AMAKURU

UKWEZI
RPF

Gasabo: Imibiri 123 y’Abishwe muri Jenoside yabonetse mu cyobo

Gasabo: Imibiri 123 y’Abishwe muri Jenoside yabonetse mu cyobo
13-05-2018 saa 14:44' | By Akayezu Jean de Dieu | Yasomwe n'abantu 2255 | Ibitekerezo

Ubuyobozi bw’akarere ka Gasabo buravuga ko biturutse ku makuru yatanzwe n’abaturage hamaze kuboneka imibiri irenga 123 y’abishwe muri Jenoside yakorewe Abatutsi ikajugunywa mu byobo birimo icyo mu kigo cy’ibitaro byita ku bafite uburwayi bwo mu mutwe (Caraes-Ndera), giherereye mu murenge wa Ndera muri aka karere ka Gasabo mu Mujyi wa Kigali.

Icyumweru gishize ubuyobozi bufatanya n’abaturage gushakisha iyi mibiri aho bivugwa ko kugeza ku munsi w’ejo kuwa gatandatu bari bamaze kubona igera ku 123 ariko ngo iki gikorwa kikaba kigikomeje aho bishoboka ko hazaboneka n’indi mibiri yajugunywe mu byobo bitandukanye byo muri uyu murenge wa Ndera.

Umuyobozi w’akarere ka Gasabo wungirije ushinzwe imibereho myiza y’abaturage, Nyirabahire Langwida yabwiye Ukwezi.com ko uburyo iyi mibiri yabonetsemo ari ubukangurambaga bwakozwe mu gihe cyo kwibuka aho ubuyobozi bwakomeje kubwira abaturage ko uwaba azi aho iyo mibiri yajugunywe yatanga amakuru abinyujije mu buryo bumworoheye, ari ukubivuga, kwandika agapapuro kagaragaza aho iyo mibiri iri cyangw akaba yahashyira akandi kamenyetso.

Yavuze ko buri munsi nk’ubuyobozi bahora bakangurira abaturage ngo uwaba azi aho imibiri y’abatutsi bishwe muri Jenoside bazira uko baremwe ko yafasha ubuyobozi mu gutanga amakuru kuko ari uwatanze ayo makuru aruhuka ndetse n’abarokotse batabashije kubona ababo ngo bashyingurwe mu cyubahiro iyo babonye imibiri yabo bakayishyingura baruhuka.

Visi Meya Nyirabahire kandi yavuze ko bari gutegura aho bazajya gushyingura mu cyubahiro avuga ko hari imyanya mike igihari mu rwibutso rwa Ndera ariko ngo bibaye ngombwa bazajyanwa gushyingurwa I Rusororo ahari Urwibutso rwuzuye vuba muri aka karere ka Gasabo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...