konka coffee
KONKA

AMAKURU

UKWEZI

Hibutswe Abatutsi biciwe mu Kigarama, intego ngo ni uguharanira ko batazazima

Hibutswe Abatutsi biciwe mu Kigarama, intego ngo ni uguharanira ko batazazima
19-05-2018 saa 21:02' | By Akayezu Jean de Dieu | Yasomwe n'abantu 1233 | Ibitekerezo 1

Inshuti n’imiryango y’abarokotse Jenoside bifatanyije n’abaturage bo mu murenge wa Kigarama, akarere ka Nyarugenge mu Mujyi wa Kigali, mu gikorwa cyo kwibuka ku nshuro ya 24 abazize Jenoside yakorewe Abatusti bo muri aka gace. Abitabiriye iki gikorwa bose bahuriye ku ntego yo guharanira ko abiciwe muri aka gace batazazima n’ubwo hari imwe mu miryango itaraboneka ngo ishyingurwe mu cyubahiro.

Kuri uyu wa Gatandatu tariki 19 Gicurasi 2018, nibwo hibutswe aba bazize Jenoside bo muri Kigarama mu gikorwa cyabimburiwe n’urugendo rwo kwibuka aho bavuye ahitwaga ku Irasaniro ubu hazwi nko mu Miduha bakagera ku ishuri ry’ahazwi nko kwa Hamdan batuje baha icyubahiro izi nzirakarengane zazize uko zaremwe.

Nkurunziza Marcel watanze ubuhamya bw’inzira y’umusaraba yanyuzemo mu gihe cya Jenoside aho yari atute mu mudugudu wa Zuba akagari ka Nyarurama, Umurenge wa Kigarama akarere ka Nyarugenge, Umujyi wa Kigali, avuga ko aho ngo ubwo yari mu mashuri abanza we na bagenzi be batotezwaga bikomeye kugeza ubwo uwitwaga Sausten wari umwarimu ku ishuri ribanza rya Kamabuye (Ubu ni GS Kimisange ).

Uyu mwarimu ngo yigeze kumukubita inkoni nyinshi kugeza ubwo n’uyu munsi agifite inkovu ku maguru aho yakubiswe na Sausten kandi ngo icyo gihe nta kosa yari afite.

Yakomeje avuga ko hari igihe cyageraga mu kigo bagakora ibarura cyane ko ibyangombwa byabo byabaga biriho ubwoko (Hutu, Tutsi, Twa), Icyo gihe ngo Sausten yaraje azana ifishi mu ishuri uyu Marcel yigagamo maze aravuga ngo Abahutu bahaguruke nyuma ngo ubwo yabaga mu ishuri yatanze nk’imyitozo iyo wabaga uri Umututsi wakubitwaga iz’akabwana atari uko watsinzwe ahubwo wabaga uzira uko wavutse.

Marcel yavuze ko iwabo bari umuryango w’abantu 9 barimo abana barindwi n’ababyeyi babo ariko ngo abo mu muryango we bagiye bicwa areba nyuma Imana iza kumurokora mu buryo nawe atarasobanukirwa cyane ko ari Papa, Maman ndetse na barumuna be bishwe areba ariko kubw’amahirwe aza kurokorwa n’Inkotanyi zaje no kumujyana mu kigo cy’imfubyi ari naho yakuriye kugeza ubu akaba ari umugabo.

REBA HANO UBUHAMYA BW’INZIRA Y’UMUSARABA, MARCEL YANYUZEMO:

Mwenedata Jean Pierre uhagarariye abarokotse Jenoside muri aka gace yabwiye Ukwezi.com ko batekereje iki gikorwa cyo kujya bihuriza hamwe bakibuka abazize Jenoside yakorewe Abatutsi muri aka gace baharanira kugira ngo batazibagirana cyangwa ngo bazime mu muryango Nyarwanda.

Yakomeje avuga ko kugeza ubu hakiri imbogamizi z’uko hari abagize uruhare mu kwica izi nzirakarengane zaguye muri Kigarama bakinangiye banze gutanga amakuru y’aho bajugunye abo bishe ariko anavuga ko bamaze kubona imiryango igera kuri 80 ariko ngo baracyakomeje igikorwa cyo gushakisha amakuru no kumenya irengero ry’abandi bantu bo muri aka gace bazize Jenoside yakorewe Abatutsi muri Mata 1994.

Mwenedata Jean Pierre yavuze ko intego yabo ari uko abazize Jenoside muri aka gace batazazimira
Ubuhamya bwa Nkurunziza Marcel bwakoze benshi ku mutima


INKURU ZA :
Tanga Igitekerezo
Ibitekerezo 1
Albert Kuya 22-05-2018

Ni mukare ka Kicukiro ntabwo ari muri nyarugenge

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...