AMAKURU

UKWEZI
ubumwe

‘Iki kibuga ntabwo ari umutako wo gusura kuri noheli n’ ubunani’ Perezida Kagame

‘Iki kibuga ntabwo ari umutako wo gusura kuri noheli n’ ubunani’ Perezida Kagame
9-08-2019 saa 19:40' | By Nsanzimana Ernest | Yasomwe n'abantu 1484 | Ibitekerezo

Perezida w’ u Rwanda Paul Kagame yafunguye ku mugaragaro sitade y’ imikino y’ intoki ‘Kigali Arena’ avuga ko Abanyarwanda bagomba kuyibyaza umusaruro kuko atari atari umutako.

Iyi sitade yubatswe iruhande rwa Sitade amahoro. Umuhango wo gutaha iyi stade wabaye kuri uyu wa Gatanu, witabiriwe n’abayobozi barimo Perezida Kagame wayifunguye. Madamu Jeannette Kagame; Minisitiri w’Umuco na Siporo, Nyirasafari Espérance; Minisitiri w’Urubyiruko, Rosemary Mbabazi n’abandi batandukanye bari bitabiriye.

Perezida Kagame yashimiye abubatse iyi sitade kuko bayubatse mu gihe gito avuga ko nubwo bayubatse mu gihe gito bayubatse neza.

Yagize ati “Ndashaka gushimira abubatse iyi arena, kampani yitwa Summa ya Turikiya, bayubatse mu mezi 6. Bakoze amanywa n’ ijoro uku niko dukwiye kwiga gukora, vuba kandi tugakora ibifite ubuziranenge”.

Abakoze imirimo yo kubaka iyi sitade 70% ni Abanyarwanda.

Perezida Kagame yanashimiye Masai Ujiri, Perezida wa Toronto Raptors wazanye igitekerezo cyo guteza imbere imikino ya basketball muri Afurika, iki gitekerezo cyashigikiwe na komiseri wa NBA Adam Silver na Amadou Fall.

Umukuru w’Igihugu yabwiye urubyiruko ko ijambo ‘Giants’ risobanura ‘ibihangange’ avuga ko kuba u Rwanda rushobora kubaka ibikorwaremezo nk’iyi nyubako ari uko ari igihugu cy’igihangange, bityo ko nabo bagomba kubikoresha bakazavamo ibihangange.

Ati “Kwitwara nk’ibihangange bituruka mu bikorwa, ntabwo ari uko ungana gusa cyangwa uko ukora, iyo ugaragara nk’igihangange, ugakora nk’igihangange ubacyo, ubu n’u Rwanda ni igihangange, tugomba kubishingira ku bikorwa.”

“Ntabwo iyi nyubako twayikoreye ko isa neza, ko tuzaza tuza kuyireba tukishima. Twayikoreye kugira ngo ibihangange by’u Rwanda, bya Afurika, bishobore kuhitoreza no kuhatsindira.”

Yakomeje agira ati “Ba bana twabonaga bato, tubarere, tubakuze, mu bikorwa byinshi byiza, byubaka igihugu cyacu, bakure bashaka kuba ibihangange kandi babe byo.”

Iyi arena ntabwo ari umutako wo gusura kuri Noheli n’ Ubunani, yubakiwe kujya yakira abakinnyi beza ba Basket b’ u Rwanda na Afurika bakitoza, bagakina bagatsindira aha

Mu gufungura iyi stade, habaye imikino ibiri ya shampiyona ya basketball igeze mu cyiciro cya Playoffs, aho mu bakobwa, The Hoops yakinnye na APR naho mu bagabo ni REG na Patriots.

Kigali Arena yubatse ku buso bwa metero kare ibihumbi 28, ikagira parikingi y’ imodoka 600, ifite ibyumba 6 abantu bambariramo, icyumba cy’ abanyamakuru, n’ icyumba cyo gusuzumiramo niba abakinnyi batafashe imiti yongera imbaraga z’ umubiri.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...