konka coffee
KONKA

AMAKURU

UKWEZI

Dr Leopold Munyakazi yatanzweho ubuhamya mu ruhame, hahurizwa ku mbunda yatunze i Kayenzi

Dr Leopold Munyakazi yatanzweho ubuhamya mu ruhame, hahurizwa ku mbunda yatunze i Kayenzi
10-04-2018 saa 14:21' | By Chief Editor | Yasomwe n'abantu 8218 | Ibitekerezo 8

Kuri uyu wa Kabiri tariki 10 Mata 2018, nibwo Urugereko rwihariye rw’Urukiko rukuru, rwajyanye ku Kamonyi urubanza ruregwamo Dr Leopold Munyakazi ushinjwa ibyaha bya Jenoside akekwaho kuba yarakoreye mu cyahoze ari komini Kayenzi, ubu ni mu murenge wa Kayenzi mu karere ka Kamonyi mu Ntara y’Amajyepfo. Mu gace yari atuyemo, ninaho habereye iburanisha mu ruhame rw’abaturage benshi, hatangwa ubuhamya bw’abatangabuhamya bane bahurije ku mbunda uyu mugabo yari atunze aha muri Kayenzi

Dr Leopold Munyakazi wari kumwe n’umwunganira, Me Micombero Desiré, yari yaburanishijwe n’Urukiko rwisumbuye rwa Muhanga mu mwaka ushize, rumuhamya ibyaha bya Jenoside muri Nyakanga 2017 rumukatira igihano cy’igifungo cya burundu y’umwihariko ariko ahita ajurira asaba ko urugereko rwihariye rw’Urukiko rukuru rwazanamujyana aho yari atuye i Kayenzi muri Kamonyi ari naho habereye iburanisha kuri uyu wa Kabiri. Ni mu mudugudu wa Gitwa mu kagari ka Kirwa muri Kayenzi.

Dr Leopold Munyakazi yageze aha mu gace yari atuyemo, yambaye imyenda y’ibara rya roza isanzwe ari impuzankano y’imfungwa, anambaye agatambaro bambara ku ijosi gafite ibara ry’umwura (bakunda kwita iry’ivu) kambarwa mu gihe cyo kwibuka Jenoside yakorewe abatutsi. Iburanisha rigitangira, yahise avuga ko muri iki gihe cyo kwibuka, yihanganishije ababuze ababo muri Jenoside yakorewe abatutsi. Hahise hatangira umwanya w’abatangabuhamya.

Abatangabuhamya bumviswe kuri uyu wa Kabiri, bari abashinjura Dr Leopold Munyakazi bagaragaza ko nta cyaha cya Jenoside yakoze. Uwa mbere ni uwitwa Nyirarukundo Asterie warokotse Jenoside yakorewe abatutsi. Mu buhamya bwe, yavuze ko ibyinshi azi byabaye muri Jenoside ari ibyo yumvaga abicanyi bavugira ku kabari gaherereye aho atuye, bigamba abo bishe n’uwabishe. Yivugiye ko yabonye Dr Munyakazi afite imbunda ariko ko nta muntu yigeze ayirashisha ndetse ngo habe no kurasa mu kirere. Yahakanye kandi ibya bariyeri ivugwa ko yari iruhande rw’urugo rwa Dr Leopold Munyakazi.

Umutangabuhamya wa kabiri ni uwitwa Nyiransengimana Francoise ariko uyu we yambuwe kwitwa umutangabuhamya nyuma y’uko ubushinjacyaha bugaragaje ko aba mu mazu ya Dr Leopold Munyakazi ndetse akaba anacunga imitungo ye. Ibyo yabajijwe, umucamanza yavuze ko abisubiza nk’umutangamakuru kuko bigaragara ko hari impamvu zatuma abogamira kuri Dr Munyakazi. Uyu nawe ibyo yavuze, ni ibigaragaza ko nta makuru y’ubwicanyi azi kuri Dr Munyakazi ariko nawe ashimangira ko azi iby’imbunda yari atunze ariko akaba atarigeze ayikoresha yica.

Undi wakurikiyeho ni Alphonse Iyamuremye, ariko yahise yivugira ko afitanye isano na Dr Leopold Munyakazi. Ibi umucamanza yavuze ko nta kibazo kuko isano ari irya kure, ariko umushinjacyaha ahita abaza niba we nta mitungo acungira uregwa, ari nabwo yahise yivugira ko ari umugabo wa Nyiransengimana Francoise ndetse ko bafatanya gucunga imitungo ya Dr Leopold Munyakazi. Nawe yambuwe kwitwa umutangabuhamya, abazwa nk’umutangamakuru maze ashimangira ko imbunda uregwa yatunze ntawe yayirashishije ariko ko nawe yayimubonanye.

