konka coffee
KONKA

AMAKURU

UKWEZI

Dr Bizimana ntavuga rumwe n’abashima Imana ko yabarokoye Jenoside

Dr  Bizimana ntavuga rumwe n’abashima Imana ko yabarokoye Jenoside
21-05-2018 saa 17:47' | By Vincent Nsengiyumva | Yasomwe n'abantu 9603 | Ibitekerezo 53

Mu gihe abarokotse Jenoside yakorewe Abatutsi muri Mata 1994 baba bavuga inzira y’umusababa banyuzemo n’uburyo barokotse ababahigaga ngo babice, ntihabura kumvikanamo gushima uruhare Imana yagize mu kubakiza abo babisha bari bafite umugambi wo gutsemba ubwoko bw’Abatutsi.

Gusa n’ubwo hari abashima Imana ko yabarokoye mu bihe bikomeye banyuzemo muri Jenoside yakorewe Abatutsi muri Mata 1994, hari abandi bavuga ko Imana yari yateye u Rwanda umugongo bakurikije ibikorwa bya kinyamaswa biboneye n’amaso yabo muri kiriya gihe.

Ibi kandi byo kuba ngo Imana ntacyo yakoze mu guhagarika Jenoside no kurokora Abatutsi bicwaga mu Rwanda, Umunyamabanga nshingwabikorwa wa Komisiyo y’igihugu yo kurwanya Jenoside Dr Bizimana Jean Damascene nawe yabishimangiye avuga ko ababifata gutyo baba birengagije ko ari Inkotanyi zahagaritse Jenoside.

Ibi Dr Bizimana yabigarutseho mu ijoro ryo kua Gatandatu tariki ya 19 Gicurasi 2018, ubwo yatangaga ikiganiro mu muhango wo kwibuka ku nshuro ya 10 imiryango yazimye muri Jenoside yakorewe Abatutsi, umuhango wabereye kuri Paruwasi ya Nyamabuye mu Karere ka Kirehe.

Dr Bizimana yashimangiye ko ku bwe abona nta ruhare na ruto Imana yagize mu ihagarikwa rya Jenoside, kuko ruramutse ruhari umuntu yakwibaza impamvu itatabaye abarenga Miliyoni bishwe urw’agashinyaguro.

Yagize ati “Hari uwashimiye Inkotanyi n’Imana, njyewe nahitamo ko twajya tubanza tugashimira Inkotanyi cyane cyane, kuko njyewe sinzi niba hari uruhare Imana yagize kuko aba bishwe kuki Imana itaje ngo ibatabare.”

Yunzemo ati “Imana twajya tuyisenga abayisenga ariko twagera aho dushima abarokoye abarokotse, ababarokoye ni inkotanyi. Inkotanyi zaje zirwana zitanga mu buryo bwose bushoboka ziraturokora.”

Dr Bizimana kandi yanavuze ko hari imvugo zimwe na zimwe abacitse ku icumu rya Jenocide bakunda gukoresha mu buryo budakwiye asaba ko imvugo nk’izo zakirindwa.

Muri izi mvugo Dr Bizimana yanenze, harimo iy’uko bavuga ko abatutsi baciye mu nzira y’umusaraba muri Mata 1994, aho yavuze ko bidakwiye kwitiranwa n’ibyabaye kuri Yezu/Yesu ngo kuko we iyo nzira y’umusaraba ariwe wayiciyemo kandi ngo akaba yarabishakaga kuko yari yarabihisemo.

Ati “Abatutsi barishwe mu mugambi wari wateguwe wo kubarimbura.Inzira y’umusaraba ntabwo ari ijambo rikwiye kuko inzira y’umusaraba yanyujijwe Yesu/Yezu yari yarayihisemo. Yaje ari mu butumwa Imana yamuhaye ariyo misiyo ye.”

Igikorwa cyo kwibuka imiryango y’Abatutsi yazimye gitegurwa n’Umuryango ugizwe n’Abatutsi barokotse Jenoside barangije Kaminuza(GAERG). Kwibuka imiryango yazimye ku nshuro ya cumi GAERG yabikoreye i Nyarubuye mu Karere ka Kirehe ahari hahuriye abaturage bo muri aka karere ndetse n’abaturutse mu Karere ka Ngoma.

