konka coffee
KONKA

AMAKURU

UKWEZI

Green Party na PS Imberakuri yabonye imyanya mu Nteko Ishinga Amategeko

Green Party na PS Imberakuri yabonye imyanya mu Nteko Ishinga Amategeko
4-09-2018 saa 21:32' | By Vincent Nsengiyumva | Yasomwe n'abantu 3573 | Ibitekerezo 2

Ishyaka riharanira Demokarasi no kurengera ibidukikije mu Rwanda Green Party na PS -Imberakuri zabonye amajwi 5% aziha amahirwe yo kwinjira mu Nteko Ishinga Amategeko y’u Rwanda, aho buri rimwe ryegukanye imyanya ibiri muri 53 yahatanirwaga n’amashyaka n’abakandida bigenga.

Bibaye ubwa mbere aya mashyaka yombi abona imyanya mu Nteko Ishinga Amategeko y’u Rwanda mu gihe yari amaze akorera mu gihugu.

Komisiyo y’Igihugu y’amatora kuri uyu mugoroba nibwo imaze kongera gutangaza amajwi yavuye mu ibarura ry’amajwi y’imitwe ya politike ndetse n’abakandida bigenga bahataniraga kubona imyanya mu Nteko.

Perezida wa Komisiyo y’Amatora, Prof. Kalisa Mbanda, yatangaje ko Umuryango FPR Inkotanyi n’amashyaka yifatanyije nawo mu matora y’Abadepite,wakomeje kuza ku isonga n’amajwi y’agateganyo 74% ukaba ufite imyanya 40 mu Nteko Ishinga Amategeko .

Ishyaka riharanira Ukishyira ukizana kwa buri muntu PL yabonye amajwi 7% bivuze ko ifite imyanya 4, PSD yabonye amajwi 9% angana n’imyanya 5 mu Nteko Ishinga amategeko y’u Rwanda.

Green Party na PS Imberakuri nk’amashyaka atavuga rumwe na leta buri ryose ribona amajwi 5% bivuze ko buri rimwe rizabona imyanya 2 mu Nteko.

Ishyaka Green Party rimaze imyaka 5 rikorera mu Rwanda nk’Ishyaka ritavuga rumwe na Leta, ni ubwa mbere ryitabiriye amatora y’Abadepite .

Umuyobozi w’iri shyaka Dr Frank Habineza n’Umunyamabanga Mukuru waryo, Ntezimana Jean Claude, ni bo babaye Abadepite.

Umuyobozi Mukuru w’Ishyaka Green Party Dr.Frank Habineza na Mukabunani Christine uyobora ishyaka PS Imberakuri

Mu bindi byiciro by’urubyiruko n’icy’abagore byatowe kuri uyu wa 4 Nzeri 2018, hatangajwe ibyavuye mu cyiciro cy’urubyiruko, aho hatowe Kamanzi Erneste wo mu Karere ka Kamonyi wagize amajwi 66,8% na Maniriho Clarisse wo mu karere ka Karongi watsindiye ku majwi 52,9%.

Perezida wa Komisiyo y’Amatora, Prof. Kalisa Mbanda, yanavuze ko ibarura ku byavuye mu matora y’icyiciro cy’abagore bitarakusanywa byose bikazatangazwa ku munsi w’ejo ibarura rirangiye neza.

Abakandida bigenga nta n’umwe wigeze ageza amajwi 5% akenewe bivuze ko nta n’umwe uzabasha kugera mu Nteko Ishinga Amategeko.


Kamanzi Erneste na Maniriho Clarisse nibo batorewe guhagararira urubyiruko mu Nteko Ishinga Amategeko

Kamanzi Erneste watorewe guhagararira urubyiruko mu Nteko


INKURU ZA :
Tanga Igitekerezo
Ibitekerezo 2
Gashabizi Kuya 5-09-2018

Congs PS Imberakuri

Dina nyabugogi Kuya 5-09-2018

congratulation clarisse Imana igumye kubitaho.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...