Umutangabuhamya wa kane ni Gasani Alphonse, uyu we akaba yaranireze akemera icyaha cy’uruhare yagize muri Jenoside ndetse akaba yararangije igihano cye. Yavuze ko Jenoside i Kayenzi yatangiye tariki 12 Mata 1994, ariko Dr Leopold Munyakazi akaba we atari ahari. Ngo yahageze tariki 18 Mata 1994 ndetse muri uwo mugoroba ngo baranabonanye barasuhuzanya. Ashimangira iby’imbunda Dr Munyakazi yari afite ariko ngo nta muntu yigeze yica.

Umucamanza yabajije niba hari undi wifuza gutanga ubuhamya ku byo azi, maze uwitwa Niyigena Ildephonse azamura ukuboko. Yahawe umwanya atanga ubuhamya bwe, avuga ko hari igitero cyamunyuzeho arimo guhinga imbere yo kwa Dr Leopold Munyakazi avuga n’abari bakirimo, ariko ashimangira ko yarebaga n’amaso ye uyu Dr Leopold Munyakazi ari iwe mu rugo, ko atigeze yifatanya n’icyo gitero. Avuga ko nk’umuntu wahingaga imbere yo kwa Dr Munyakazi, yabonye inshuro ebyiri imbunda ye afiyite mu rugo ariko ngo ntabwo yigeze ayikoresha mu bwicanyi. Yanahakanye kandi ibyo yabajijwe n’umucamanza by’uko yaba yari afite bariyeri hafi y’iwe mu rugo ndetse n’ibyo kwitabira amarondo.

Uyu Niyigena Ildephonse yanavuze iby’uko hari umukobwa wari wihishe kwa Dr Leopold Munyakazi, igitero cyaje kwica uwo mukobwa kikaba cyarasabwe imbabazi na Dr Munyakazi ndetse ngo abagize icyo gitero bahawe amafaranga y’u Rwanda 5000 barayagabana bareka kwica uwo mukobwa.

Iburanisha ryo kuri uyu wa Kabiri ryarangiye ahagana saa munani z’amanywa, umucamanza avuga ko iburanisha rizakomereza ku rukiko rukuru i Kigali kuri uyu wa Gatatu ahazumvwa abatangabuhamya basabye ko bacungirwa umutekano.

Ibidasanzwe byagiye biranga urubanza rwa Dr Leopold Munyakazi

Mu iburanisha ryo kuri uyu wa Kabiri, Dr Munyakazi yagaragaye acishije macye cyane, bitandukanye n’uko byahoze mu iburanisha ryagiye ribera mu rukiko rwisumbuye rwa Muhanga. Aha turagaruka mu byo yagiye akora mbere, amagambo yagiye avuga n’uko yitwaye:

Yabwiye abashinjacyaha ko nta kinyabupfura bagira

Ubwo Dr. Leopard Munyakazi yagezwaga mu rukiko bwa mbere, agihabwa umwanya wo kugira icyo avuga yabwiye abashinjacyaha ko nta kinyabupfura bagira. Ibi Munyakazi yari abishingiye ku kuba batarashyize mu bikorwa ubusabe bwe bw’uko bazazana ibyuma bifata amajwi ibyo avuga byose bikajya bibikwa.

Dr Munyakazi yavuze ko adashaka gukomeza gufungirwa mu musarane kandi afite amazu meza muri Kigali

Uyu mugabo udatinya gukoresha amagambo akomeye cyangwa asesereza iyo arimo kuburana, ubwo yaburanishwaga mu rukiko rw’ibanze rwa Nyarugunga, ubwo yaburanishwaga ku bijyanye n’ifungwa n’ifungurwa ry’agateganyo. Icyo gihe yabajije abacamanza impamvu bashaka kumucumbikira mu mazu yise ko ari ubwiherero (imisarani) kandi ngo ari umuntu w’umugabo wifitiye amazu muri uyu mujyi wa Kigali kandi meza.

