizi neza ko ari imihimbano, ngo ibimenyetso bitangwa n’Ubushinjacyaha ntabwo bihagije.

Ibyishimo byari byose hanze ,nyuma yo gusomerwa

Nyuma yo gusobanura neza ibyo abaregwa bashinjwa ndetse n’impamvu zitandukanye zituma bitabahama, umucamanza mu rukiko rukuru yanzuye ko bombi bahanagurwaho ibyaha byose baregwa.

Diane Rwigara n’abo mu muryango we barimo murumuna we Anne Diane n’umubyeyi wabo Adeline Rwigara batawe muri yombi na Polisi y’Igihugu ku mugoroba wo kuwa Gatandatu tariki 23 Nzeri 2017 bahita bafungirwa kuri sitasiyo ya Polisi ya Remera. Bakomeje gufungwa kugeza mu mezi macye ashize ubwo bafungurwaga bagakomeza kuburana badafunzi.

Abantu batandukanye bafataga amafoto y’urwibutso nyuma y’imyanzuro y’urukiko

Bibiriya n’ikimwe mu bikoresho Mukangemanyi yahoranaga igihe yabaga aje murukiko

REBA VIDEO UKO BYARI BYIFASHE HANO:


INKURU ZA :
Tanga Igitekerezo
Ibitekerezo 3
hesron Kuya 12-12-2018

Ririya Jambo ry’Imana uriya mugore Adeline agendana ntasoni afite riba rigaragaza ko azi Umuhatse.........nawe rero igihe cyose Umwemereye ko Aguhatse, Ahita Yiyerekana. Izina ry’Uwiteka rihabwe icyubahiro igihe cyose

Mahoro Kuya 10-12-2018

Ngo urukiko rwabagize abere, Harya abashinjachaha bari babakatiye imyaka 22, ubwo bari bataniye he n’abakoze genocide ko abenshi ariyo bakatiwe?
Harya uriya mukecuru ngo yaregwaga ivangura, yakoreye ba nde se? kuko yavuze ko ari umututsikazi, none se genocide yakorewe abatutsi ntiharimo abavandimwe be? ubwo ntari mu bayikorewe nubwo akiriho?
Ni akumiro !!!

abana Kuya 9-12-2018

Izi njiji zijye zimenya ko Umutware adatwarira inkota ubusa. Iyo tujya gutonda umurongo dutora ntabwo tuba tugiye guta igihe. Ntushobora kwigira kagarara ngo ni uko ukize! cyangwa ngo ni uko uri umuntu runaka. Ibyo abaturage bajye babisobanukirwa kuko Kagame nta gihe yabona cyo kujya gusobanura amanjwe abantu bamwe na bamwe bakora batsikamira uburenganzira bw’abakene n’abadashoboye kwivugira. Kagame twatoye azajya atuvugira kandi tumuri inyuma gushyigikira amaboko ye ngo atazamo ibinya.

Injiji zose zisutse hanze ngo zirakora Politiki zitanize. Ubonye na TWAGIRAMUNGU Fuwusitini wahoze ayobora STIR !!!!!!!!!!!!!. Mureke Umusaza KAGAME ayobore igihugu kuko azi aho akiganisha. Naho ibigambo byanyu nk’ibya Hitler w’Ubudage bizabajyana i kuzimu.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...