konka coffee
KONKA

AMAKURU

UKWEZI

Gutunga imbunda ku muturage ni nko kunyuza ingamiya mu jisho ry’urushinge- Min. Busingye

Gutunga imbunda ku muturage ni nko kunyuza ingamiya mu jisho ry’urushinge- Min. Busingye
29-05-2018 saa 17:55' | By Akayezu Jean de Dieu | Yasomwe n'abantu 4902 | Ibitekerezo 8

Nyuma y’impaka ndende zatangiye ku mugoroba wo kuri uyu wa Mbere tariki 28 Gicurasi 2018, aho byavugwaga ko abadepite bemeje itegeko ryemera ugucuruza no gutunga imbunda mu Rwanda. Kuri Minisitiri w’Ubutabera akaba n’intumwa nkuru ya Leta, Busingye Johnston ngo kuba umunyarwanda yakwemererwa gucuruza cyangwa gutunga imbunda bigereranywa nko kuba wanyuza ingamiya mu jisho ry’urushinge, ibintu afata nk’ibishoboka hafi ya ntabyo.

Ku mugoroba wo kuwa mbere nibwo mu Nteko Ishinga Amategeko hatowe itegeko rirebana n’intwaro ‘Itegeko rigena uburyo bwo kubona, gutunga, gutwara, gukora, gucuruza kubika no guhabwa intwaro amasasu y’ubwoko bwose n’ibindi bikoreshwa ku ntwaro mu buryo ubwo aribwo bwose.

Muri 1979, u Rwanda rwari rufite iteka ryo kuwa 7 Gicurasi 1979, rirebana n’intwaro ryaje kwemezwa n’itegeko numero 1/82 ryo kuwa 26 Mutarama 1982, muri 2009 nibwo iri tegeko ryaje kuvanwaho hajyaho iri rijyanye no gutunga no gucuruza intwaro ari naryo ryajyanywe mu Nteko Ishinga Amategeko rimaze gutorwa riteza impaka kugeza ubu.

Mu kiganiro n’abanyamakuru cyo kuri uyu wa Kabiri tariki 29 Gicurasi 2018, Minisitiri Busingye yavuze ko iri tegeko n’ubwo ritajyaga rivugwa ndetse ritazwi kandi ryari risanzweho kuva muri 2009, ngo ni uko mu Rwanda nta bantu benshi bakunze ariko ngo byaba ibi bigo bicunga umutekano cyangwa abandi bantu bafite intwaro ngo bazifite bikurikije iri tegeko n’ubwo abanyarwanda benshi basa nk’abatari basanzwe barizi.

Minisitiri Busingye kandi yavuze ko hari amategeko mpuzamahanga u Rwanda rwashyizeho umukono muri 2005, arebana n’uburyo intwaro nto zibaho mu bihugu zigacungwa zikanakurikiranwa, ngo impamvu zibaho ni ukugirango izi ntwaro zidahinduka ikibazo mu bihugu.

Gutunga imbunda ni nko kunyuza ingamiye mu jisho ry’urushinge!

Ibijyanye no kuba umunyarwanda yatunga, yakora, agacuruza cyangwa agakwirakwiza imbunda guhera muri iri tegeko ryo muri 2009, ngo ni ikintu gikomeye cyane kuko ngo inzego z’umutekano cyangwa ibigo bifite abashinzwe umutekano basaba uburenganzira bwo gutunga imbuda bakazihabwa ariko ngo biragoye kuba umuntu cyangwa urundi rwego rwanyura mu biteganywa n’amategeko kugira ngo ruzagere ku gutunga imbunda.

Yagize ati “Iri tegeko ryagiye mu Nteko Ishinga Amategeko mwaraye muganiriyeho cyane, hari abo twaganiriye kuri Twitter nshimira iteka. Iri tegeko usibye kwimura ibyaha n’ibihano rikabivana mu gitabo cy’amategeko ahana rikabijyana mu itegeko rigenda intwaro, ikindi ryakoze ni ukurushaho gukaza uburyo bw’uko umuntu ku giti cye cyangwa ikigo runaka bashobora gutunga intwaro no gukora cyangwa gukoresha intwaro”