Yagize ati “[…] Ese bancumbikira mu musarane bate bazi ko nari mfite amazu abiri muri Rugenge, harimo imwe niguriye indi nkayiyubakira, ayo mazu sinyararemo kandi ari ayanjye…”

Munyakazi yanze gutanga umwirondoro we nyawo, abwira urukiko ko nibawukenera bazajya kuwushakira kuri paruwasi yabatirijwemo kandi ko we atabibabwira batamuhemba

Kuwa Kane tariki 23 Gashyantare 2017, ubwo yagezwaga imbere y’abacamanza mu rukiko rwisumbuye rwa Muhanga, Dr Leopold Munyakazi yagaragaje ko hari imbogamizi nyinshi afite zituma ataburana, harimo no kuba atazi abagiye kumuburanisha abo ari abo n’imyirondoro yabo, aha ninaho yabasabaga ko bamuha ibyangombwa byabo ngo anamenye niba koko ari abacamanza.

Mu bindi yavuze, ni uko umwirondoro watangajwe atari uwe, uretse amazina ye gusa n’ay’ababyeyi, bityo akavuga ko hashobora kuba habayeho kwibeshya ku wo bashaka kuburanisha, aha yashingiraga ahanini ku gihe cy’amavuko cyatangajwe mu mwirondoro we.

Ubwo yasabwaga gutanga umwirondoro we nyawo, Munyakazi yavuze ko atari akazi ke, agaragaza ko yaba ari kwivanga mu kazi k’abashinjacyaha maze ababwira ko ushaka imyirondoro ye azajya kuyireba muri paruwasi yabatirijwemo ya Kamonyi. Asabwe n’urukiko kuvuga umwirondoro we uw’ukuri kandi yashimangiye ko atawuvugira aho kuko bikwiye gukorwa hakoreshejwe ibitabo by’irangamimerere, ikindi bikanakorwa n’abantu babihemberwa kuko we abivuze nta wabimuhembera.

Dr. Munyakazi yanze kuburana ngo kuko mu rukiko hatarimo ifoto ya Perezida

Ubwo Dr Leopold Munyakazi yatangiraga kuburanishwa mu mizi ku byaha ashinjwa, yasabye urukiko rw’i Muhanga rwamuburanishaga ko rwamuha ibimenyetso by’uko aho aburanira ari mu rukiko kuko ngo atahabonaga ifoto ya Perezida wa Repubulika.

Icyumba cy’iburanisha yari agejejwemo, Dr Munyakazi yavuze ko nta birango bya Repubulika y’u Rwanda birimo, ko nta kirango cy’ubutabera kirimo uretse indangaminsi (Calendar) ariko nayo igaragaraho urukiko rw’ikirenga. Yavuze ko nta bendera ry’u Rwanda ririmo kandi nta n’ifoto ya Perezida wa Repubulika abonamo, bityo akavuga ko ntacyamwemeza ko aho bamuzanye ari mu rukiko.

Dr Munyakazi aburana akangana ko yaminuje, yigeze no kugira umujinya asohoka mu rukiko iburanisha ritararangira

Kuwa 3 Gicurasi 2017 ubwo yitabaga Urukiko rwisumbuye rwa Muhanga ngo akomeze yiregure ku byaha akurikiranweho bya Jenoside, Dr Munyakazi wagaragazaga uburakari n’imvugo ikarishye, yongeye gusabwa n’abacamanza kudakoresha amagambo akomeye mu rukiko, maze asubiza ko Ikinyarwanda akoresha akizi neza kuko agifitemo impamyabumenyi y’ikirenga (PhD) kandi akaba ari inzobere mu by’iyigandimi n’icengerandimi. Yavuze ko ufite ikibazo ku byo avuga nabyo yazabishyikiriza urukiko.

Uyu mugabo yaje guhita asaba umucamanza ko yakwisubirira aho afungiye ndetse bidatinze ahita asohoka mu rukiko aragenda ariko abacamanza bakomeza kuburanisha urubanza adahari, nyuma banzura ko ruzasubukurwa tariki 10 Gicurasi 2017.

Perezida w’Urukiko rwisumbuye rwa Muhanga, Udahemuka Adolphe, yakunze kumvikana yihaniza Dr Munyakazi kureka imyitwarire idahwitse mu rukiko aho kugirango uyu mugabo amwumve ahubwo bikarushaho gufata indi sura.

Tariki 14 Nyakanga 2017, yakatiwe igihano cy’igifungo cya burundu y’Umwihariko maze avuga ko ibyo abacamanza bakoze bamubeshyera, nta kabuza Imana izabibabaza.


