konka coffee
KONKA

AMAKURU

UKWEZI

Imashini z’abo kwa Rwigara zatejwe cyamunara akayabo ka 1,797,000,000Frw

Imashini z’abo kwa Rwigara zatejwe cyamunara akayabo ka 1,797,000,000Frw
18-06-2018 saa 14:28' | By Akayezu Jean de Dieu | Yasomwe n'abantu 8233 | Ibitekerezo 6

Kuri uyu wa Mbere tariki 18 Kamena 2018, nibwo Umuhesha w’Inkiko w’Umwuga, Me Habimana Vedaste yagurishije mu cyamunara imashini zikoreshwa mu gutunganya itabi ry’uruganda ‘Premier Tabacco Companyu Ltd’akayabo ka miliyari imwe na miliyoni 797 mu mafaranga y’u Rwanda kugira ngo hishyurwe umusoro umuryango wa Rwigara ubereyemo Leta.

Izi mashini z’uruganda ‘Premier Tabacco Ltd zegukanywe n’ikigo MM&RGD Company Ltd gihagarariwe n’uwitwa Olivier Udahemuka aho yatanze aka kayabo ka 1,797,000,000Frw.

Uyu muryango wa Rwigara Assinapol urimo umwenda Leta w’imisoro ugera kuri miliyari esheshatu z’amafaranga y’u Rwanda (6,000,000,000Frw), aho bivugwa ko mu gihe uyu mwenda utaraba ubonetse mu mitungo imaze gutezwa cyamunara hazafatirwa indi mitungo yabo nayo igatezwa cyamunara kugira ngo hishyurwe uyu mwenda.

Iyi misoro RRA yishyuza uru ruganda bivugwa ko ari iyo kuva muri 2012, aho ngo kuva icyo gihe uru ruganda rwahagaze kwishyura kugeza ubwo rwaje kugezwa mu nkiko maze ruratsindwa rutegekwa kuzishyura Rwanda Revenue Authority.

Tariki 28 Werurwe 2018, nibwo Umuhesha w’inkiko w’umwuga yagurishije mu cyamunara amakarito 7195 y’itabi ry’uruganda rwa Primier Tobacco Company rw’umunyemari Nyakwigendera Rwigara Assianpol (uhagarariwe n’abo mu muryango we yasize), maze rigurwa akayabo ka miliyoni 512Frw.

Anne Rwigara wari uhagarariye ibikorwa by’ubucuruzi muri uyu muryango yagaragaje kutishimira igiciro izi mashini zaguzwe. Ahamya ko agaciro k’izi mashini zagurishijwe gakubye nibura inshuro eshanu ubaze n’agaciro zagurishijwe.

Umuhesha w’inkiko yavuze ko kwanga iki giciro muri cyamunara babifitiye uburenganzira ariko itegeko rigena ko kugira ngo wange igiciro ari uko kiba kitageze kuri 75% y’igiciro cyahereweho mu cyamunara


INKURU ZA :
Tanga Igitekerezo
Ibitekerezo 6
Respect Kuya 29-06-2018

Kabarebe aherutse kuvugako abanyarda tujya uganda guhunahuna,it’s mean turi imbwa!!ubu abo kwa Rwigara ubwo mumaze gucyeneshwa plz muramenye ntimuzage guhunahuna rwose muzashinjagire mushira nk’imfura

Mugisha Emmanuel Kuya 22-06-2018

Ntibakabeshye umuntu anyereza umusoro kuva 2012 kugeza2018 Rwanda revenue irebahe?

Ndahiro Kuya 19-06-2018

Inzara aba bagabo bafite ndabona ari hatari. Bazahazwa n’ iki se? Nibazane abagore babo n’ abana twihahire ndabona aricyo gisigaye cyagurishwa n’ ubwo babamazemo ubuntu.

NELI Kuya 19-06-2018

Ngayo nguko

bizimana Kuya 18-06-2018

nukonyine

UMH Kuya 18-06-2018

Hahahaha.. GOD knws
gusa thos are too much kbsa

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...