AMAKURU

UKWEZI
ubumwe

Ibyo wamenya kuri Paul Kagame na Jeannette bizihiza isabukuru y’imyaka 30 bakoze ubukwe

Ibyo wamenya kuri Paul Kagame na Jeannette bizihiza isabukuru y’imyaka 30 bakoze ubukwe
10-06-2019 saa 00:53' | By Chief Editor | Yasomwe n'abantu 4754 | Ibitekerezo 4

Tariki 10 Kamena 1989, Paul Kagame yashakanye na Jeanette Nyiramongi wari warahungiye i Nairobi muri Kenya we n’umuryango we. Bakoreye ubukwe mu gihugu cya Uganda. Ubu imyaka 30 irashize basezeranye kubana akaramata, bakaba bizihiza iyi sabukuru kuri uyu wa Mbere tariki 10 Kamena 2019.

Amateka y’urukundo rwa Paul Kagame na Jeannette Kagame, ntajya kure y’amateka y’u Rwanda muri rusange, bagahurira ku buhunzi bakuriyemo ndetse ipfundo ry’urukundo rwabo rikumvikanamo injyana y’umuco nyarwanda, dore ko ikintu cya mbere Jeannette yakirije Paul Kagame bwa mbere bahura, ari igikombe cy’amata.

Mbere y’uko bamenyana, Paul Kagame yari yarasabye abo mu muryango we kumurangira umugore ukwiriye, baza kumurangira Jeanette maze ajya kumusura muri Kenya, nyuma nawe amusaba kuzamusura muri Uganda. Bombi babaga mu mahanga kubera amateka yari yarabagize impunzi.

Ku mugoroba wa tariki 18 Nzeri 2015, mu mujyi wa Los Angeles muri Amerika, ahizihizwaga ibirori ngarukamwaka ku nshuro ya kane by’umuryango Heifer International ugamije kurwanya inzara n’ubukene, ubwo Madame Jeannette Kagame yagaragazaga uburyo inka yagize akamaro gakomeye mu mibereho y’abanyarwanda benshi na we arimo, ninabwo yahishuye ko ikintu cya mbere yazimaniye Paul Kagame bahura ku munsi wa mbere, ari igikombe cy’amata.

Yagize ati: "Mu myaka myinshi ishize, njye n’umugabo wanjye twahuriye muri Kenya...yari yaje mu ruzinduko aherekejwe n’inshuti. Nk’uko bisanzwe mu muco wacu, nabasabye ko tubazimanira, ariko arabyanga. Rwose yarabyanze pe! Ariko n’ubwo nari narakuriye mu buhungiro, nari nzi ko mu muco wacu, waba muto cyangwa uri mukuru , amata uyakirana urugwiro n’ibyishimo. Nahise mbazanira igikombe cy’amata, reka mbabwire...rwose umutima w’umusirikari ukomeye warashonze... ntiyashoboraga kwanga iki (gikombe cy’amata) nari muhaye..."

Perezida Kagame na Jeannette Kagame barizihiza isabukuru y’imyaka 30 bamaze bakoze ubukwe.

Ubwo Paul Kagame n’inshuti ze bajyaga muri Kenya bagiye gusura Jeanette bakanamuganiriza ku migambi bari bafite, yakunze cyane gahunda ya RPF yo gushaka uko impunzi zazatahuka zigasubira mu Rwanda, bakomeza umubano wabo igihe kiragera bararushinga, bakorera ubukwe muri Uganda aho bakomeje kubana mu buhungiro, kugeza ubwo bagarukaga mu Rwanda nyuma yo kubohora u Rwanda no guhagarika Jenoside, bikozwe n’ingabo zari ziyobowe na Major General Paul Kagame waje kuba Perezida w’u Rwanda kuva muri 2003 kugeza ubu.

Perezida Paul Kagame n’umufasha we Jeannette Kagame, ubu bafitanye abana bane, abahungu batatu n’umukobwa umwe. Imfura yabo ni Yvan Cyomoro Kagame, ubuheta ni Ange Ingabire Kagame, hagakurikiraho Ian Kagame n’umuhererezi Brian Kagame.

