AMAKURU

UKWEZI
ubumwe

Amazi mureke kuyaca amazi: WASAC isobanura iby’izamurwa ridasanzwe ry’igiciro cy’amazi

Amazi mureke kuyaca amazi: WASAC isobanura iby’izamurwa ridasanzwe ry’igiciro cy’amazi
13-05-2019 saa 18:54' | By Chief Editor | Yasomwe n'abantu 3718 | Ibitekerezo 7

Ubuyobozi bw’Ikigo ngenzuramikorere mu Rwanda (RURA), ubwa Minisiteri y’Ibikorwa Remezo ndetse n’ikigo cy’amazi n’isukura (WASAC), bashimangiye uburyo izamurwa ridasanzwe ry’igiciro cy’amazi mu Rwanda riherutse gukorwa, rifite ishingiro kandi ko hari impamvu nyinshi zashingiweho hazamurwa icyo giciro.

Kuri uyu wa Mbere tariki 13 Gicurasi 2019, ku cyicaro cya RURA habaye ikiganiro n’abanyamakuru cyahuje RURA, MININFRA na WASAC, aho abayobozi muri ibyo bigo basobanuye iby’izamurwa ry’igiciro cy’amazi rikomeje kuvugisha benshi.

Nk’uko RURA yabisobanuye, ngo ibiciro byazamuwe hashingiwe ku mpamvu zitandukanye zirimo kuba Leta ikeneye kubungabunga ibikorwa remezo by’amazi ndetse no kongera ingano yabyo kugirango amazi meza arusheho kugera kuri bose. Umuyobozi mukuru wa RURA yavuze ko ibiciro bihari uyu munsi umuturage aba yiyishyuriye angana na 26.2% naho Leta ikaba iba yamutangiye agera kuri 73.8%.

Mu zindi mpamvu zatumye igiciro cy’amazi kizamurwa, harimo nko kugendana n’agaciro k’ifaranga, kandi ngo ibiciro byagenwe harebwa cyane ku byiciro by’ubushobozi bw’abaturage aho uw’ubushobozi bucye yishyuzwa macye kuko ukoresha amazi menshi nko mu koza imodoka, kuhira ubusitani n’ibindi, biba bigaragaza urwego rw’ubushobozi bw’uwo muturage. Ibi ninabyo bituma ukoresha menshi bamubarira ku giciro cyo hejuru.

Aimé Muzola, Umuyobozi mukuru wa WASAC, avuga ko Abanyarwanda bakwiye kwiga kubungabunga amazi, kuko ngo abenshi basiga abakozi mu ngo bakibagirwa kuzajya bagenzura uko bakoresha amazi. Mu mvugo ye ati: "Hari abatabyitaho ugasanga amazi hari aho ameneka cyangwa akoreshwa nabi, amazi rwose mureke kuyaca amazi".

Abayobozi batandukanye basobanuriye abanyamakuru ko impamvu ibiciro by’amazi byahindutse zifite ishingiro

Ibiciro bishya bigaragaza ko ukoresha hagati ya litiro 1.000 na litiro 5.000 mu kwezi, yishyuzwa amafaranga 340 kuri meterokibe (litiro 1.000) ariko iki giciro hakiyongeraho n’umusoro ku nyongeragaciro ungana na 18%. Ukoresha hagati ya litiro 5.000 na litiro 20.000 yishyura amafaranga 720 kuri meterokibe ukongeraho na 18% y’umusoro, ukoresha hagati ya litiro 20.000 na litiro 50.000 ku kwezi we yishyura amafaranga 845 kuri meterolibe naho ukongeraho amafaranga y’umusoro ku nyongeragaciro ungana na 18%.


INKURU ZA :
Tanga Igitekerezo
Ibitekerezo 7
Mark Kuya 16-05-2019

njye mba hanze ariko usanga amazi twishyura 200$ kandi twayakoresheje bisanzwe nibigaragaza ko leta yurwanda hari amafaranga itangira abaturage kuko mwishyuye 100% wajya wishyura 100000 kigali

Nyiraneza jeanne Kuya 15-05-2019

Nyamara ibi bisobanuro ntibihwitse namba!!!leta c yarisanzwe itabungabunga iyo mikorere?!
Nyamara kera kabaye tuzisanga hari abantu bashinzwe kwigira leta imishinga mibi mu rwego rwo kwangisha leta abaturage,!!cg kudusubiza inyuma mu majyambere!!!
Nigute umuntu umwita ko aciriritse ukamuca ex:34000 bya mazi ku kwezi???!

Rura rwose barebe umuyobozi uguhagarariye muriyi minsi njye ndabona byamucanze!!!kuko na mtn yamunaniye!!arigushyirishamo abaturage,birababajeeeeeeeeeeewww

Bapt Kuya 15-05-2019

Nyamara ariya mazi arahenze cyane abashinzwe kuvugira abaguzi baturengera

Lisa Kuya 14-05-2019

Ntibyumvikana..niba bareba nyiri compteur ..abenshi ntibaba mumazu biyubakiye.nyirinzu ntazishyurira umupangayi amazi.kandi bizitirirwa nyirinzu byishyurwe nukodesha....ni ikibazo gikomeye.facture iri gukubagatatu kuri bamwe.

Jojo Kuya 14-05-2019

Ni uburenganzira bwabo kuzamura ibiciro,Ariko bateje umwanda mu baturage.Iki kintu Leta yacu icyigeho neza.None se niba bazamuye igiciro cy’amazi bashaka guhuza n’agaciro k’ifaranga uyu mwarimu utazamurwa neza ngo bigaragare azongera gukaraba?Murakomeza kuriza ibintu nyamara ntimuzamure imibereho ya mwarimu.Ndabizi Perezida areba kure ibi azagikemura ndamwizera.

moroti Kuya 14-05-2019

Birakabije rwose. ibyo bisobanuro byanyu ntibyumvikana. Mugabanye ibiciro byamazi n’umuriro. Mfite umuryango wabantu 8. Buri kwezi umuriro n’amaxi bintwara 70.000-90.000.
Bimaze iki se kuduha umuriro n’amazi muzi ko birenze ubushoboxi bw’abanyarwandak

uwayo Kuya 14-05-2019

gute mutujijisha ngo Leta ishyiramo inkunga kuyo twishyura irenga 70% mukongera mukagaragaza ko iduca imisoro ku mazi 18% ibyo mwebwe mwunva atari ikinyoma ese mwumva mubwira injiji bwoko ki?

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...