GAERG ifatanyije n’abashakashatsi bamaze kubarura imiryango yazimye 9 706 mu turere 19 tw’u Rwanda bagezemo, ikaba igizwe n’abantu basaga 42647 .

Abagize umuryango wa GAERG bafatanyije n’abaturage ba Kirehe ku kwibuka imiryango yazimye

Abantu bitabiriye uyu muhango bari benshi


INKURU ZA :
Tanga Igitekerezo
Ibitekerezo 53
SEMANZI Epimaque Kuya 30-05-2018

Njye simbona impamvu murwanya Dr BIZIMANA. Wagira ngo kwemera Imana cyangwa kuyisenga bigomba gukorwa buhumyi. Njyewe ubwanjye Genocide itangira nibajije niba Imana ibaho sinabona igisubizo, kuko naravugaga nti niba ibaho ntiyareka ibintu bibi nk’ibi biba ku bana bayo nk’uko twigishijwe ko turi abana bayo. Kuva icyo gihe bacitse mu kiriziya kugeza na n’ubu.

Damascene nawe yahoze ari umupadiri ariko umuryango we wose ushirira mu kiriziya urarangira asigara ari nyakamwe. nk’umuntu utekereza ibyo bintu bishobora kumuhindura akibaza niba Imana ariyo itegeka ibibera kuri iyi si kuki yaretse abantu bakababara bigeze hariya ? Njye ndasanga abamunenga bagombye kubanza bagacyemura ikibazo cyo kumenya aho Imana yariri muri kiriya gihe kuko nayo yararebereye nka Lonu.

isirikoreye jean de la terre Kuya 29-05-2018

WOWE NDUSHABANDI NTACYO UVUZE KIRUTA ICYO ABANDI BAVUZE GUSA WIYEREKANYE NKUSHATSE KUGARAGAZA KO IBYO BAVUGA ATARIBYO ARIKO UKURI KURANZE KUGUTANGA IMBERE UBWO SE IBY DAMASCENE YAVUZE HARIMO GUHA IMANA ICYUBAHIRO?

NDUSHABANDI JDD Kuya 28-05-2018

Hahaha, muzira abavugisha ukuri kubera kamere zanyu mbi. Ubwose kwizera mwari mufite kwashoboraga gutuma imana ibatabara nukuhe? Imana ikora igikwiye ariko bitewe nuwo yishimiye ikamukoresha ibyubutwari. Rero Inkotanyi rwose nizo gushimirwa Imana yo igahabwa Icyubahiro cyayo kuko itameze nkabantu kandi idatekereza nkabo.

Nkunda Kuya 25-05-2018

Mana utubabarire ibyaha byacu ,Nkuko natwe tubabarira ababiducumuyeho nudutererane mu bitwoshya ahubwo udukize icyago

b Kuya 25-05-2018

iyaba Imana itagira impuhwe nka shitani, yari kurara ikuyeho uyu mugabo. Ariko kubera igira neza, uzabaho ku bw’impuhw zayo, ariko ntizinjira mu ijuru udasabye imbabazi z’amagambo nkayo wavuze atuka uburinzi bw’ukuboko k’Uhoraho ku barokotse Jenocide yakorewe abatutsi. ibyo izabibwire abatayunjuze mu magorwa y’intambara.

Ngutuye indirimbo yitwa : Umurengwe
uyu mugabo ari mubantu badukururira ibibazo, kuko Imana iramutse irakajwe n’aya magambo, ikadukuraho ukuboko k’uburinzi, satani yakora ibara mu Rwanda.