Ivan Cyomoro Kagame , imfura ya Perezida wa Repubulika y’u Rwanda, Paul Kagame, mu mwaka ushize yasoje amasomo y’icyiciro cya gatatu cya Kaminuza mu by’ubucuruzi (Master in Business Administration, ‘MBA’) yakuye muri Kaminuza yo mu Majyepfo ya Calfornia (University Of Southern Calfornia)

JPEG - 53.5 kb

Ange Ingabire Kagame, nawe muri Gicurasi uyu mwaka yarangije amasomo ye muri Columbia University iri mu mujyi wa New York muri Leta Zunze Ubumwe za Amerika, aho yakuye impamyabumenyi y’icyiciro cya gatatu cya Kaminuza (Masters) mu ishami ryigisha iby’ububanyi n’amahanga hamwe n’imiyoborere (International and Public Affairs).

JPEG - 59.8 kb

Ian Kagame, umwana wa gatatu muri uyu muryango, nawe muri uku kwezi kwa Kamena 2019, yarangije icyiciro cya kabiri cya Kaminuza muri Williams College yo muri Leta Zunze Ubumwe za Amerika, hari Cyumweru tariki 2 Kamena 2019. Ian Kagame wari n’umukinnyi w’ikirangirire muri iyi Kaminuza, yarangije amasomo ye mu bijyanye n’ubukungu.

JPEG - 90.8 kb

Naho Brian Kagame; umuhungu w’umuhererezi muri uyu muryango, yarangije amashuri ye yisumbuye ndetse ahabwa impamyabumenyi muri Gicurasi 2016 muri Leta Zunze Ubumwe za Amerika mu kigo cyitwa Deerfield Academy. Kuri ubu yakomeje amasomo ye muri Kaminuza n’ubundi muri iki gihugu.

JPEG - 128.8 kb

Umuryango wa Paul Kagame na Jeannette Kagame, watangiye kwaguka kuko aba babyeyi bamaze kubona umukwe, uwo akaba ari Bertrand Ndengeyingoma wasabye akanakwa Ange Ingabire Kagame mu mpera z’umwaka ushize wa 2018, bikaba biteganyijwe ko n’indi mihango y’ubukwe bwabo bazayikora vuba, ikaba nyuma y’imyaka 30 ababyeyi bizihiza isabukuru y’ibirori by’ubukwe bwabo.

JPEG - 361.6 kb
JPEG - 270.1 kb
JPEG - 196.6 kb

AMWE MU MAFOTO Y’UYU MURYANGO MU BIHE BITANDUKANYE:

JPEG - 41.4 kb
JPEG - 31.3 kb
PNG - 171.5 kb
JPEG - 137.8 kb
JPEG - 31.4 kb
JPEG - 104 kb
JPEG - 127.4 kb
JPEG - 91.2 kb
JPEG - 71 kb
JPEG - 71.9 kb

JPEG - 283.9 kb
JPEG - 1021.4 kb
JPEG - 55.6 kb
JPEG - 66.6 kb
JPEG - 64.7 kb
JPEG - 28.4 kb
JPEG - 59.6 kb

INKURU ZA :
Tanga Igitekerezo
Ibitekerezo 4
Claude Kuya 10-06-2019

jyewe ndabikundira gusa,uretse ko banasa neza bagira n’umutima mwiza,wabonye ukuntu HE ajya aca bugufi akumva abantu babaye?wabonye ukuntu First Lady ajya yicarana n’uducyecu two mu cyaro iyo ubona afite umutima w’impuhwe?uRwanda rwari rubakeneye mu gihe nk’iki,bahojeje imfubyi n’abapfakazi Umwami IMANA izabahe iherezo ryiza

byuka Kuya 10-06-2019

ariko rero ako gahererezi karasa cyane na Muzehe.yaribyaye peeee!

byuka Kuya 10-06-2019

ariko rero ako gahererezi karasa cyane na Muzehe.yaribyaye peeee!

byuka Kuya 10-06-2019

ariko rero ako gahererezi karasa cyane na Muzehe.yaribyaye peeee!

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...