konka coffee
KONKA

AMAKURU

UKWEZI

Amagambo make ibikorwa byinshi; Intero ya FPR Inkotanyi ubwo yatangizaga ibikorwa byo kwiyamamaza

Amagambo make ibikorwa byinshi; Intero ya FPR Inkotanyi ubwo  yatangizaga  ibikorwa byo kwiyamamaza
13-08-2018 saa 21:11' | By Jerome Munyentwari | Yasomwe n'abantu 1933 | Ibitekerezo

Igikorwa cyo kwamamaza Abakandida-Depite 80 b’Umuryango FPR Inkotanyi cyatangiriye mu karere ka Rulindo kuri uyu wa 13 Kanama 2018, abaturage basabwe gutora neza, ariko nabo bizezwa ibikorwa biruta amagambo.

Mu ijambo rye, Umunyamabanga mukuru wa FPR-Inkotanyi bwana Francois Ngarambe, yijeje imbaga y’abaturage bari baje kumva imigabo n’imigambi y’umuryango FPR Inkotanyi ko nyuma yo gutora neza FPR izakomeza gusigasira ubukungu bushingiye ku ikoranabuhanga.

Ngarambe yabwiye imbaga y’abaturage yari yakoraniye ku kibuga cya Nyamyumba ko Chairman w’uyu muryango Paul Kagame ko yamutumye kubashimira uko bamutoye mu mwaka ushize kandi ko FPR Inkotanyi ifite ‘ubushobozi n’ubushake bwo kugeza Abanyarwanda aheza’.

Yabasobanuriye ko gutora FPR ari ukuzashyira igikumwe ahari igipfunsi, anashimangira ko ibyo bavuga bagomba kubishyira mu bikorwa .

Yagize ati “Mwe muzatore ku Gipfunsi, dukomeze ubufatanye buranga Abanyarwanda kandi natwe nka FPR-Inkotanyi tubijeje gukomeza ubukungu bw’igihugu bushingiye ku ikoranabuhanga”

Yakomeje agira ati “Prezida w’Umuryango yantumye ngo mbabwire ko ubu hakenewe amagambo make, ibikorwa byinshi."

Yabibukije ko nta muntu ushobora kugera kuri ibyo byose ari wenyine, bityo ubufatanye bw’abaturage bose bukaba bukenewe.

Bwana Francois Ngarambe yasabye ko inkoko igomba kuba ingoma ku munsi w’itariki y’amatora, maze bose nta n’umwe usigaye bagashyigikira uzabageza ku iterambere bifuza.

Umunyamabanga mukuru wa RPF-Inkotanyi yasabye ko muri iki gihe cyo kwamamaza gitangiye abantu bagomba kurangwa n’imyitwarire myiza, kugirango bitange ishusho ko n’umunsi w’amatora bizakorwa mu ituze ntawe ubangamiwe.

Abitabiriye ibikorwa byo kwamamamaza abakandida ba FPR- Inkotanyi bibukijwe ko kugirango FPR igeze Abanyarwanda aheza, buri wese ugejeje imyaka yo gutora agomba kwitabira amatora.

Minisitiri w’Umuco na Siporo, Uwacu Julienne, ukuriye ibikorwa byo kwamamaza yavuze ko ibikorwa FPR imaze kugeza ku baturage byivugira, atari muri Rulindo gusa hatangirijwe kwiyamamaza.

Ati “Politiki ya FPR Inkotanyi ni ukuvugurura cyangwa guhindura imibereho by’Abanyarwanda. Ibyo bikagerwaho buri Munyarwanda ntawe uhejwe kandi buri wese akumva ko abifitemo uruhare.”

Madamu Uwacu Juliene, yatangarije abaturage bo muri Rulindo ko hari icyuzi kizajya kibika toni ibihumbi 80 by’amazi kiri kubakwa, bityo ngo ikibazo cy’ibura ry’amazi mu buhinzi muri aka gace kikaba kigiye kuzaba amateka.

Muri iki gikorwa cyo kwamamaza kandi hagaragaye n’indi mitwe ya Politiki 6 irimo PDC, UDPR,PSR,PDI,PPC,PSP yose ishyigikiye Politiki y’umuryango FPR-Inkotanyi.

Abantu bari bemshi cyane kuri site FPR yiyamamarijeho i Rulindo

Umunyamabanga Mukuru wa FPR Inkotanyi, Francois Ngarambe

JPEG - 278.1 kb

Sheikh Musa Fasil Harerimana wa PDI yiyamamaje anyuze muri FPR Inkotanyi

JPEG - 314.5 kb

INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • munyemana Muli 2 Petero 3:13,Bible yigisha ko dutegereje "Ijuru rishya n’Isi Nshya".Abantu benshi beza,"bazasigara" kandi bature mu isi ya Paradizo iteka ryose.Naho ababi bose bazakurwa mu isi,bapfe burundu.Bisome muli Imigani 2:21,22 na Zaburi 37:29.Abandi beza bazajya mu Ijuru,nibo bazategeka Isi izaba Paradizo.Bisome muli Daniel 7:27 na Ibyahishuwe 5:10.Gehinomu,ni Igiheburayo "Ge Hinnom",bisobanura "Ikibaya cya Hinnom",cyabaga hafi n’i Yeruzalemu.Bahoraga batwikiramo imyanda n’intumbi z’abantu,bakaba ivu.YESU yavuze ko abanyabyaha bazajya muli Gehinomu,ashaka kuvuga ko "bazapfa burundu ntibongere kubaho".Byari ikigereranyo cy’icyo kibaya.Muli Abaroma 6:23,Bible ivuga ko igihano cy’icyaha ari "URUPFU" rwa burundu,nta kongera kubaho.Ntabwo ari Umuriro utazima.Bigenda gute iyo dupfuye?Ese tujya mu Ijuru?Nta hantu na hamwe Bible yigisha ko umuntu upfuye aba yitabye imana.Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa†.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza†.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka†,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

    ">Wakoze kutubwira Ijambo ry’Imana.Ariko reka nkosore bimwe mu byo wanditse.Ndasaba abasomyi (...)
  • IZINDI NKURU WASOMA
    Loading...