AMAKURU

UKWEZI
RPF

Babiri mu bakandida bigenga nibo bemerewe by’agateganyo kwiyamamariza Ubudepite

Babiri mu bakandida bigenga nibo bemerewe by’agateganyo kwiyamamariza Ubudepite
30-07-2018 saa 18:54' | By Vincent Nsengiyumva | Yasomwe n'abantu 4040 | Ibitekerezo

Ku gicamunsi cyo kuri uyu wa mbere, Komisiyo y’Igihugu y’Amatora yasohoye urutonde rw’agateganyo rw’abakandida bemerewe kwiyamamaza mu matora y’abadepite, muri bo abigenga ni babiri barimo Mpayimana Philippe wiyamamarije kuyobora u Rwanda mu matora y’umukuru w’igihugu yabaye umwaka ushize.

Abari batanze ibyangombwa byabo bose hamwe ni 539 bakomoka mu mitwe ya politiki 5, abigenga 5 n’abashaka kwiyamamariza ibyiciro byihariye birimo n’abafite ubumuuga bagera kuri 221.

Uretse aba batatu mu bakandida bigenga batemerewe gukomeza, hari n’abandi bagera kuri 38 baturuka mu mitwe ya politike itandukanye batemerewe kubera impamvu zirimo kuba batarujuje ibisabwwa.

Perezida wa komisiyo y’amatora, Prof Kalisa Mbanda avuga ko bamaze kwiga amadosiye ya buri mukandida kugira ngo batoranyemo abemejwe nk’abakandida mu buryo bw’agateganyo.

Yagize ati “Hanyuma tugatanga iminsi 5 kugira ngo abatabyujuje babone uko bashaka ibyangobwa byo kuzuza dosiye zabo tukazabyakira guhera ejo kugera ku minsi itanu ku munsi wa gatandatu akaba aribwo tuzasohora liste ya burundu.”

Mu bakandida bigenga, hemejwe by’agateganyo abantu 2 ari bo Ntibanyendera Erisa Musalim na Mpayimana Philippe wari wiyamamaje umwaka ushize ku mwanya w’umukuru w’igihugu.

Mu mitwe ya politiki yatanze intonde zayo z’abazayihagararira mu matora y’Abadepite, nta n’umwe iyi Komisiyo yigeze yemerera urutonde rwose kuko nka PL yari yatanze 80 hemerwa 79, Umuryango RPF utanga 80 hemerwa 78, PSD itanga 65 hemerwa 64, PS Imberakuri itanga 54 hemerwa 31 mu gihe ishyaka riharanira demukarasi n’ibidukikije mu Rwanda ryatanze urutonde rw’abantu 34 hemerwa 30 gusa.

Mu byihariye birimo icyiciro cy’abagore gihagarararwa n’abadepite 24, abari bifuje guhatanira iyi myanya 179 hemejwe 177 , mu cyiciro cy’abafite ubumuga gihagararirwa n’umuntu umwe mu nteko, 10 nibo bifuje kwiyamamaza ariko bose baremerewe.

Mu cyiciro cy’urubyiruko gihagararirwa n’abantu 2 gusa mu nteko 32 nibo batanze kandidatire hemerwa by’agateganyo 27 mu gihe abandi 5 ibyangombwa byabo basanze bituzuye.

Biteganyijwe ko amatora y’Abadepite azaba ku wa 2 Nzeri ku banyarwanda baba muri Diaspora no ku wa 3 Nzeri 2018 ku baba imbere mu gihugu.

Perezida wa Komisiyo y’igihugu y’amatora prof Kalisa Mbanda


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...