konka coffee
KONKA

AMAKURU

UKWEZI

Green Party yiyamamarije i Kayonza yizeza abalimu kuzongererwa umushahara

Green Party yiyamamarije i Kayonza yizeza abalimu kuzongererwa umushahara
15-08-2018 saa 17:38' | By Vincent Nsengiyumva | Yasomwe n'abantu 1678 | Ibitekerezo

Mu gihe ibikorwa byo kwiyamamaza ku mwanya w’Abadepite ku mitwe ya politike itandukanye, abakandida b’Ishyaka riharanira Demukarasi no kurengera Ibidukikije mu Rwanda (Democratic Green Party of Rwanda),biyamamarije mu mirenge ya Kabarondo na Mukarange yo mu Karere ka Kayonza bagaragariza abaturage baho imigabo n’imigambi babafitiye yiganjemo kuzamura imibereho y’abaturage.

Kuri uyu wa Gatatu tariki ya 15 Kanama Nzeri 2018, nibwo abakandida 32 bo mu ishyaka rya Green Party bakomereje ibikorwa byo kwiyamamariza imyanya y’Abadepite, igikorwa cyabereye mu mirenge ibiri yo mu Karere ka Kayonza mu Ntara y’Uburasirazuba.

Ku munsi wa Gatatu w’ibikorwa byo gushaka amajwi agomba kuzabinjiza mu Nteko Ishinga Amategeko, abakandida ba Green Party barangajwe imbere n’Umuyobozi Mukuru w’iri shyaka, Dr Frank Habineza, bamurikiye abaturage bo mu Ntara y’Uburasirazuba ibyo bazabagezaho nibaramuka babagiriye icyizere, babizeza ko bazababera ijwi kandi ko batazabatenguha.

Green Party yatangiriye ibikorwa byabo byo kwiyamamaza mu mirenge ya Mushishiro na Nyamabuye yo mu Karere ka Muhanga aho bakiriwe n’abaturage batari benshi. Ku munsi wabo wa kabiri w’ibikorwa byo kwiyamamaza bakomereje mu Ntara y’Uburasirazuba mu murenge wa Mugina mu karere ka Kirehe bakirwa n’abantu bagerereye ugereranyije n’ababonrtse i Muhanga.

Mu mirenge ya Kabarondo na Mukarange mu Karere ka Kayonza naho hagaragaye ubwitabire bw’abaturage bugerereye. Bamwe mu bakandida ba Green Party babagaragarije bimwe mubyo bazakora nibagera mu nteko, bose bagiye bakomoza ku bikorwa bizazamura imibereho y’abaturage.
Uwitwa Sylivestre Hitimana uri muri 32 batanzwe n’ishyaka rya Green Party, yabwiye abaturage bo muri Kayonza ko nibabagirira icyizere bakatora ko bazababera intumwa nziza ko ndetse batazabatenguha mu gihe babatumye.

Yavuze ko mubyo bazibandaho bakigera mu Nteko bazaharanira kubanza kunoza amategeko ataranozwa neza, banashyireho andi ateza imbere Abanyarwanda. Yavuze ko hazashyirwaho amategeko ashingiye ku muryango, azabafasha gukemura ibibazo bikunda kugaragara mu miryango.

Yagize ati “Nitugera mu Nteko tuzanoza uburyo bwo gushyiraho amategeko, cyane cyane ashingiye ku muryango. Kugira ngo imiryango ibane mu mahoro, hirindwa amakimbirane. Hazashyirwaho itegeko rikarishye rihana abakora ihohoterwa rishingiye ku gitsina.”

Sylivestre Hitimana yijeje abaturage bo mu Karere ka Kayonza ko nibabatora bimwe mu bibazo birimo ihohoterwa, amakimbirane mu miryango, ibibazo byo kubura amazi meza byose bizaba amateka muri aka karere.

Uwitwa Veronique Mukangabe uri mu rubyiruko rwatanzwe na Green Party, yavuze ko mu byo bazashyira imbere harimo gushyigikira gahunda zose ziteza imbere umugore ndetse n’uburezi bw’abana b’abanyarwanda cyane ko aribo Rwanda rw’ejo.

Nawe yakomoje kuri gahunda yo kuzamura imibereho ya mwalimu bamwongerera ubushobozi, mu rwego rwo gukomeza gushimangira ireme ry’uburezi bw’abana b’Abanyarwanda.

Umuyobozi mukuru w’Ishyaka rya Green Party, Dr Habineza Frank, yijeje abaturage bo mu Karere Kayonza ko nibabagirira icyizere bakabatora ko bazababera intumwa kandi ko hazashyirwa imbere ibitekerezo n’ibyifuzo byabo.

Yagize ati “Uyu munsi twaje kubasaba amajwi kugira ngo tube intumwa zanyu mu Nteko Ishinga amategeko. Ndi hano n’abakandida bose ba Green Party uko ari 32. Muri bo 14 ni abagore, 18 akaba ari abagabo. Ihame ry’uburinganire twararikurikije. Riteganya byibura 30% ariko twararirengeje ubu twe twagejeje kuri 47%.”

Dr Frank Habineza yagarutse ku byo yavuze bigomba gukorwa ubwo yiyamamazaga umwaka ushize byumviswe bigashyirwa mu bikorwa, ashima ko Leta yabihaye agaciro, bityo ashimangira ko n’ibyo bizeza abaturage bizumvwa ubwo bazaba bageze mu Nteko maze bishyirwe mu bikorwa.

Ati “Hari ibyo twavuze umwaka ushize Leta irabikora, muri byo harimo ibyo kuzana icyogajuru mu kurinda umutekano , Leta yarabyemeye .Twagaragaje ko uburyo bwo gutanga mituwelle butanyuze abaturage dusaba ko bakoroherezwa, nabyo byarumviswe bari kubishyira mu bikorwa.”

Dr Hanineza Frank yikije cyane ku burezi, aho yavuze ko bazaharanira ko uburezi mu Rwanda bugira ireme.Yavuze ko bazahera ku kugaburira abana ku ishuri kandi bagahabwa ifunguro risobanutse, ndetse n’abarimu babo bakongererwa imishahara kugira ngo bakore akazi kabo

Yagize ati “Nimudutora tuzashyiraho itegeko ry’uko abana bazajya bahabwa ifunguro ku ishuri kandi rimeze neza. Tuzavugana na Minisiteri zibishinzwe zongere ingengo y’Imari igenerwa amashuri. Ibi byose bizafasha abana kwiga neza, ndetse ireme ry’uburezi rishinge imizi.”

Yonzemo ati “Mwalimu agashahara kiwe kaba ari gakeya .Turashaka kubishyira muri gahunda nako tuyongeze. Nabona agashahara gatubutse azabona igitunga urugo rwe, maze nawe akore akazi yishimwe kandi agakunze.Ibi bizatuma atanga umusaruro mwiza.”

Yongeye kugaruka ku misoro y’ubutaka isoreshwa abaaturage, avuga ko biri mubyo bazaharanira gukuraho ku ikubitiro bakigera mu Nteko, ngo kuko babona nta mpamvu y’uko abaturage basoreshwa kuri gakondo yabo.

Abakandida ba Green Party bacinya akadiho


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...