konka coffee
KONKA

AMAKURU

UKWEZI

Gicumbi: Meya n’abamwungirije bose begujwe

Gicumbi: Meya n’abamwungirije bose begujwe
25-05-2018 saa 23:19' | By Akayezu Jean de Dieu | Yasomwe n'abantu 3225 | Ibitekerezo 4

Kuri uyu wa 25 Gicurasi 2018, nibwo umuyobozi w’akarere ka Gicumbi mu Ntara y’Amajyaruguru, Mudaheranwa Juvenal n’abamwungirije bose begujwe ku mirimo yabo bivugwa ko bazize amakosa ajyanye no gucunga nabi umutungo wa leta

Uretse Meya Mudaheranwa, hegujwe Umuyobozi w’Akarere Wungirije ushinzwe ubukungu n’iterambere, Muhizi Jules Aimbable n’Umuyoboziw’Akarere Wungirije ushinzwe imibereho myiza, Benihirwe Charlotte.

Perezida wa Njyanama y’Akarere ka Gicumbi, Kayombya Dieudonné, yemeje ko abo bayobozi bose begujwe koko kubera imikorere mibi nk’uko byagiye bigaragazwa na raporo zitandukanye.

Yagize ati “Basezerewe uyu munsi mu nama idasanzwe y’Inama Njyanama y’Akarere ka Gicumbi. Impamvu yabasezereye ni uko Inama Njyanama ifite mu nshingano gusuzuma imikorere ya komite nyobozi, yasanga inyunzwe n’imikorere yayo bikaba ari byiza ariko na none yasanga itanyuzwe ikaba yafata ingamba zitandukanye, harimo kugirwa inama, harimo kwerekwa ibitagenda neza bagasabwa uburyo babikora bikagenda neza, hanarimo n’icyo cyo kubakura ku mirimo yabo.”


Yakomeje asobanura ko Inama Njyanama yasanze muri raporo zaganiriweho harimo ‘imikorere itanoze’ mu nshingano zabo.

Yahamije ko Meya n’abamwungirije bazize amakosa muri raporo y’ubugenzuzi ku micungire y’imishinga y’iterambere ndetse n’iy’ibigo by’amashuri.

Perezida wa Njyanama y’Akarere ka Gicumbi yasobanuye ko izo raporo ari izo muri uyu mwaka w’ingengo y’imari ariko amakosa yagaragayemo yagiye anakorwa mu myaka yashize.

Ati “Ikibazo gikomeye ni uko Inama Njyanama yasanze nyobozi nta ngamba zihamye yari ifite no gukosora amakosa yabonetse no gushyira mu bikorwa inama ziba zaratanzwe, yaba iz’abagenzuzi bigenga cyangwa se ab’akarere.”


Inama Nyanama yahise ishyiraho Umujyanama witwa Sewase Jean Claude kuyobora by’agateganyo Akarere ka Gicumbi.

Aba bayobozi b’aka karere hatangajwe ko begujwe mu gihe hashize iminsi humvikana abandi bo mu tundi turere bo bajyaga bava ku mirimo bavuga ko beguye ku mpamvu zabo bwite.


INKURU ZA :
Tanga Igitekerezo
Ibitekerezo 4
Mbonizanye Kuya 29-05-2018

KWEGURA NTA KIBAZO ARIKO KWEGUZWA BURYA HABA HARI BYINSHI BYAPFUYE! GUSA BYARI BIKWIYE KO UMUNTU UHAWE INSHINGANO YASHYIRA IMBERE INYUNGU Z’ABATURAGE.

Habimana Kuya 26-05-2018

Kuki bateguye k ubushake nk abandi bose ko ariyo ndirimbo tumenyereye?Urebye ibivugwa ku micungire mibi y umutungo wa leta mu nzego zose wayoberwa iterambere duhora tuvuga aho rituruka. Bigaragara ko umuturage utanga umusoro yagowe.

Habimana Kuya 26-05-2018

Kuki bateguye k ubushake nk abandi bose ko ariyo ndirimbo tumenyereye?Urebye ibivugwa ku micungire mibi y umutungo wa leta mu nzego zose wayoberwa iterambere duhora tuvuga aho rituruka. Bigaragara ko umuturage utanga umusoro yagowe.

Ruhinankiko Kuya 26-05-2018

Ariko ibi bintu birimo kata yo mu rwego rwo hejuru. None se haba hari amakosa abakozi barangiza bagahabwa igikombe kubera imyanya myiza mukwesa imihigo??? Nyamara ntakuri kubwirwa abayoborwa!!!! None se niba nibuka neza meya Mudaheranwa mu myaka ibiri cg itatu ishize ntiyahawe igikombe cy’imikorere myizs??? Nyamara mucyo twambarire kubimenya!!!!!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...