Yakomeje agira ati “Ntabwo ari uko bidashoboka ariko ikigero cyari kiriho cyo gukurikirana, kubuza no gucunga n’imbaraga zashyirwaga mu gukurikirana cyo kumenya ibigomba kuba bisabwa kirarushaho kuzamuka. mbahaye nk’urugero urwego ruto cyane rushobora gutanga ubwo burenganzira ni umuyobozi mukuru wa Polisi, urwego rukuru ni Inama y’Abaminisitiri iyobowe na Perezida wa Repubulika. Ibyo ni ukugira ngo abantu batazabyuka mu gitondo bakabona muri butike harimo umuceri, umunyi n’imbunda ”

Yunzemo ati “Nagira ngo rero ku birebana n’ibyihariye ngira ngo mwarabikurikiye abari bari mu Nteko Ishinga Amategeko ejo, gutanga uburenganzira bwo gutunga no gucuruza imbunda bitangirwa uburenganzira n’urwego rumwe n’umuntu umwe, abashaka gucuruza bitangirwa uburenganzira n’icyemezo cy’inama y’abaminisitiri, ibisabwa umuntu kugira ngo atunge imbunda ni ibintu byinshi kubibona nge ndakeka ko ni hafi yo kuba bidashoboka, kugira ngo umurike aho ushaka gucururiza nabyo ni iteka rya Perezida”

Minisitiri Busingye kandi yavuze ko niba mu itegeko ryo muri 2009 ryari rifite ingingo 74 kuri ubu hakaba hariyongereyeho indi ngingo yihariye kandi ngo kuba muri iki gihe bitarashobokaga, ubu iri tegeko ryemejwe n’abagize Inteko Ishinga Amategeko ngo nibwo bigiye kurushaho kudashoboka ati “Ni nko kunyuza ingamiya mu jisho ry’urushinge’


INKURU ZA :
Tanga Igitekerezo
Ibitekerezo 8
alias kabwera Kuya 31-05-2018

Leta y’umusaza wacu nibiki yaba ishaka kuzana?ntabyimbunda mu Bantu nizigume aho zisanzwe zikoresherezwa ibindi nta nyungu abanyarwanda tubibonamo,abadepite kdi bage biga kubifitiye rubanda nyamwishi akmaro kdi abatazagaruka mu ntego bazagire business nziza zitarangwa nigihombo.

kako Kuya 31-05-2018

muzibeshye muzihe a baturage se murebeko haruzongera kwicwa ninzara

eddy Kuya 31-05-2018

birababaje,ntanicyo bimaze rwose gutunga imbunda sibyaburi wese harabo zigenewe kd barabishoboye ndetse babifitiye nuburenganzira kandi barihagije so ntampamvu nimwe bagakwiye kubyigaho kuko ntacyo bimaze rwose

Claude Kuya 31-05-2018

gutunga imbunda mbona nta kamaro ku batirage

John Kuya 30-05-2018

gutunga imbunda birashoboka cyane ku muturage,u Rwanda nigihugu kimaze kugera kure cyane mwiterambere,gutanga no gukurikirana izo mbunda byaba byoroshye cyane kubujuje ibisabwa.mba muri south africa aho bur muntu wujuje ibisabwa yemererwa gutunga imbunda,ariko ntibazikoresha munzira zitarizo kuko ibihano bikurikiraho birakaze cyane.abumujinya wa hafi bo ntibabura ibyo bicishanya,kuko ibyica s’imbunda gusa.ko batabikora se? nuko batabishoboye?* nuko bazi ko ibihano biriho kandi bitoroshye.

nsenga Kuya 29-05-2018

ndunva ibyo guha uburenganzira abaturage ngo batunge intwaro bitaba ari byiza cyane ko nubusanzwe umutekano w’abanyarwanda ucunzwe neza rwose dufite police ishoboye nimuyirekere izo mbunda naho ubundi umuntu yajya atongana nundi bapfuye ibintu runaka bikabaviramo kurasa na ibyo byaba ari uguha abagizi banabi abanyamujinya kumara abantu

Habimana Kuya 29-05-2018

Biteye agahinda kubona abadepite bacu bata igihe ku bintu bidashoboka. Muba m wabuze ibindi mwavugaho bifitiye abanyarwanda akamaro?

Habimana Kuya 29-05-2018

Biteye agahinda kubona abadepite bacu bata igihe ku bintu bidashoboka. Muba m wabuze ibindi mwavugaho bifitiye abanyarwanda akamaro?

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...