AMAKURU

UKWEZI

Gasana Jerome yakuwe ku buyobozi bwa WDA nyuma yo kubazwa niba ibiberamo bituma asinzira

Gasana Jerome yakuwe ku buyobozi bwa WDA nyuma yo kubazwa niba ibiberamo bituma asinzira
20-11-2018 saa 08:59' | By Chief Editor | Yasomwe n'abantu 9494 | Ibitekerezo 5

Gasana Jerome wari umaze igihe kirekire ayobora Ikigo cya Leta gishinzwe Guteza imbere Ubumenyingiro n’imyigishirize y’imyuga mu Rwanda (WDA), yakuwe kuri uyu mwanya asimbuzwa GATABAZI Pascal, ibi bikaba bibaye nyuma y’igihe muri iki kigo havugwamo ibibazo byinshi bishingiye ahanini ku mutungo wa Leta ukoreshwa nabi n’uburirwa irengero, ari nabyo byatumye aherutse kubazwa niba ibibera mu kigo ayobora bituma abasha gusinzira.

Kuri uyu wa Mbere tariki ya 19 Ugushyingo 2018, Inama y’Abaminisitiri Idasanzwe yashyize mu myanya abayobozi batandukanye mu myanya, inagena GATABAZI Pascal nk’Umuyobozi Mukuru (Director General) Kigo cya Leta gishinzwe Guteza imbere Ubumenyingiro n’imyigishirize y’imyuga mu Rwanda (WDA), bisobanura ko yahise asimbura Gasana Jerome kuri uyu mwanya.

JPEG - 137.4 kb

Eng. Gatabazi Pascal wari Umuyobozi wa wa IPRC Karongi ni we wagizwe umuyobozi mushya wa WDA

Guhera mu mwaka ushize wa 2017, iki kigo cyavuzwemo amakosa atandukanye ajyanye no gukoresha nabi umutungo wa Leta. Mu kwezi k’Ukwakira 2017, Komisiyo y’Inteko Ishinga Amategeko y’u Rwanda ishinzwe kugenzura imikoreshereze y’umutungo wa Leta yagaragaje uburyo iki kigo cyaburiye irengero amafaranga asaga miliyoni 105 ndetse n’andi makosa menshi ajyane no gukoresha nabi umutungo wa Leta. Abayobozi b’iki kigo bari bayobowe na Gasana Jerome bemeye aya mafaranga ndetse n’andi makosa bakoze ajyanye n’imicungire mibi y’umutungo wa Leta ariko bukavuga ko habayeho uburangare banemera kubikosora bakanoza imicungire myiza y’umutungo w’igihugu.

Muri Kamena uyu mwaka, nabwo uwari Visi Perezida wa Komisiyo Ishinzwe gukurikirana imikoreshereze y’imari n’Umutungo by’Igihugu (PAC), Depite Karenzi Théoneste, yabajije Gasana Jerome niba abasha kuryama agasinzira abona uruhuri rw’ibibazo ruri mu kigo ayobora. Depite Karenzi ati “Ariko ibi bintu biraba ukaryama ugasinzira ukumva utekanye? N’ibi bintu bimeze gutya?”

JPEG - 98.1 kb

Gasana Jerome yari amaze igihe ari umuyobozi wa WDA

Ibi yabimubajije nyuma y’uko Abagize iyi komisiyo bari bamaze guhata ibibazo Gasana Jerome bamubaza ku bijyanye n’amakosa y’imicungire mibi y’umutungo wa leta nk’uko byagaragajwe na raporo ya 2016/17 y’Umugenzuzi Mukuru w’Imari ya Leta. Ibi bishingiye ku bikoresho byaguzwe akayabo ariko bikaba bidakoreshwa ahubwo bigenda byangirika, ibyaguzwe bikaburirwa irengero, imishinga y’amashuri y’ubumenyingiro yadindiye n’ibindi byahombeje Leta akayabo.


INKURU ZA :
Tanga Igitekerezo
Ibitekerezo 5
fabirice Kuya 20-11-2018

5 5 1997

fabirice Kuya 20-11-2018

5 5 1997

Chris Kuya 20-11-2018

Ntimukabeshye. Gatabazi yari umuyobozi wa IPRC Karongi

Chris Kuya 20-11-2018

Ntimukabeshye. Gatabazi yari umuyobozi wa IPRC Karongi

Chris Kuya 20-11-2018

Ntimukabeshye. Gatabazi yari umuyobozi wa IPRC Karongi

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...