AMAKURU

UKWEZI
RPF

Green Party yagejeje muri Komisiyo y’amatora urutonde rw’abashaka kuba abadepite

Green Party yagejeje muri Komisiyo y’amatora urutonde rw’abashaka kuba abadepite
19-07-2018 saa 18:16' | By Chief Editor | Yasomwe n'abantu 2268 | Ibitekerezo 1

Mu masaha y’igicamunsi cyo kuri uyu wa Kane tariki 19 Nyakanga 2018, ishyaka riharanira demokarasi no kubungabunga ibidukikije, Democratic Green Party of Rwanda, ryagejeje muri Komisiyo y’amatora urutonde rw’abarwanashyaka baryo bagera kuri 34 bifuza ko bazahagararira iri shyaka mu matora y’abadepite azaba muri Nzeri uyu mwaka.

Uru rutonde rugizwe n’abantu 34, rurangajwe imbere na Dr Frank Habineza uyobora iri shyaka, bisobanura ko ari we ufite amahirwe yo kubona umwanya kurusha abandi. Uyu muyobozi kandi yatangarije ikinyamakuru Ukwezi.com ko bizeye kuzabona imyanya myinshi mu nteko ishinga amategeko bitewe n’impamvu zitandukanye zibahesha amahirwe.

Icyambere Dr Frank Habineza avuga, ni uko babonye ubunaribonye mu matora ya Perezida aho bahatanaga n’amashaka 8 yishyize hamwe agashyigikira Paul Kagame hamwe n’umukandida wigenga, ariko ngo kuri iyi nshuro n’ubwo ayo mashyaka nabwo bazaba bahatana, bazaba bahatanira imyanya 53 bisobanura ko buri shyaka rishobora kuzagira imyanya ryegukana. Ku bwe, ngo yumva ishyaka rye rizabona byibuze imyanya 20.

Ishyaka rya Democratic Green Party rivuga ko mu byo zizakora nirimara kubona intumwa za rubanda zirihagarariye mu Nteko ishinga amategeko, harimo gukora ibishoboka byose ubukene abaturage bafite bugashira burundu, guharanira ko ibyaha bimwe na bimwe mbonezamubano byazajya bihabwa ibihano bitari ukujyanwa muri gereza ndetse no kurwanya gereza n’ibigo bishobora gufungirwamo abantu mu buryo bunyuranyije n’amategeko.

Uru nirwo rutonde rw’abakandida ba Democratic Green Party


INKURU ZA :
Tanga Igitekerezo
Ibitekerezo 1
Moses Kuya 19-07-2018

Hhhhhhhhhhhhhh......
None Se Ko Batanze Umubare Muto? Ntibizera Ko Batsinda 100% Indi Myanya Ikabura Abayihabwa?

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...