Ibyiciro by’ ubudehe bigiye kuvugururwa hagendewe ku bitekerezo by’ abaturage

Minisiteri y’Ubutegesti bw’Igihugu yatangije ibiganiro ku ivugururwa ry’ibyiciro by’Ubudehe n’imikoreshereze yabyo aho imiryango itari iya Leta itangazamakuru n’ abaturage bazatanga ibitekerezo kugira ngo bikorwe neza.

Byatangarijwe mu nama nyunguranabitekerezo ya MINALOC kuri uyu wa 14 Gashyantare 2019.

Ni mu gihe hirya no hino mu gihugu hashize igihe abaturage bijujutira ibyiciro by’ ubudehe bashyizwemo bavuga ko bitajyanye n’ ubushobozi bwabo.

Minisitiri w’ Ubutegetsi bw’ Igihugu Prof Shyaka Anastase yavuze ko ibitekerezo byatangiwe muri iyi nama bizashyikirizwa abaturage nabo bakagira icyo babivugaho hanyuma ibitekerezo bizakusanywa bikaba aribyo bizashingirwaho mu gushyira Abanyarwanda mu byiciro bishya by’Ubudehe.

Yagize ati “Abanyarwanda bazisanzure baduhe ibitekerezo, batubwire ibikwiye, tubiganireho tuzafate ikerekezo twemeranyijeho.”

Minisitiri Shyaka yavuze ko ibyiciro bishya nibimara kujyaho, Leta izagirana amasezerano n’ umuturage uri mu kiciro gifashwa bakemeranya ko mu myaka runaka, 3,58,… atazakomeza gufashwa.

Mu Rwanda abaturage batari bake bishimira kuba mu byiciro bibanza icya mbere n’ icya kabiri bitewe ni uko ibi byiciro ababirimo bagira amahirwe arimo kuba abana babo barihirwa na Leta, ab’ icya 1 bakivuza kuri make kandi ubwisungane mu kwivuza bakabutangirwa na Leta n’ ibindi.

Minisitiri Shyaka avuga ko mu gushyira abantu mu byiciro biri hafi gushyirwaho hazakorwa ibishoboka byose bigakorwa mu mucyo, nta karengane.

Yagize ati: “Turizera tudashidikanya ko akarengane na ruswa bizagabanuka cyane binyuze mu bufatanye bw’abaturage n’inzego tuzaba twabegereje.”

Ibyiciro bine by’ubudehe byari bisanzweho byashyizweho muri 2013. Icyo gihe byasimbuye birindwi byari ho abaturage bavugaga ko bibatera ipfunwe. Ibi byiciro bivugururwa buri myaka itanu.

Nigirente Jean Kuya 21-02-2019

Rwose Bizakorerwe Munteko Z,abaturage Bagize Umudugudu Kandi Buri Mudugudu Ugire Indorerezi Yawo Ikurikirana Ko Amakuru Abaturage Batanze Kumuntu Ariyo Umwanditsi Yanditse Ikindi Mbona Umwandi W,amakuru Mumudugudu Akwiye Nibura Kuzajya Aturuka Mukandi Kagali Umwanditsi Ntakorere Mukagali Atuyemo.

Ephrem Kuya 20-02-2019

Ibyiciro by’ubudehe n’ibyingenzi.
Ariko bikoranwe ubushishozi hagati y’ubuyobozi natwe abagenerwabikorwa(abaturage) duharanira kuzamura abafite intege nke n’ubushobozi bukeke muburyo bwo kuzamurana nkuko ibyo twagezeho twafatanyije mubyo tumaze kugeraho biduha imbaraga n’ikizereko n’ibindi bishoboka kugerwaho .

NSABIMANA FRANCOIS Kuya 17-02-2019

Ariko se mwese ntawashije kubaza igihe nyacyo bizatangira kuvugururirwa

Bikorimana theogene Kuya 15-02-2019

Nibyizacyanekomwibuka kumuturagewohasi arikomungemwoherezinzobere hasimubaturagekuko zibihugutsemo kuko harahumuturage arenganwa na bagenzibe bashingiye kuribibintu bitatu
1,Abanayabyaye ukobahagaze cg akazibakora
2,umuryangowe avukamo
3,ukoyitwaramubuzimabusanzwe
Ngererombonibyarukwibeshya cyane

Nyirishema fabien Kuya 14-02-2019

Nihakorwe ibyo byiciro hakoreshejwe ubushishozi kuko bamwe Baca inyuma bakaba bavugana nabari gushyira mubyiciro nkange nkintore yatojwe nasabaga ko mwanyemerera nyaba ijisho ryawamuturage utabashije kwivuganira umwe wa ntahonokora kuko nasanze bamwe babashyira aho batakagombye gushyirwa murakoze 0781892082 from bugesera rweru

Nyirishema fabien Kuya 14-02-2019