iMANA ISHIMWE CYANE Kuya 25-05-2018

Gusa ndababaye, Ushimwe Mana warakoze ku bw’Ineza yawe nyinshi, uri Imana ishobora byose, uri imana itunze byose, uri Imana yaremye ijuru n’isi n’inyanja n’amasoko, abantu n’ibiri kwisi byose niwowe wabiremye, none wabura ute imbaraga zo kurokora umuntu wa remye, turashima Inkotanyi kuko zemeye ko uzikoresha mu mbaraga uzihaye, mu bwenge uzihaye zirokora abantu ariko mbere na mbere ni wowe mana wabikoze , abawe turahari kandi tuzavuga ibigwi byawe ububasha, ubushobozi n’icyubahiro n’ibyawe none niteka ryose , amen

yewe Kuya 25-05-2018

uyumugabo amaze gusinda.amahoro pe ntabwo ariwe arahaze cyane ariko arababaje iyo Imana idakinga akaboko nanubu kiba ibintu bimeze nabi kndi baca umugani ngo umwijuto wikinombe
..........sha

Ikibasumba Kuya 24-05-2018

Niyibereho, nakatarikaza tuzakabona!!!

Christian Kuya 24-05-2018

iyaba UWITEKA atariwe wabaye muruhande rwacu abari baduhagurukiye baba baratumize bunguri, ikindi kandi iyaba IMANA atariyo irinda umurwa abarinzi baba barindira ubusa, UHORAHO ineza yawe iraduhoreho nkuko amizero yacu agushingiyeho.

arnadine Kuya 24-05-2018

Uyu mugabo arababaje Imana imuhumure amaso, imukingure umutima asobanukirwe imbaraga z’Imana, kandi nsabye Imana imbabazi kubwe,Mana tubabarire nkigihugu amagambo yu bupfapfa nkaya yu yu mugabo Dr Bizimana

isirikoreye jean de la terre Kuya 24-05-2018

HHHHHHHHH AKA NI AKUMIRO BAVANDI UYU MUGABO ARENZWE IBIKI KOKO UHANGARA GUSUZUGURA IMANA GUSA SI UBWAMBERE MWIBUKE NEBUKADINEZA ASUZUGUYE IMANA YAHAWE KUMARA IMYAKA ARISHA MU ISHYAMBA NK’IBISIMBA
MWIBUKE KANDI UNDI WAVUZE IJAMBO BAKAMUSHIMIRA NGO NI NK’IMANA UWO NI HERODE YAHISE AGWA INYO AHO YARI YICAYE UYUMUGABO RERRO NAWE YITONDE UTAZI IKIMUHATES AREBA.............IGITSURE NAMWE MWIYUZURIZE

Ntakirutimana Kuya 24-05-2018

Abanyarwanda baravuga ngo" Kabutindi itera kwinshi", bakongera bakavuga ngo " Rubanda rushirika ubwoba"! Uyu mugabo atewe ni iki muri iyi minsi yo kwibuka! Ngirango abarokotse bazi neza ko Inkotanyi zabarokoye Kandi bagiye babitangaho ubuhamya. Ikindi Hari na benshi mu nkotanyi bazi Kandi bemera ko Imana yahabaye. Jye ngiri icyo nisabire Abakorera Imana Kandi bayemera, bo mu madini atandukanye: Niba muretse imvugo nk’iyi itambuka ntagikozwe ngo umuntu nk’uyu yigishwe, ndetse n’abandi bayobozi baba batekereza kimwe na we, ntacyo mwaba mumariya abanyarwanda Kandi Imana na mwe izabibabaza. Imvuga nk’iyi y’uyu mugabo irenze iya Mugesera kuko Mugesera yaremaga urwango mu banyarwanda ariko uyu we arahamagarira abanyarwanda kwanga Imana.

Innocent Kuya 24-05-2018

Uyu afire mission bitewe n’umwanya ahagazemo. Imana y’i Rwanda ntiyumve amagambo y’igihubutsi ngo irakarire abanyarwanda. Inkotanyi se zidashobojwe n’Imana zakora iki? Ahubwo bamuvaneho ntakuyoborwa n’umuntu ukorera shitani. Ese atavuze atyo ntiyakundwa?

