konka coffee
KONKA

AMAKURU

UKWEZI

Green Party ngo nitorwa nta mfungwa irengeje imyaka 70 izagaragara muri gereza

Green Party ngo nitorwa nta mfungwa irengeje imyaka 70 izagaragara muri gereza
24-08-2018 saa 00:32' | By Vincent Nsengiyumva | Yasomwe n'abantu 882 | Ibitekerezo 1

Ishyaka riharanira Demukarasi no kurengera Ibidukikije mu Rwanda (Democratic Green Party of Rwanda) ryakomereje ibikorwa byo kwiyamamaza mu Ntara y’Amajyepfo mu turere twa Gisagara na Nyanza, yizeza abaturage ko niramuka itowe izashyiraho itegeko ry’uko abagororwa barengeje imyaka 70 bazajya barekurwa.

Ibikorwa byo kwiyamamariza muri utu turere tubiri two mu Ntara y’Amajyepfo ntibyagenze neza kuko muri Gisagara mu murenge wa Save aho Green Party yari kwiyamamariza, abakandida bahageze basanga nta baturage bahari.

Abantu bo mu gace iki gikorwa cyari buberemo muri uyu murenge wa Save bose bari bajyanwe mu murenge wa Muganza mu bikorwa byo kwamamaza FPR Inkotanyi byari byitabiriwe n’Umukuru w’igihugu Paul Kagame.

JPEG - 41.4 kb

Tuyishime Deo, ushinzwe itangazamakuru muri Green Party yatunze agatoki abayobozi b’inzego z’ibanze ko aribo ntandaro yo kubura abaturage muri Save

Abakandida ba Green Party bageze mu Gasantere ka Rwanza mu murenge wa Save ahari hateganyirijwe ibikorwa byo kwiyamamaza basanga nta bantu bahari, igikorwa cyo kwiyamamaza kirahagarikwa bahita berekeza mu karere ka Nyanza gukomerezayo iki gikorwa cyo gushaka amajwi azabinjiza mu Nteko ishinga Amategeko.

Bamwe mu baturage baganiriye n’ikinyamakuru Ukwezi.com bavuze ko abaturage bo muri aka gace bazindutse batwarwa mu mamodoka bajyanwa mu murenge wa Muganza kwakira umukuru w’igihugu wari buzane n’abakandida ba FPR Inkotanyi.

Green Party yakomereje ibikorwa byayo mu murenge wa Busasamana mu Karere Nyanza byitabirwa n’abatari bake, ibagezaho imigabo n’imigambi babafitiye mu gihe babahundagajeho amajwi bakajya mu Nteko Ishinga Amategeko.

Ntezimana Jean Claude Umunyamabanga Mukuru wa Green Party akaba n’umwe mu bakandida 32 bari kwiyamamariza mu Nteko yavuze ko nibaramukwa batoye bazashyiraho amategeko arimo iryo kuvugurura ubuinzi no kuvuganira imfungwa zirengeje imyaka 70 zikaba zafungurwa.

Yagize ati “Ishyaka Green Party ryarashishoje risanga umuntu urengeje imyaka 70 adakwiye kujya muri gereza ngo bagiye kumugorora. Umuntu w’imyaka 70 usanga ntacyo baba bamugororamo.Turabizi iyo umuntu afunzwe bamwita umugororwa.Ntabwo rero tubona ko umuntu w’imyaka 70 akwiriye gufungwa ahubwo umuntu ukiri muto bamufunga kugira ngo azasohokemo yaragiye kumurongo atange umusaruro. Umuntu w’imyaka 70 we akunda gusohoka kuko nta musanzu aba agitezwemo.”

Yanavuze ko nka Green Party nta mugororwa ukwiye gufungirwa kure y’umuryango we ngo kuko binaniza abo mu muryango we kugira ngo abashatse kumusura bamubone batabanje kuvunika.

Yakomeje yizeza abaturage bo muri Nyanza ko kubatora ari ukwiteganyiriza, ngo kuko biteeguye kuzababera intumwa zizabatumikira mu bibazo byose bazabatuma kubagereza mu Nteko.

Yanaboneyeho kubibutsa ko amatora azaba tariki 3 Nzeri 2018, aho yabasabye kuzashyira igikumwe cyabo ahantu hari inyoni nini izwi nk’ikizu.

Abaturage ba Busasamana bafatanyije n’abakandida ba Green Party gucinya akadiho


INKURU ZA :
Tanga Igitekerezo
Ibitekerezo 1
Kagabo Kuya 26-08-2018

Abazaba bakatiwe burundu se nabo bazajya bafungurwa?

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...