konka coffee
KONKA

AMAKURU

UKWEZI

Diane Rwigara n’abo mu muryango we basubiye imbere y’urukiko

Diane Rwigara n’abo mu muryango we basubiye imbere y’urukiko
7-05-2018 saa 10:35' | By Akayezu Jean de Dieu | Yasomwe n'abantu 7865 | Ibitekerezo 1

Mu gitondo cyo kuri uyu wa Mbere tariki 7 Gicurasi 2018, nibwo abo mu muryango wa Rwigara barimo Diane Shima Rwigara n’umubyeyi we Mukangemanti Adeline Rwigara bari basubiye imbere y’urukiko gusa iburanisha ntiryabashije kuba kubw’imbogamizi zagaragajwe n’umwe mu bunganira abo muri uyu muryango.

Diane Rwigara yitabye urukiko ari kumwe n’umwunganizi we Me Buhuru Celestin mu gihe umubyeyi we Mukangemanyi Adeline Rwigara yari yunganiwe na Gatera Gashabana.

Ubwo iburanisha ryari rigiye gutangira, Me Gashabana wunganira Diane Rwigara yasabye urukiko ko rwakwimurirwa indi tariki kuko hari urubanza afite muri aya masaha mu Rukiko rw’Ikirenga, naho Me Buhuru we avuga ko kuba bahindura itariki nta kibazo abibonamo.

Ku ruhande rw’ubushinjacyaha, Ndibwami yavuze ko urukiko ari rwo ruzasuzuma icyifuzo cya Me Gashabana. Urukiko rwahise rufata umwanzuro wo gusubika urubanza rwimurirwa kuwa 22 Gicurasi 2018.

Abo muri uyu muryango uko ari batatu; Diane Shima Rwigara, murumuna we Anne Uwamahoro Rwigara ndetse na nyina ubabyara Mukangemanyi Adeline Rwigara, muri aba bose, Diane Rwigara wenyine akurikiranyweho icyaha cyo gukora no gukoresha inyandiko mpimbano ariko bose uko ari batatu bahurira ku cyaha cyo kugambirira guteza imvururu cyangwa imidugararo muri rubanda. Umubyeyi wabo Mukangemanyi Rwigara Adeline we yihariye icyaha cy’ivangura no gukurura amacakubiri.

Muri aba batatu ariko Anne Uwamahoro Rwigara, urukiko rwanzuye ko ariwe uburanishwa ari hanze kubw’uko rwasanze nta mpamvu zatuma afungwa kuko adashobora kubangamira iperereza mu gihe aba babiri barimo mukuru we na Nyina bo baburana bafunzwe.

Kuwa Kabiri tariki 21 Ugushyingo 2017,nibwo Urukiko rwanzuye ko Diane Rwigara na nyina Mukangemanyi Adeline Rwigara bakomeza gufungwa by’agateganyo iminsi 30 mu gihe iperereza rigikomeje ku byaha bakurikiranyweho. Urukiko rwatesheje agaciro ubujurire bwabo, rwemeza ko nta shingiro bufite.


INKURU ZA :
Tanga Igitekerezo
Ibitekerezo 1
?????. Kuya 10-05-2018

Mwihangane Kubyo Mwakoze!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...