AMAKURU

UKWEZI
ubumwe

Iby’ingenzi kuri Ambasaderi mushya Maj. Gen Charles KARAMBA wayoboraga izirwanira mu kirere

Iby’ingenzi kuri Ambasaderi mushya Maj. Gen Charles KARAMBA wayoboraga izirwanira mu kirere
16-07-2019 saa 12:51' | By Chief Editor | Yasomwe n'abantu 5300 | Ibitekerezo 1

Maj. Gen Charles KARAMBA yagizwe ambasaderi w’u Rwanda muri Tanzania ariko yari asanzwe ari Umugaba Mukuru w’Ingabo zirwanira mu kirere kuva itariki 28 Ukwakira 2015. Nk’Umugaba Mukuru w’Ingabo zirwanira mu kirere, yari ashinzwe ubuyobozi n’ ibikorwa by’Ingabo zirwanira mu kirere. Aka kazi yari akamazeho imyaka hafi ine, kugeza kuri uyu wa Mbere tariki 15 Nyakanga 2019 ubwo yagirwaga Ambasaderi w’u Rwanda muri Tanzania.

Major General Charles Karamba, ni umwe mu basirikare bagize uruhare mu rugamba rwo kubohora u Rwanda, ndetse yari mu basirikare 600 ba FPR Inkotanyi (APR) bari muri CND. Yabaye umuyobozi mu nzego zitandukanye za gisirikare haba ku rwego rw’aba ofisiye bato ndetse no ku nzego za ofisiye bakuru. Mbere yo kugirwa Umugaba Mukuru w’Ingabo zirwanira mu kirere yari Umuyobozi w’Ishuri ry’abasirikare bakuru b’Ingabo z’u Rwanda ( RDF Command and Staff College).

JPEG - 74.4 kb

Mu yindi mirimo yakoze, yabaye Umuyobozi wa Brigade 511 yo muri Diviziyo ya Mbere mu Ntara y’Uburasirazuba, yayoboye na Brigade ya 301 muri Diviziyo ya 3 mu Ntara y’Uburengerazuba. Yanabaye ushinzwe ubushakashatsi n’Iterambere mu Ngabo z’igihugu.

JPEG - 78.8 kb

Ku mirimo yakoreye hanze y’igihugu, yabaye Umujyanama wa Ambasade y’u Rwanda mu bya gisirikare muri Ethiopia na Eritrea, kandi yanabaye Umuyobozi Mukuru wungirije ushinzwe abakozi mu Ngabo za Loni zibungabunga amahoro muri Sudani y’Epfo (UNMISS).

Ibijyanye n’amashuri yize, asanzwe hamwe n’aya gisirikare:

  • Afite Impamyabumenyi yo ku rwego rwa Licence muri Science yakuye muri Kaminuza ya Makerere, Kampala.
  • Impamyabumenyi y’Imibanire mpuzamahanga yakuye muri Kaminuza yo muri Ghana, Accra mu kigo kitwa LECIA (Legon Center for International Affairs).
  • Afite Impamyabumenyi yo ku rwego rwa Masters ku mitunganyirize y’Umutekano w’igihugu yakuye muri Kaminuza y’Ingabo z’Amerika/National War College.
  • Yize ibyo kuyobora abasirikare mu Ishuri rikuru ry’Ingabo za Ghana (Ghana Armed Forces Command and Staff College)
  • Afite Dipolome yo ku rwego Mpuzamahanga yakuye muri Kaminuza y’Ingabo za USA/National War College (Diploma International Fellows Program).
  • Ni umwe mu bahagarariye (Fellow) Ishuri rya US National War College

Izindi Mpamyabumenyi:

  • Certificate mu bikorwa mpuzamahanga byo kubungabunga amahoro yahawe n’Ikigo kigisha kubungabunga amahoro (Kofi Anan International Peace Keeping Centre (KAIPKC).
  • Certificate mu gukemura ibibazo by’Intambara hagati mu gihugu yakuye muri Kaminuza yo mu Bwongereza, Cranfield University.
  • Certificate mu gutunganya Ingabo za kinyamwuga (United States Defense Institute of International Legal Studies).
  • Certificate mu bikorwa byo guteza imbere imibanire y’abasirikare n’abasivile yakuye US Air Force Special Operations School, Hurbertfield, Florida.
JPEG - 241.2 kb

Indi mirimo yakoze:

  • Yabaye umwe mu ba Ofisiye batanu bahagarariye RPA mu Itsinda rya GOMN “Groupe d’Observateurs Militaires Neutres” (GOMN) mu 1991.
  • Yabaye mu rugamba rw’Ingabo za RPA rwo kubohora igihugu, imirimo ya nyuma yakoze icyo gihe ni iyo kuba umukuru w’urwego rw’iperereza rwa Batayo ya 3 y’abasirikare ba RPA bari mu nyubako ya CND (Ingoro y’Inteko Ishinga Amategeko) mu minsi ya nyuma y’urugamba rwo guhagarika Jenoside.
  • Yayoboye itsinda ry’abasirikare bagiye Darfur kugenzura no gusesengura niba Guverinoma y’u Rwanda yahohereza ingabo ku busabe yari yagejejweho n’Umuryango w’Afurika Yunze Ubumwe bwo kohereza ingabo i Darfur.
  • Yanayoboye Itsinda ry’abasirikare ba RDF boherejwe Khartoum kugenzura no gusesengura niba Guverinoma y’u Rwanda yakohereza ingabo muri Sudani ku busabe bw’Umuryango w’Abibumbye.
  • Yagize uruhare mu itegurwa ry’Amasezerano hagati ya Guverinoma y’u Rwanda na Loni ku iyoherezwa ry’Ingabo z’u Rwanda muri Sudani.

Major Gen Charles Karamba afite imidari myinshi irimo Uwo kubohora igihugu, Uwo guhagarika Jenoside, Uw’Urugamba rwo hanze y’igihugu, uw’ishyirwaho ry’Umukuru w’igihugu, uwo kuyobora Ingabo n’urugamba, uw’ibikorwa byo guteza imbere igihugu hamwe n’uwo kubungabunga amahoro.

Major General KARAMBA arubatse, afite abana batatu.

JPEG - 92.2 kb
JPEG - 65 kb
JPEG - 105.2 kb

INKURU ZA :
Tanga Igitekerezo
Ibitekerezo 1
Ntama Kuya 18-07-2019

FELICITATION AFANDE NDUNVA AMATEKA YAWE ARI MEZA KOMEREZAHI.THX

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...