INKURU ZA :
Tanga Igitekerezo
Ibitekerezo 8
Juju Kuya 12-04-2018

Nago arengana nagato ubundi gushinjurwa nuwahingaga abandi baricwag Uwo wamushinjuye sinkawe? Ese ko yajyaga yirata avuga byinshi ubu niki cyamucishije make?hhmm ngo amazu yiyubakiye ayo bashenye bakanatwika se ntiyari yarubatswe nabene yo? Ngo bamuraza muri gereza ngo nako imisarani ? Abo bayijugunyemo ari bazima cg bishe bakayitamo ntibarabantu? Naba nawe uriho neza ufite nururrimi uravuga yiba na benewacu bari nkahongaho ntitwakababaye sha!!!!!!!

Juju Kuya 12-04-2018

Nago arengana nagato ubundi gushinjurwa nuwahingaga abandi baricwag Uwo wamushinjuye sinkawe? Ese ko yajyaga yirata avuga byinshi ubu niki cyamucishije make?hhmm ngo amazu yiyubakiye ayo bashenye bakanatwika se ntiyari yarubatswe nabene yo? Ngo bamuraza muri gereza ngo nako imisarani ? Abo bayijugunyemo ari bazima cg bishe bakayitamo ntibarabantu? Naba nawe uriho neza ufite nururrimi uravuga yiba na benewacu bari nkahongaho ntitwakababaye sha!!!!!!!

Juju Kuya 12-04-2018

Nago arengana nagato ubundi gushinjurwa nuwahingaga abandi baricwag Uwo wamushinjuye sinkawe? Ese ko yajyaga yirata avuga byinshi ubu niki cyamucishije make?hhmm ngo amazu yiyubakiye ayo bashenye bakanatwika se ntiyari yarubatswe nabene yo? Ngo bamuraza muri gereza ngo nako imisarani ? Abo bayijugunyemo ari bazima cg bishe bakayitamo ntibarabantu? Naba nawe uriho neza ufite nururrimi uravuga yiba na benewacu bari nkahongaho ntitwakababaye sha!!!!!!!

Juju Kuya 12-04-2018

Nago arengana nagato ubundi gushinjurwa nuwahingaga abandi baricwag Uwo wamushinjuye sinkawe? Ese ko yajyaga yirata avuga byinshi ubu niki cyamucishije make?hhmm ngo amazu yiyubakiye ayo bashenye bakanatwika se ntiyari yarubatswe nabene yo? Ngo bamuraza muri gereza ngo nako imisarani ? Abo bayijugunyemo ari bazima cg bishe bakayitamo ntibarabantu? Naba nawe uriho neza ufite nururrimi uravuga yiba na benewacu bari nkahongaho ntitwakababaye sha!!!!!!!

Juju Kuya 12-04-2018

Nago arengana nagato ubundi gushinjurwa nuwahingaga abandi baricwag Uwo wamushinjuye sinkawe? Ese ko yajyaga yirata avuga byinshi ubu niki cyamucishije make?hhmm ngo amazu yiyubakiye ayo bashenye bakanatwika se ntiyari yarubatswe nabene yo? Ngo bamuraza muri gereza ngo nako imisarani ? Abo bayijugunyemo ari bazima cg bishe bakayitamo ntibarabantu? Naba nawe uriho neza ufite nururrimi uravuga yiba na benewacu bari nkahongaho ntitwakababaye sha!!!!!!!

gakuba Kuya 11-04-2018

Wowe uvuga ko arengana ngo aravugirwa, nabacitse, kwicumu ongera, usome neza ntimukabogame kubera impamvu uwo uvuga ko yacitse kwicumu wumvise aho yumviye, amakuru. mukabari!!!!abandi babili. umugabo numugore we bafitanye isano baba mu mitungo ye! !!!!!undi yarimo. guhinga abandi bali kwica we nriyamubonye ubwo a bicaga yarababonye ese yarabavuze! !!!! ikindi Munyakazi ko atahigwaga iyo mbunda, yiwe yayikoreshaga iki! !nyuma yayishyize he! !!!!

nuko Kuya 11-04-2018

nawe ajyavugana ikinyabupfura PhD siyo kurata

karenzi Kuya 10-04-2018

Arkose rwose ntimwumva ko uyumusaza yari arenganye abaturage nabacitse kwicumu ntanumwe umushijya icyaha na kimwe , ahubwo nge aho ubushinja cyaha bukura ibyaha bushinja umuntu simbazi ?!!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...