konka coffee
KONKA

AMAKURU

UKWEZI

Ba gitifu b’ imirenge bambuwe uburenganzira bwo guca iteka batabajije akarere

Ba gitifu b’ imirenge bambuwe uburenganzira bwo guca iteka batabajije akarere
11-01-2019 saa 20:49' | By Nsanzimana Ernest | Yasomwe n'abantu 3647 | Ibitekerezo

Minisiteri y’ Ubutegetsi bw’ Igihugu yandikiye abayobozi bose b’ uturere ibamenyesha ko ubuyobozi bw’ akarere aribwo buzajya bugenzura amatangazo-bwiriza bukemeza niba atangazwa.

Minaloc yibukije ko akarere ari rwo rwego rwegereye abaturage rufite ubuzimagatozi n’ inshingano yo kugenzura imikorere n’ imiyoborere y’ imirenge n’ utugari maze igira iti “Ndasaba ko amatangazo-bwiriza arebana n’ ibiri mu nshingano z’ inzego z’ ibanze akarere gakuriye azajya atangazwa amaze gusuzumwa no kwemezwa n’ ubuyobozi bw’ akarere”

Ibi bitangajwe nyuma y’ uko mu ntangiriro z’ uku kwezi Umurenge wa Bwishyura wo mu karere ka Karongi washyize ahagaragara itangazo rivuga ko nta mugore wemerewe kurenza saa kumi n’ ebyiri z’ umugoroba akiri mu kabari.

Umunyamabanga Nshingwabikorwa w’Umurenge wa Bwishyura, Uwimana Phanuel, avuga ko inama y’umutekano ku rwego rw’akarere atigeze ayitabira, ahubwo yohereje Umukozi Ushinzwe Imari n’Ubuyobozi, ari nawe wamuhaye amakuru. Aya makuru niyo yashingiweho handikwa iri tangazo ribuza abagore kutagorobereza mu tubari mu rwego rwo kubarindira umutekano no kubafasha kwita ku bana babo.

Nyuma y’ uko iri tangazo ritavuzweho rumwe n’ abaturage bavuga ko muri iki kinyejana umugore adakwiye gufatwa gutya, Umurenge wa Bwishyura wahise usohora irindi tangazo uvuga ko abagabo n’ abagore bose babujijwe kurenza saa kumi n’ ebyiri bari mu kabari.

Umukozi Ushinze Imari n’Ubuyobozi mu Murenge wa Bwishyura, Ntakirutimana Evode yemeza ko ibyari byanditse mu itangazo rya mbere byavugiwe mu nama.

Minisiteri y’ Ubutegetsi bw’ Igihugu yasabye ubuyobozi bw’ Intara n’ Umujyi wa Kigali gukurikirana iyubahirizwa ry’ ibisabwa.




INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...