Rukundo Kuya 24-05-2018

Ariko weee!!! ntimuzi umusirikare mukuru wa RDF watanze ubuhamya avuga ati" Hari aho twageraga tugasaba Imana ngo idufashe dusange ku musozi twerekeyeho hakiri abantu bazima tutaba turwana ntabo dutabayeyo, ati kandi ni ko n’abasirikare bacu bagwaga muri urwo rugamba!!! Nzi neza ko abari bafite imbunda barwana n’interahamwe na ex-far bafite ubuhamya butandukanye bwemeza ko habayeho imbaraga z’Imana kugirango babashe kurokora abatutsi bangana uko bangana. ubwo se abarokowe n’abatari bari muri RPA bareke kubashimira kandi ko nabo bahari! uyu mugabo ngo ni Dr adutesheje umutwe kuko n’uwafashwaga mu gahinda n’ihungabana ko ariho kubera Imana yanyuze mu Nkotanyi akarokoka, ntacyo amumariye ahubwo indonke abona muri uyu mwanya afite zitumye avuga ibitadufashije! Mana we wirengagize ubumenyi bwe n’amarangamutima yari afite avuga biriya, umubabarire kandi natwe ubidukuremo. Imana yarahabaye weeee! ikoresha Inkotanyi zo kabaho iminsi yose turakira! IMANA ISHIMWE CYANE!

rhlo e Kuya 24-05-2018

NGO Dr, ubundi se ko abayeho neza by’iyi si ubundi yatubwira ko azabaho kugera rysri? yigiye kuzayobora umwanya ari mo? kuko wasuzuguye Imana yanjye: ibyo wishingikirijeho birananiwe kukugira uwo wifuza kuba we kandi akaga kazagume kuri wowe ntugateze abandi kuko ntawagutumye! Uwiteka asuzuguza abiyita abanyabwenge! icyakora uzasare uhungira imbere y’Uwiteka Imana wasuzuguye kugirango ukizwe. Amen.

manzi Kuya 24-05-2018

Yewe bizimana we izina aniryo muntu kko!!!! ubwo utangiye kugereranya imana nabantu wowe warangiye. plz ongera witekerezeho neza.........

Amen Kuya 23-05-2018

Dr. Bizimana asabe imbabazi abemera Imana nibitaba ibyo afungwe kandi yamburwe inshingano yahawe kuko zamunaniye. Kagame adufashe gukemura iki kibazo akure uku kutubaha Imana mu buyobozi arinde igihugu umuvumo w’abubahuka Imana.
Twitandukanyije nawe rwose

Nkusi Norbert Kuya 23-05-2018

Uyu mugabo afite ikibazo gikomeye yabanje gukuraho indirimbo z’Imana mucyunamo none atangiye no kubuza abantu gushima Imana! Ntekerezako buri wese afite uburenganzira bwo gushima uko ashaka singombwako twese tubyumva nkawe sinzi impamvu rero ahangara gutegeka abantu uko bashima, niba yumva agomba gushimira inkotanyi nagende azishimire ntawe umubujije ariko nareke abashaka gushima Imana nabo bayishimire! Gusa amenyeko inkotanyi nazo zishima Imana kuko zizi ko ariyo yazishoboje.

miweto Kuya 23-05-2018

Maze na se wamubyaye yabonye atazi ikizamukuza aravuga ati Bizimana!None ngo ntikavugwe?Buriya rero Doctorat ya Dr Bizimana imaze kugwa ingese nk’imwe ya Dr Donat Murego.Mwene iyo mvugo igaragaza umuyobozi unaniwe agashaka kujijisha abo ashinzwe kureberera kugirango basamazwe na bene ayo magambo bibagirwe imibereho mibi bafite.N’ubundi nta wacitse ku icumu wamutumye.Inkotanyi zatabaye abicwaga nazo zitabara kuko abatutsi b’imbere mu gihugu sibo barwanaga na Ex-far.iyo zitarasa nazo zari kuraswa.Ubwo rero Bizimana Ntakwiriye kubigira incyuro aho ageze hose.Turabizi arya neza twe dushonje akarara heza twe tudafite aho turambika umusaya.Iyo jenoside itaba Bizimana aba ari umuyobozi w’iyihe komisiyo?

