konka coffee
KONKA

AMAKURU

UKWEZI

Amahirwe adasanzwe ku banyarwanda bifuza gushora imari muri Singapore

Amahirwe adasanzwe ku banyarwanda bifuza gushora imari muri Singapore
15-06-2018 saa 07:15' | By Akayezu Jean de Dieu | Yasomwe n'abantu 817 | Ibitekerezo

Leta y’u Rwanda n’iya Singapore zashyize umukono ku masezerano y’ubufatanye mu guteza imbere no korohereza ishoramari aho abashoramari a hano mu Rwanda bagiye kujya bafatwa nk’abenegihugu muri Sengapore n’abanye Singapore baje gukorera ubucuruzi mu Rwanda bagahabwa anahirwe angana n’ahabwa aba hano mu Rwanda.

Kuri uyu wa Kane tariki 14 Kamena 2018, nibwo u Rwanda na Singapore basinye ku masezerano y’ubufatanye hagati y’ibihugu byombi, ku ruhande rw’u Rwanda Minisitiri w’Intebe , Dr Edouard Ngirente wayoboye uyu muhango naho Singapore ikaba yari ihagarariwe na Minisitiri w’Intebe wungirije ushinzwe Ubukungu, Tharman Shanmugaratnam

Mu masezerano yashyizweho umukono hagati y’ibihugu byombi harimo ajyanye n’ubufatanye mu by’ubwikorezi bwo mu kirere aho biteganyijwe ko Rwandair iratangira kugirira ingendo muri Singapore ndetse na kompanyi yo muri iki gihugu itwara abagenzi mu kirere ikaba yatangiye kujya iza mu Rwanda.

Hari kandi n’amasezerano ajyanye n’ubufatanye mu guteza imbere ishoramari no kurinda abashoramari hagati y’ibihugu byombi, aho biteganyijwe ko abashoramari bo muri Singapore bazajya bafatwa nk’abo mu Rwanda, kimwe n’uko abanyarwanda bazajya bajya gukorera ibikorwa byabo muri Singapore bazajya bahabwa amahirwe angana n’ay’abanyagihugu.

Minisitiri w’Ubucuruzi n’Inganda Vincent Munyeshyaka yavuze ko aya masezerano agamije ubufatanye hagati y’ibihugu byombi muguteza imbere ishoramari aho abanyarwanda bazajya bashora imari muri Singapore

Yagize ati “Twiyemeje ibihugu byombi ko uzaza gushora imari muri kimwe mu bihugu tuvuge wenda Singapore nibaza gushora imari hano mu Rwanda, tugomba kubafata nk’uko dufata abashoramari ba hano mu Rwanda”

Yakomeje avuga ko aya masezerano ateganya uburyo bwo gukemura ibibazo mu gihe habayeho kwimura ibikorwa rusange aho nk’urugero umunyarwanda ufite ibikorwa bye muri Singapore uzajya akenera kubyimura abijyana mu kindigihugu cyangwa bikumurwa na Leta azajya ahabwa ingurane nk’uko bisanzwe bigenda na hano mu Rwanda iyo Leta yimura abaturage igiye gushyiramo ibikorwa rusange nk’imihanda ikaba ingurane.

Minisitiri Munyeshyaka yanavuze kandi ko inyungu umushoramari ashobora gukura mu bikorwa bye yemerewe kuyijyana mu gihugu cye yose uko yakabaye nta yandi mananiza ashyizweho n’igihugu yashoyemo imari.

Minisiteri y’Ubucuruzi n’Inganda ivuga ko ibyo u Rwanda rwohereza mu gihugu cya Singapore birimo ikawa, icyayi ubuki n’ibindi bitandukanye, ikaba ivuga ko mu myaka ibiri ishize ibyoherezwa muri iki gihugu bimaze kwikuba kabiri bikaba kuri bingana na miliyoni 31 z’amadorali ya America.

Iyi Minisiteri ivuga kandi ko Singapore imaze kohereza mu Rwanda ibifite agaciro ka miliyoni 154 z’amadorali ya America ariko ngo hari abashoramari benshi bo muri iki gihugu bamaze kubenguka isoko ry’u Rwanda aho bakomeje kugenda bandikisha ibikorwa byabo muri RDB.

Tharman Shanmugaratnam, Minisitiri w’Intebe wungirije ushinzwe ubukungu muri Singapore yavuze ko ari iby’agaciro kuba u Rwanda ruhamije ubufatanye n’igihugu cyabo ashimangira ko bizazamura urwego rw’umubano w’ibihugu byombi ndetse hakaba hari n’inyungu zidasanzwe ku bashoramari b’impande zombi. Minisitiri w’Ubucuruzi n’Inganda, Vincent Munyeshyaka niwe washyize umukono kuri aya masezerano y’ubufatanta mu ishiramari hagati y’u Rwanda na Singapore


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...