konka coffee
KONKA

AMAKURU

UKWEZI

Diane Rwigara yahamije ko akomeje ibikorwa bye bya Politiki kandi ngo ntiyicuza ibyabaye

Diane Rwigara yahamije ko akomeje ibikorwa bye bya Politiki kandi ngo ntiyicuza ibyabaye
11-10-2018 saa 13:06' | By Chief Editor | Yasomwe n'abantu 10293 | Ibitekerezo 14

Nyuma y’iminsi micye Diane Rwigara na nyina Mukangemanyi Adeline Rwigara bafunguwe by’agateganyo ngo bakurikiranwe badafunzwe, uyu mukobwa uvuga ko adashobora guhagarika ibikorwa bye bya politiki, yashimangiye ko agiye gusubukura ibyo yari yaratangiye kandi ngo ibyabaye byose ntabwo abyicuza.

Diane Rwigara warekuwe by’agateganyo amaze igihe kirenga umwaka muri gereza, yabwiye ikiganiro Newsday cya BBC ko azakomeza ibyo yatangiye muri politiki. Muri iki kiganiro yatangiye avuga ku buzima bwe bwo muri gereza aho yagize ati: "Ni ubuzima butari bwiza, ariko nagombaga guhangana nabwo nkabubamo... Ariko muri rusange, navuga ko bwari bwiza. Nishimiye cyane kuba narafunguwe [by’agateganyo] kuko gereza si ahantu heza ho kuba."

Diane Rwigara yavuze ko azakomeza ibyo yatangiye muri Politiki ndetse ngo azakomereza ku itsinda yashinze akaryita Itabaza, ibyo yatangaje ubwo yarishingaga bikaba biri mu byaha ashinjwa byo gukwiza ibihuha muri rubanda no kwangisha abaturage ubutegetsi.

Diane Rwigara ati: "Mbere y’uko mfungwa nari natangije itsinda ry’agakiza ryitwa Itabaza, rero nzakomezanya naryo. Turashaka ko riba urubuga rw’ingenzi abantu bo mu Rwanda bumvikanishirizamo ijwi ryabo. Rero nzakomeza ibyo natangiye."

Diane Rwigara kandi yavuze ko atishimira ibyabaye kuri we ubwe, abo mu muryango we n’abari bamushyigikiye ariko ngo ibyabaye byose ntabwo abyicuza, ndetse yahishuye ko n’ubwo atifuza gusubira muri gereza azakomeza ibikorwa bye byapolitiki byaba ngombwa akongera agafungwa.

Yagize ati: "Sinshaka gusubira [muri gereza], ariko nibiba ngombwa nzasubirayo. Tuzareba uko bizagenda."


INKURU ZA :
Tanga Igitekerezo
Ibitekerezo 14
DRK Kuya 15-10-2018

Wa mukobwa we va muri ibyo urimo uze nguhe inshimishamubiri nkunezeze unabyare uheke wonse utazahambanwa ikara naho ibyo urimo ntibizaguhira mba nkuroga dore usigaje igihe gito ugacura

mugabo Kuya 14-10-2018

Nkunda Diane ndamukumbuye cyane. Nintwari yange. IMANA imuhe ubuzima bwiza amahoro nimigisha

lg Kuya 14-10-2018

Hari impamvu zitera abantu kutagira ubwoba. izo nubutwari nubwitange, hali no kutagira ubwo biterwa no kutagira ubwenge limwe na limwe biterwa numurengwe no kutareba.imbere.hali no kuba igikoresho abantu bagushora ngo bakuri inyuma ingaruka zaba zikakureba wenyine ndetse baguseka biikomereza imirimo

mmmmmm Kuya 13-10-2018

Uyumukobwa ni dange,yakabaye harisomo yize muribibyose.ntago politic uyishoboye pe!tuza wisengere nyagasani aguhumure amaso urebe inzira nziza yokunyuramo

titi Kuya 13-10-2018

ayo niyo bita amafaranga niba mutabizi, mwene Rwigara numunyamurengwe we na nyina, ubu se bashaka kugaragaza iki? barahangana se nande? ariko ubundi abanyamakuru most birirwa inyuma nkabande? ese mwabuze akazi? nimwe mukurura byacitse, izo nkuru turazihaze kabisa.

Eric Kuya 12-10-2018

Ni umuswa uyu mukobwa ,niyiyobore mbere yo guhatanira kuyobora ibyamusize

Byishimo Kuya 12-10-2018

Ariko se itabaza riratabaza iki ubwo koko wakwicaye ugakora imirimo myiza izatuma wibikwa. Ndiwowe nakwicecekera kuko protique siyo uvuga pe tuza utayobya urubyiruko

Natasha Kuya 12-10-2018

Abantu nka Diane babaho, nasanze ku isi habaho ingeri nyinshi z’abantu. Habaho rero nabishyira mu menyo y’intare babibona ko ari intare. Nkuyu Diane Iyo yiyita umunyapolitike biransetsa, nkibaza aho yakoreye Politike. Jye Ahubwo mbona ari umurwayi wo mu mutwe, akwiye kujya I ndera.

chouchou Kuya 11-10-2018

uyu mukobwa ni fec cyane yigize ikigebe niba abakobwa baheze kuziko ariko bamera arinda yigira umuvuguzi wabanyarwanda haruwamutumye? mujye mwishinga abashaka kuba Aba star badafite umumaro uwananiwe kwiyobora yashobora kuyobora igihugu?

Rwasubutare Kuya 11-10-2018

Kami kumuntu ni umutima we. Gusa abanze ibyibanze ....ashake urugo. Nyina abigufashemo dore ko iyo adashaka ba Diane ntibaba bariho. Hanyuma yibyo azirikane ko intare kuyendereza atari byiza.

Cyuma Kuya 11-10-2018

Ndashaka gusubiza gatabazi:
Ubwoba bugufasha kudakora ibitandukanye n’amategeko y’imana n’ayabantu cyanga igikorwa cyose cyashyira mu kaga ubuzima bwawe kutabugira lero ni ubucucu ntabwo ari ubugabo

Cyuma Kuya 11-10-2018

Ndashaka gusubiza gatabazi:
Ubwoba bugufasha kudakora ibitandukanye n’amategeko y’imana n’ayabantu cyanga igikorwa cyose cyashyira mu kaga ubuzima bwawe kutabugira lero ni ubucucu ntabwo ari ubugabo

Gatabazi Kuya 11-10-2018

Wibagiwe kuvuga ko koyavuze ko aho kubaho mu bwoba atabaho. Arashaka gukura abanyarwanda mo ubwoba bwinshi bafite. So twabisomye kare cyane. Mwe ntabwo mwabivuze byose kuko really ubwoba avuga mu bufite koko

Gatabazi Kuya 11-10-2018

Wibagiwe kuvuga ko koyavuze ko aho kubaho mu bwoba atabaho. Arashaka gukura abanyarwanda mo ubwoba bwinshi bafite. So twabisomye kare cyane. Mwe ntabwo mwabivuze byose kuko really ubwoba avuga mu bufite koko

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...