Ester Kuya 23-05-2018

Imana ninziza ibihe byose ishize impumpu yibagirwa icyamwirukankanaga uwari mubwuhisho butandukanye yasabaga Imana kumukiza nawe akazayikorera naho inkotanyi twazishimye tuzibonye bamwe ntitwari tunazizi

Mujyanama Kuya 23-05-2018

Dr Bizimana yagize ati “Hari uwashimiye Inkotanyi n’Imana, njyewe nahitamo ko twajya tubanza tugashimira Inkotanyi cyane cyane, kuko njyewe sinzi niba hari uruhare Imana yagize kuko aba bishwe kuki Imana itaje ngo ibatabare.â€

Ngaruye aya magambo yavuzwe na Dr Bizimana ngirango ngire icyo mvugaho. None se Bwana Muyobozi (Dr Bizimana) urashaka kwerekana ko ukunze inkotanyi cyane kuburyo arizo zibanza kumwanya wambere hagaheruka Imana? Uko ni ukwiyerurutsa!!!

Ubu se ko Nyakubwahwa Perezida wa Repubulika ubwo yarahiriraga kuyobora URWANDA ko asoza indahiro ye agira ati " Imana izabimfashemo" ni ukuvuga ko atazi ibyo avuga? nkurikije ibyo uyu muyobozi yavuze ubwo ejo azatinyuka avuge ati sinemeranya n’abarahirira kuyobora igihugu bgasaba Imana ngo ibibafashemo!!

Bwana Muyobozi Ngutuye Imana yo Muremyi wawe kdi rwose ntiguhore iyi mvugo yo kuyirutisha abantu kdi ariyo yabaremye.

claudine Kuya 23-05-2018

ariko Mana...n’akumiro gusa.
Gusa jye ndibaza impamvu uyu muyobozi ashaka kwinjira mu buhamya bw’abantu. Umuntu niba yivugiye ko ashima Imana mbere, urabimubuza nkande? niba utayemera byigumanire, ntukatuvangire. Twe twabonye akaboko kayo twemera ko Imana ariyo yarinze inakoresha Inkotanyi zaturokoye

Paul Kuya 23-05-2018

Nitandukanyije n’umuntu wese uhangara gusuzugura Uwiteka Imana y’ijuru n’isi ! Uwiteka ambabarire ku bw’ibyaha byanjye kandi Dr nawe Imana imubabarire imusobanurire ukuri kwayo !

Masumbuko Kuya 23-05-2018

Nkuko bafungishije radio kubera ijambo pastor yavugiyeho na Ibuka cg abemera Imana twari dukwiye gufungisha Dr Bizimana. Uku ni ukwiyemera birenze gushaka kuvugako Inkotanyi zisumba Imana.Ninterahamwe zavugaga ko Imana yazigabije abatutsi wabonye uko byazigendekeye. Nawe nuticisha bugufi urareba ibikubaho.

Masumbuko Kuya 23-05-2018

Nkuko bafungishije radio kubera ijambo pastor yavugiyeho na Ibuka cg abemera Imana twari dukwiye gufungisha Dr Bizimana. Uku ni ukwiyemera birenze gushaka kuvugako Inkotanyi zisumba Imana.Ninterahamwe zavugaga ko Imana yazigabije abatutsi wabonye uko byazigendekeye. Nawe nuticisha bugufi urareba ibikubaho.

Masumbuko Kuya 23-05-2018

Nkuko bafungishije radio kubera ijambo pastor yavugiyeho na Ibuka cg abemera Imana twari dukwiye gufungisha Dr Bizimana. Uku ni ukwiyemera birenze gushaka kuvugako Inkotanyi zisumba Imana.Ninterahamwe zavugaga ko Imana yazigabije abatutsi wabonye uko byazigendekeye. Nawe nuticisha bugufi urareba ibikubaho.

justine Kuya 23-05-2018

no kuba Imana yararinze inkotanyi nizishirire ku rugamba ,iyo niyo nzira Imana yari yateguye ngo uyu munsi habe hakiriho umuntu witwaga umututsi.gusa sinarinzi ko hari uwavuga gutyo.

