konka coffee
KONKA

AMAKURU

UKWEZI

Green Party i Kirehe yasezeranyije abaturage kuzakuraho imisoro ku butaka

Green Party i Kirehe yasezeranyije abaturage kuzakuraho imisoro ku butaka
14-08-2018 saa 16:25' | By Vincent Nsengiyumva | Yasomwe n'abantu 1515 | Ibitekerezo

Ku munsi wa kabiri w’ibikorwa byo gushaka amajwi ku bakandida b’Ishyaka riharanira Demukarasi no kurengera Ibidukikije mu Rwanda (Democratic Green Party of Rwanda), biyamamarije i Nyakarambi mu murenge wa Kigina, mu Karere ka Kirehe Intara y’Uburasirazuba, bizeza abaturage baho kuzabakuriraho imisoro ku butaha mu gihe bazagirirwa icyizere bakabaha amajwi.

Ibi byagarutsweho n’Abakandida-Depite b’ishyaka Green Party kuri uyu wa Kabiri ubwo biyamamarizaga mu murenge wa Kigina mu mu Karere ka Kirehe.

Ahagana saa munani z’amanywa nibwo abakandida ba Green Party 32 barangajwe imbere n’umuyobozi mukuru waryo , Dr Frank Habineza bageze ku isoko rya Nyakarambi ahabereye igikorwa cyo kwiyamamaza cyitabiriwe n’abaturage bagerereye ugereranyije n’ababonetse ku munsi wa mbere i Muhanga mu ntara y’Amajyepfo.

Umuyobozi w’Akarere ka Kirehe, Muzungu Gerald yafunguye ku mugaragaro ibikorwa byo kwiyamamaza bya Green Party muri aka karere ayoboye, abizeza umutekano usesuye ndetse abifuriza ishya n’ihirwe.

Mu byagarutsweho na bamwe mu bakandida ba Green Party bari kwiyamamariza kwinjira mu Nteko Ishinga Amategeko, bagiye bavuga imigabo n’imigambi ya byinshi bazakora, gusa bose bakitsa cyane ku gukuraho imisoro y’ubutaka no guteza imbere ubuhinzi.

Uwitwa Mwiseneza Jean Marie Vianney uri muri 32 bari gushaka amajwi azabinjiza mu Nteko nk’Ishyaka, yavuze ko n’ubwo hari byinshi Leta imaze kugeraho, ngo haracyari bimwe bikigenda biguru ntege, bityo ko ubwo bazinjira mu nteko bazahita babishyira ku murongo.

Yavuze ko ibyiza Leta yakoze bazabishyigikira ndetse banakomeze kubisigasira, ariko ko ibibi bazabona batazihanganira kubirebera ko ahubwo bazahita babisesa.

Yagize ati “Nta cyiza na kimwe Leta yakoze tuzasubiza inyuma, ariko ibyo tubona ko ari bibi nta na kimwe kizarara nitumara gutorwa. Nituramuka dutoye Green Party urubyiruko ruzatezwa imbere. Nimutora hariya hari inyoni nini muzaba mutoye ibi ndimo kuvuga. Green Party ifite gahunda zo gukuraho imisoro y’ubutaka.”

Uwitwa Francine nawe uri ku rutonde rw’abiyamamaza nawe yavuze ko Imisoro y’abacuruzi bakora ubucuruzi buciriritse igomba kugabanywa urubyiruko rukoroherezwa narwo rugatera imbere, ndetse hanashyirweho amategeko arengera abakora ubucuruzi bucirititse burimo n’abacuruza ku dutaro.”

Ati “ Imisoro y’abacuruzi bakora ubucuruzi buciriritse igomba kugabanywa, urubyiruko rukoroherezwa. Tuzateza imbere ubuhahirane, ku buryo abazajya bajya kugura utuntu ducye muri Tanzania batazajya basora. Tuzaharanira gukuraho itegeko rikumira abazunguzayi, tuzashyiraho amategeko abarengera bakomeze ubucuruzi bwabo.”

Tuyishime Deogratias nawe uri mu biyamamaza yavuze ko bazaharanira ko ko gereza zitwa Transit Center zivanwaho, hagashakwa umuti wo gukuraho igituma hari abafatwa bakajyanwamo birimo gushakira guha igishoro abazunguzayi bakava mu muhanda no guhanga imirimo mishya ubuzererezi zigacika.

Yavuze ko hari ibibazo bagomba guhangana nabyo birimo Ubukene, Ubusumbane gukoresha nabi umutungo wa rubanda n’ibindi.

Umuyobozi Mukuru w’Ishyaka rya Green Party Dr. Frank Habineza, yongeye kugaruka ku kibazo cyo gusoresha ubutaka bw’abaturage, avuga ko kiri mu bihangayikishije ishyaka ayoboye, ku buryo nibatorwa bazahita bagiheraho abaturage bakaruhuka kujya basoreshwa gakondo yabo.

Yagize ati “Indi gahunda dufite ni ijyanye n’ubutaka. Ibibazo by’ubutaka ntabwo birakemuka. Mwumvise ko imisoro yiyongereye. Imisoro y’ubutaka igomba kuvaho, kuko ni gakondo yacu. Ubutaka twabuhawe n’Imana nta mpamvu y’uko twajya tubusorera.”

Yanavuze ko mubyo Green Party iteganya kuzakora n’igera mu Nteko, harimo kongerera ubushobozi inzego zose zishinzwe umutekano by’umwihariko abasirikare n’abapolisi.

Ati “Tudafite umutekano ntacyo twageraho. Tuzongerera ubushobozi abakora mu nzego z’umutekano, abasirikare n’abapolisi kugira ngo baducungire umutekano nabo bameze neza. Tuzashyiraho gahunda yo kububakira amazu meza arimo ibyangombwa byose, babe ahantu heza hasobanutse n’abana babo babeho neza.”

Yongeye kubibutsa ko bazatora ahari ikinyoni kinini cyitwa ikizu, asaba ko buri wese yazahashyira igikumwe mu rwego rwo gushyigikira ibitekerezo byiza by’Ishyaka ryabo.

Ishyaka rya Green Party rifite abakandida 32 biyamamariza kwinjira mu Nteko Ishinga Amategeko

Mu murenge wa Mugina abaturage bari benshi ugereranyije n’umurenge wa Mushishiro muri Muhanga Green Party yatangiriyemo ibikorwa byo kwiyamamaza.

Dr Frank Habineza, Umuyobozi mukuru w’Ishyaka rya Green Party

Meya wa Kirehe Muzungu Gerald , aganira na Frank Habineza


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...