AMAKURU

UKWEZI

Impunzi 22 zo mu nkambi ya Kiziba zasabiwe gufungwa indi minsi 30 y’agateganyo

Impunzi 22 zo mu nkambi ya Kiziba zasabiwe gufungwa indi minsi 30 y’agateganyo
26-04-2018 saa 13:19' | By Akayezu Jean de Dieu | Yasomwe n'abantu 4277 | Ibitekerezo

Kuri uyu wa Kane tariki 26 Mata 2018, mu rukiko rwisumbuye rwa Muhanga habereye iburanishwa ry’impunzi 22 zikurikiranyweho ibyaha birimo guteza imyigaragambyo mu nkambi ya Kiziba iherereye mu karere ka Karongo. Aba bose basabiwe gufungwa indi minsi 30 y’agateganyo nyuma y’uko iyo bari barakatiwe yarangiye

Mu byo izi mpunzi zishinjwa harimo kurema umutwe w’iterabwoba, kurwanya abashinzwe umutekano, no kutubaha amategeko ya Repubulika y’u Rwanda yabahaye ubuhungiro.

Kuwa 13 Werurwe izi mpunzi zari zagejejwe imbere y’Urukiko rw’ibanze rwa Bwishyura mu karere ka Karongi, aho aba bose uko ari 22 bakatiwe igifungo cy’iminsi 30 y’agateganyo ndetse bahita bajyanwa muri gereza ya Muhanga gufungwa.

Ubwo bagezwaga imbere y’urukiko kuri uyu wa Kane tariki 26 Mata, Ubushinjacyaha bwasabye ko iminsi 30 izi mpunzi zari zarakatiwe yakongerwa kugira ngo abashinjwa ntibafungwe binyuranyije n’amategeko.

Ubushinjacyaha bwabajijwe impamvu bwifuza ko urukiko rwisumbuye rwa Muhanga arirwo rufata icyemezo cyo kongerera abaregwa indi minsi 30 y’igifungo kandi atari rwo rwatanze icyemezo cya mbere kibafunga by’agateganyo. Ubushinjacyaha bwiregura buvuga ko impamvu ari uko ari rwo ruri hafi y’aho aba bakurikiranywe bafungiye.

Me Mulisa Alice na Me Ndayambaje Gilbert bunganira abaregwa bavuga ko abakiriya babo bagombye uba barekuwe kuko iminsi yarenze ndetse hakaba hiyongeyeho kuba ibimenyetso byose ubushinjacyaha bwararangiye kubikoraho iperereza bityo nta zindi mpamvu bwakwitwaza zituma abaregwa bakomeza gufungwa indi minsi 30 Aba ni bamwe mu mpunzi zo mu nkambi ya Kiziba bakurikiranyweho ibyaha bitandukanye bari bagejejwe imbere y’urukiko/Ifoto:Umuseke

Musabyimana Agathe, Umushinjacyaha ku rwego rwisumbuye rwa Muhanga yavuze ko ubusabe bushingiye ku kuba icyemezo kibafunga by’agateganyo cyarangiye bakaba bafite impungenge ko baramutse bafunguwe by’agateganyo bashobora gutoroka cyangwa bakabangamira iperereza rigikomeje.

Yagize ati “Icyemezo cyafashwe ntabwo cyavuyeho bityo nta mpamvu yatuma bafungurwa turasaba ko aricyo mwaheraho mwongera indi minsi 30”

Urukiko rwabajijwe buri wese muri aba bashinjwa niba yumva impamvu zatuma bafungwa zaravuyeho, maze basubiza ko nta cyaha bishinja ko barekurwa bagasubira kwita ku miryango yabo.

Biteganyijwe ko urukiko ruzagaragaza icyemezo kuri uru rubanza kuwa Mbere tariki 30 Mata 2018, ahabereye urubanza ku rukiko rwisumbuye rwa Muhanga..


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...