Masumbuko Kuya 23-05-2018

Nkuko bafungishije radio kubera ijambo pastor yavugiyeho na Ibuka cg abemera Imana twari dukwiye gufungisha Dr Bizimana. Uku ni ukwiyemera birenze gushaka kuvugako Inkotanyi zisumba Imana.Ninterahamwe zavugaga ko Imana yazigabije abatutsi wabonye uko byazigendekeye. Nawe nuticisha bugufi urareba ibikubaho.

Masumbuko Kuya 23-05-2018

Nkuko bafungishije radio kubera ijambo pastor yavugiyeho na Ibuka cg abemera Imana twari dukwiye gufungisha Dr Bizimana. Uku ni ukwiyemera birenze gushaka kuvugako Inkotanyi zisumba Imana.Ninterahamwe zavugaga ko Imana yazigabije abatutsi wabonye uko byazigendekeye. Nawe nuticisha bugufi urareba ibikubaho.

Masumbuko Kuya 23-05-2018

Nkuko bafungishije radio kubera ijambo pastor yavugiyeho na Ibuka cg abemera Imana twari dukwiye gufungisha Dr Bizimana. Uku ni ukwiyemera birenze gushaka kuvugako Inkotanyi zisumba Imana.Ninterahamwe zavugaga ko Imana yazigabije abatutsi wabonye uko byazigendekeye. Nawe nuticisha bugufi urareba ibikubaho.

ngaho Kuya 23-05-2018

uyu mugabo ashobora kuba afite impamvu; ati gusenga singombwa abantu bose ntibari abasenga, none ati Imana yabiretse ra!, kuyari yibereye mu kanama gashinzwe umutekano se yabibwirwa niki cyane ko igihugu yari ahagarariye na gvmnt yari ahagarariye yabicaga bigacika; mu mureke azi ibyo arimo..

Muneza diane Kuya 23-05-2018

FPR?Dir?ndumiwe !!!yabajije Gen Kayonga waruyoboye CND uwo ashima mbere yabyose?abi avuga nibyo bituma abacika cumu ahagarariye barimo bicwa burimunsi.abandi bafungwa urubozo ibuka igacecekase?Imanizaza yeguceceka nawe isomo arazaribona kuko nubu genocide iracyarerwa abo batutsi abeshya NGO bararokotse!!!ndabivuze ge sindumututsi ariko iyo ndebye urupfu bapfuye nurwo bapfa ubu ndumirwa nkibaza nti mbese bafite uwabatabara?batutsimwe ubutabazi bwanyu buzava kuwiteka waremye ijuru nisi niwe wokwizerwa

Ubujijicom Kuya 22-05-2018

Uwiteka ahabwe icyubahiro .kabdi abashe kubabarira uyu mugabo ngo ni Dr.uhagara kwishyira hejuru gutya nkaho ariwe wibeshejeho.reka nkubwire ko ntakibaho IMANA itakizi dr we.abasinziriye bose ntabwo Imana yari ibanze - abarokotse kdi yashatse ko bajya bayihamiriza ab isi nawe urimo witwa Biz.(dr) ko ari inyabushobozi.inkotanyi nibikoresho byakoreshejwe.kdi wasanga utari unazirimo ukaba iri guragura ibigambo byubupfapfa gutya! Imana ikubabarire.ubundi Imana ihaniraho yahita igukura ki isi.ariko iraba itegereje ho gato ngo irebe ko ubwo bupfapfa wabwihana.

Simbirimo Kuya 22-05-2018

Simbirimo kabisa !Imana itubabarirw kandi ibabarire n’abantu bose Nshaka kuyimura bakayishyira mumwanya wa kabiri !Imana niyo yadutabaye ,idukiriza igihugu natwe iraturokora ukoresheje abo yatoranyije kera no bazarokora abana bayo

alias mapengu Kuya 22-05-2018

ariko akabino muri uru Rwanda baransetsa pe!Dr muzima avuge atyo?Imana imubabarire ubu ahuye nikibazo yatabaza inkotanyi cg Imana?ntimukishongore ngo mukabye Imana niyo yarokoye bamwe mu batutsi ibindi Bizimana uvuga nibyawe gusa Singizwa Ma
na watabaye u Rwanda.

