AMAKURU

UKWEZI
ubumwe

Kuki CG Gasana ari we Guverineri utaratorewe kuyobora FPR ku rwego rw’Intara?

Kuki CG Gasana ari we Guverineri utaratorewe kuyobora FPR ku rwego rw’Intara?
17-06-2019 saa 12:28' | By Nsanzimana Ernest | Yasomwe n'abantu 9799 | Ibitekerezo 3

Ku wa Gatandatu w’ icyumweru gishize mu Ntara zose z’ u Rwanda no mu mujyi wa Kigali abanyamuryango ba FPR- Inkotanyi batoye abayobozi bahagarariye uyu muryango ku rwego rw’ Intara. Abayobozi b’ Intara z’ u Rwanda havuyemo uw’ Intara y’ Amajyepfo bose batorewe kuyobora FPR ku rwego rw’ Intara.

Aya matora yahereye ku rwego rw’ umudugudu , agera ku rwego rw’ akagari, arazamuka ku rwego rw’ umurenge , agera ku rwego rw’ akarere , kugera tariki 15 Kamena 2019 hatowe abayobozi ba FPR ku rwego rw’ Intara n’ umujyi wa Kigali.

Umuyobozi w’ Umujyi wa Kigali Marie Chantal Rwakazina niwe watorewe kuba Umuyobozi wa FPR –Inkotanyi mu mujyi wa Kigali. Guverineri w’ Intara y’ Iburengerazuba Munyantwari Alphonse yatorewe kuba Umuyobozi wa FPR – Inkotanyi muri iyi Ntara y’ Iburengerazuba, Guverineri w’ Intara y’ Amajyaruguru Gatabazi Jean Marie Vianney yatorewe kuba Umuyobozi wa FPR – Inkotanyi mu Ntara y’ Amajyaruguru, Guverineri w’ Intara y’ Iburasirazuba Mufuluke Fred yatorewe kuba Umuyobozi wa FPR – Inkotanyi mu Ntara y’ Iburasirazuba naho uwatorewe kuyobora FPR- Inkotanyi mu Ntara y’ Amajyepfo ni Vuganeza Aaron.

Vuganeza Aaron niwe watorewe kuyobora FPR- Inkotanyi ku rwego rw’ Intara adasanzwe ari umuyobozi wayo. Intara y’ Amajyepfo iyoborwa na CG Emmanuel Gasana kuva mu mpera z’ umwaka ushize.

Ingingo ya 55 mu Itegeko Nshinga ry’ u Rwanda ivuga ko Buri Munyarwanda afite uburenganzira bwo kujya mu mutwe wa politiki yihitiyemo cyangwa ubwo kutawujyamo. Gusa ingingo ya 6O mu itegeko nshinga ry’ u Rwanda ryo muri 2003 uko ryavuguruwe 2015 ivuga ko hari imirimo itabangikanywa no kuba mu mutwe wa Politiki. Iyo mirimo ni Abacamanza, abashinjacyaha, abasirikare, abapolisi n’ abakozi bo mu Rwego rw’Igihugu rushinzwe Iperereza n’ Umutekano.

Guverineri w’ Intara y’ Amajyepfo CG Emmanuel Gasana mbere y’ uko aba umuyobozi w’ iyi Ntara yari umuyobozi Mukuru wa Polisi y’ u Rwanda (yari umupolisi), mbere y’ uko aba Umuyobozi Mukuru wa Polisi y’ u Rwanda yari Umusirikare kandi ntabwo yigeze asezererwa mu gisirikare bityo ari mu batemerewe kuba mu mutwe wa Politiki.


Guverineri w’ Intara y’ Iburasirazuba Mufuluke Fred

Guverineri w’ Intara y’ Amajyaruguru Jean Marie Vianney Gatabazi

Meya w’ Umujyi wa Kigali Rwakazina Marie Chantal , watorewe kuyobora FPR mu mujyi wa Kigali


Vuganeza Aaron watorewe kuba Umuyobozi wa FPR mu ntara y’ Amajyepfo


Mu Kwakira 2009, Emmanuel Gasana wari Lt Col mu ngabo z’igihugu yazamuwe mu ntera agirwa Brig Gen ahita anahabwa ishingano zo kuyobora Polisi y’Igihugu, asimbuye Mary Gahonzire


INKURU ZA :
Tanga Igitekerezo
Ibitekerezo 3
tohoza Kuya 23-06-2019

Mary Bsine nawe yatahanye aka rank ka CG? CG ni appointrment ntabwo ari rank nkuko bavuga Jenerari.

Thac Kuya 18-06-2019

Aha ndabemeye rwose,mwakoze kinyamwuga pe.keep it up

ndabana Gerard Kuya 17-06-2019

nibyiza cyane tubashimira uburyo muba mutwitayeho mutugezaho burigihe amakuru meza mashyashya kdi yubaka igihugu

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...