john Kuya 22-05-2018

Nonese Imana yaricecekeye kandi ifite ubushobozi bwo gutabara itegereza ko 1.000.000 bapfa ikabona gutabara. Mureke kuzana sentiments zipfuye Imana ntabwo iba mumanyanga yo kwisi y’abicanyi kandi abatabaye babikoreshejwe n’umutima wo gutabara naho iyo biba ubutabazi bw’Imana ntabwo bwari kuza hamaze gupfa abantu bangana kuriya kandi satani mubeshyera ntabwo yabikora kuko itarusha Imana imbaraga.

peace@yahoo.fr Kuya 22-05-2018

Shimwa Mana ya Abrahamu nukuri warahabaye Dr ushaka kugushyira kumwanya wa kabiri sindi kumwe nawe,IMANA yadushyize ibintu 2 imbere ngo twihitiremo ikibi n ikiza niyo mpamvu muri Eden yaturanyije ibiti 2 igiti cy ubugingo nigiti cy urupfu ese Dr wabonye umuntu ava murusengero rushya ntashye kdi abandi bashya batema abantu we akaba ntankovu afite mu ijuru hari Imana yadusize ngo twemeze abantu ko ari Imana isumba byose nkuko nawe ari uburenganzira bwawe bwo kuyihakana ko Imana yacu ntikoresha igitugu ukora ibyo ushaka ukavuga ibyo ushaka ariko urubanza rwo ruriho kw iherezo.

Tyuu Kuya 22-05-2018

Imana ishimwe cyane cyane. Njyewe nkwiye gucishwa bugufi.

tttt Kuya 22-05-2018

Ndumiwe noneho PE!!Ngo bajye bashima inkotanyi?mbere na mbere nimana Dr.ntuzigera ubonimana yamanutse izagutumaho abantu.ndiwowe nayisaba imbabazi PE.

pppp Kuya 22-05-2018

Imana ishimwe iteka ryose, kuko yankunze njyewe ntabizi.
Icyubahiro nicyayo iteka ryose kuko itwishyuje ikiguzi cyumwuka duhumeka ku munota, ntawarubara bavandimwe.

musa Kuya 22-05-2018

ibyo ntabwo bitunguranye,kuko Imana ubwayo,niyo izi icyo gukora k’ubuzima bw’aho tugeze.n’ubundi izi intege nke zacu!abazi ko Imana itatabaye,ubwo bafite impamvu.ese ko genoside yakozwe n’inkoramaraso,iyo Imana idakoresha abafite umutima w’ubwitange,kandi wuzuy’ubumuntu.u Rwanda ubu ruba rurihe?n’ubundi ngo,ubuhakanyi n’ukwemera,bizaza mu mayeri.

musa Kuya 22-05-2018

ibyo ntabwo bitunguranye,kuko Imana ubwayo,niyo izi icyo gukora k’ubuzima bw’aho tugeze.n’ubundi izi intege nke zacu!abazi ko Imana itatabaye,ubwo bafite impamvu.ese ko genoside yakozwe n’inkoramaraso,iyo Imana idakoresha abafite umutima w’ubwitange,kandi wuzuy’ubumuntu.u Rwanda ubu ruba rurihe?n’ubundi ngo,ubuhakanyi n’ukwemera,bizaza mu mayeri.

Enock Rukebesha Kuya 22-05-2018

Mwaramutse?rekambanze mbashimire kubwibitekerazobyanyu byubaka , icyonshaka kuvuga ni uko tutatinyuka kuvuga ko Iman itadukijije imigambi yumubisha no kubaharabapfuye si ukuvugako Imana itabakundaga ahubwo iyonimigambi ya satani. Imana yabinyujije muri FPR Inkotanyi kugirango irokore abantubayo kuko yabyivugiye ko ntawabasha gutsemba ubwoko bwayo ngo abumareho. murakoze kandi mwihangane ntitugaheranwe nagahinda.

alfa Kuya 22-05-2018

Niba bataraguhimbiye iri jambo ryuje ubupfapfa. Kubwange Imana yakoresheje inkotanyi nk’uko yakoresheje Mussa. Ikindi burya ntabwo Imana yumva ibintu kimwe n’abantu! Niyo mpamvu mu byiza tuyishimira no mu makuba tugashima

Emmy Kuya 22-05-2018

Uyu Mugabo aratangaje kuriya nukwibeshya Imana niyo yaturokoye nonese abasirikare b inkotanyi barokowe nande jye narindi muri CND nyanubahwa Bizimana wowe ntabwo waruhari jya wicecekera reka twebwe twari murugamba tujye tugusobanurira ibyo uvuga ntubizi turashima Imana yadushoboje kuko iyo itadushoboza ntabwo byari gushoboka twebwe turabiziko Ari Mana tuzongere rwose ntabwo turikumwe nawe

fredhab Kuya 22-05-2018

Imana Ikoresha Abantu Yaremye kandi Imana Izi byose

Kamanzi Kuya 22-05-2018

Dr rwose ibi ni ukwishyira hejuru birenze. Twe twarokowe n Imana ikoresheje inkotanyi. Ubu bwibone bwo ko mva ko turuta Imana nibwo izatuma idusukaho umujinya wayo. Ntabwo turiho kubw inkotanyi turiho kubw ubushake bw Imana. Nta na hamwe Imana yamanutse ngo irwane n,ingabo ahubwo ikoresha abantu bayo. Kuba ufite Doctorat ntibiguha uburenganzira bwo gusuzuguza abantu Imana.

Kamanzi Kuya 22-05-2018

Dr rwose ibi ni ukwishyira hejuru birenze. Twe twarokowe n Imana ikoresheje inkotanyi. Ubu bwibone bwo ko mva ko turuta Imana nibwo izatuma idusukaho umujinya wayo. Ntabwo turiho kubw inkotanyi turiho kubw ubushake bw Imana. Nta na hamwe Imana yamanutse ngo irwane n,ingabo ahubwo ikoresha abantu bayo. Kuba ufite Doctorat ntibiguha uburenganzira bwo gusuzuguza abantu Imana.

Pastor Kuya 22-05-2018

Uyu muyobozi (Dr Bizimana) yari akwiye kumenya ko abashima Imana bataba birengagije uruhare rukomeye inkotanyi zagize muguhagarika jenoside yakorewe abatutsi ahubwo IMANA turayishima kuko yakoresheje inkotanyi zigahaguruka bwangu zikadukura mukaga. Kandi ibi tuvuga dushima IMANA n’inkotanyi nazo uzibajije zakubwira ko nazo imbaraga, umwete numurava zagize zikabasha guutsinda byose bafashijwe n’iyabaremye (Imana)

IMANA ishimwe ko yakoresheje inkotanyi (nk’imwe muntwaro yifashishije) maze tukavanwa mumenyo y’abagome maze umugambi wo gutsemba abatutsi ntugerweho.

IMANA kandi yiyereke uyu muyobozi (Dr Bizimana) imuhishurire ko ubumenyi yamuhaye adakwiye kubukoresha ahakana ububasha bwayo ndetse inamwiyeke abone neza ko nawe kuba akiriho ari Ubuntu bw’IMANA.

mutatis Kuya 21-05-2018

nta warubara

lenz Kuya 21-05-2018

njye mbona ntakiruta Imana kbs kuko ishobora byose ,ikaba ari nayo yafashije inkotanyi kurokora abatutsi , mubuzima , tunjye twubaha, Imana .asome muri , Yeremiya 10;23 havuga ko twe abantu tutafite ubushobozi bwokuyobora intambwe zacu.Imana niyambere mubuzima ikaba ariyo yaturokoye ikoresheje inkotanyi turazishima cyane cyane zaritanzi zimera gukoreshwa nImana .kurokora abatutsi murakoze

SHIMWA Kuya 21-05-2018

Yewe n’Imana yakoreshe inkotanyi z’igikundiro mu kuturokora ,nukuri iyo atabayo abanzi bacu bicaga bakarya n’abantu baba baraturangije . Imana yarahabaye

nakumiro Kuya 21-05-2018

biraje gushima Imana bibe ingengabitekerezo ya genocide! Imana iyo itagoboka inkotanyi byari kuba ibindi!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...